火薈中日火鍋

营业中

休息中

早前朋友介紹下去食火薈中日火鍋，食過一次就返唔到轉頭，用料新鮮唔多講，湯底正，火鍋料亦多選擇，最近仲推出抵食鮑魚鮮蝦海鮮餐，每位只需$298！超吸引加拿大A級象拔蚌刺身都係 $598 起，共五款湯底可選擇。上次試過超大塊靚花膠湯底，今次就點了用50斤豬骨煲成的芫荽湯底，芫荽味不重，豬骨湯香濃，火鍋另一邊的麻辣湯底飲完亦唔會覺得口渴或太油，值得一讚！前菜我們點了香脆可口的椒鹽墨魚咀，還有凍食的冰火魷魚，少少辣味口感特別。優惠期間，火鍋配料全部七折，於是除了鮑魚鮮蝦海鮮套餐包的五款海鮮（波士頓龍蝦、聖子皇、大連鮑魚、海中蝦及沙白蜆）及五款火鍋配料（手切鮮牛肉、手打三寶丸、即炸響鈴、稻庭鳥冬及雜菜拼盤）外，我們還加點了極上本地手切鮮牛肉、紐西蘭羊肉片、回味豬腩肉、四寶餃（雲吞、水餃、韭菜餃及黑松露餃各3件）及野生竹笙王，又是大滿足的一頓豐富晚餐！