盛記酒家

营业中

休息中

朋友喺灣仔做嘢，於是我哋幾個老友就約咗喺呢度食晚餐，叫咗以下菜式:是日老火湯 - 老火湯好足料，飲落有香濃嘅椰子味，加上紅蘿蔔同粟米嘅清甜，同埋豬肉嘅香味，簡簡單單已經好好飲。百花窩貼小棠菜 - 是一道結合蝦膠和小棠菜嘅傳統手工菜式，蝦膠彈牙，小棠菜爽口，配上酥脆嘅外層，令人忍唔住食完一件又一件。盛記小炒皇 - 小炒皇炒得好有穫氣，韭菜花脆嫩無渣，魷魚和蝦仁爽彈，蝦乾鹹香，銀魚仔及腰果炸得香脆，仲有惹味嘅菜脯，整道菜微辣，送飯送酒都一流。新鮮菠蘿咕嚕肉 - 新鮮菠蘿好甜美，咕嚕肉肥瘦適中，掛晒酸酸甜甜嘅醬汁，好開胃。綠豆沙 - 食完飯侍應就送上免費糖水，呢晚係綠豆沙，糖水唔會過甜，食到清香嘅臭草味同陳皮味，估唔到免費都有咁嘅質素。