尚海薈

母親節同屋企人去咗灣仔新開高質上海菜餐廳慶祝，由我發辦揀食物，環境舒適座位闊落，當晚大家都好滿意啊！酥炸臭豆腐台灣版食得多 香港版加上係餐廳內食真係第一次一上枱就有陣臭豆腐香 超怕隔離枱側目臭豆腐外脆內軟 就咁食都好夠味蘸埋甜醬辣醬就好港味呢！遠年陳皮意大利黑醋骨黑醋骨食得多 用上意大利黑醋再加陳皮炮製都係第一次 屋企人一致讚好質素好高黑醋做到焦糖化外脆之餘 仲有少少拔絲最勁係擺咗一段時間仲好脆 師傅功架了得蘿蔔千絲酥餅外面酥餅做到剛好好鬆 蘿蔔絲竟然有兩色兩款蘿蔔嘅腍度一樣同埋好甜呢！招牌小籠包內裡都有幾多湯汁 皮薄餡適中不過就無其他點心咁驚艷炸銀絲卷外酥內鬆軟 一啲都唔乾 蘸埋煉奶好正香煎韭菜餡餅幾驚喜係內餡除咗豬肉同韭菜仲有蝦食落無咁單調 餡餅兩邊煎得金黃 韭菜味好香四喜烤麩烤麩好入味帶些微五香味 幾鍾意四喜中爽口嘅荀粒雞絲粉皮麻醬濃郁而粉皮好滑 配埋爽脆青瓜條平衡膩感醃篤鮮好傳統經典嘅上海菜湯品 用咗醃咸肉同五花腩肉去熬煮至乳白色 個湯味道好鮮 飲完好暖胃值得一讚係冬菇浸得好透口感好好上海手拉粗炒本身諗住平平無奇 點知原來麵條係手工製食落好煙韌 愈嚼愈有米香 調味又剛好唔會過咸