盛記酒家

2025年8月11日 星期一今晚約埋屋企人去咗灣仔前身叫勝記，依家叫盛記既老字號酒家食飯，冇諗到星期一去食都座無虛席，差唔多全場都坐滿晒，好彩一早有訂位，留咗一張大枱俾我哋餐牌除咗馳名乳豬係餐廳推介之外，仲有好多唔同嘅菜式可以選擇，價錢灣仔嚟講都唔算太貴，由於我哋有七個人，所以大約揀咗六至七個小菜，店員都話應該足夠我哋食等咗一陣第一道菜就送到，係海蜇燻蹄，海蜇爽脆彈牙，帶微酸微辣，而燻蹄就煙韌入味，滷香濃郁兩者配合，既清新又開胃，口感層次分明之後有餐廳招牌菜風沙芝麻雞，外皮酥脆帶蒜香，雞肉嫩滑多汁，而芝麻香氣撲鼻，入口鹹香微辣，令人食指大動，一啖接一啖停唔到口呢個係野菌百福豆腐，豆腐滑嫩細膩，吸收晒野菌既醬汁，而菇菌就爽口多汁，配搭埋翠綠菜心，味道清新又富層次，齒頰留香然後有欖角冰梅骨，排骨外層微脆，肉質嫩滑，冰梅醬就酸甜醒胃，欖角咸香濃郁，食落入口即化，令人食完仲想即刻encore！！再黎有盛記小炒皇，蝦仁爽口彈牙，魷魚鮮嫩入味，再配搭蔥段同洋蔥等炒香，鑊氣濃郁，鹹香微辣，每啖都充滿香氣同鮮味跟住有瑤柱蛋白炒飯，飯粒乾爽分明，蛋白滑嫩清香，瑤柱鮮味濃郁，炒香之後更添層次，入口淡雅不膩最後有濃味海皇雜菜煲，粉絲吸收晒海鮮湯汁，滑溜入味，蝦、魷魚鮮甜彈牙，配搭埋菇菌、蔬菜，令到湯底濃郁鮮香，層次豐富，暖胃又滿足埋單食咗千幾蚊，除返每人都係百幾蚊左右，食到個個都飽晒…查看更多

酒樓係灣仔樓上舖，平日星期四晚上都接近full house，可想而之食物質素同價錢都好吸引。簡單叫餸食飯，份量大到差點要打包。必點即燒乳豬，係店內招牌，仲可以細細份叫¼隻，肉厚皮脆，配夾包自己包住食，口感豐富，幾好味。另外點咗：• 滑蛋蝦仁煎米粉：底層煎得脆卜卜，蛋嫩蝦仁鮮甜，汁多夠入味。• 椒鹽鮮魷：炸得脆口，椒鹽香口，四人分一碟都覺得唔夠。服務員態度親切，食到尾聲話有免費糖水，可惜太飽冇位試。下次會留肚。…查看更多

上個星期日放假，同屋企人去咗灣仔盛記海鮮酒家食晚飯。呢間酒樓外觀看落樸實，但入面環境乾淨舒服，有啲老派茶樓feel，坐得鬆動，上菜夠快。第一味上枱係蒜香爆龍躉球，一上枱就香氣四散。魚肉切得厚厚件，肉身滑溜又彈牙，蒜蓉炒到金黃香脆，食落鹹香適中.蝦醬金沙骨，外層炸得金黃，酥脆唔油膩，啲骨位啲肉仲保持住嫩滑同少少Juicy感。蝦醬咸香味勁，帶住微微甜味，食落香濃惹味。海皇雜菜煲,入面有蝦、帶子、魷魚同多款蔬菜。海鮮好新鮮，煲底個湯汁濃郁有鮮味，粉絲吸晒湯精華，滑口同入味，撈嚟食真係好滿足。芝麻雞,雞皮炸得金黃香脆，外皮灑滿白芝麻，陣陣芝麻香飄出嚟。雞肉嫩滑多汁，外脆內軟，食落層次感好豐富。芝麻香同雞香交融，非常香口。咕嚕蝦球，色澤紅潤亮眼。蝦球炸得外脆內彈牙，蝦肉鮮甜啖啖肉，甜酸比例啱啱好，菠蘿粒添咗少少果香味，食落清新又開胃。…查看更多

最近我去咗灣仔一家老牌酒家，品嚐了幾道招牌菜，食到傳統中式美食味道，值得推介！即燒乳豬即燒乳豬的皮脆肉嫩，搭配少量的醬汁，好正。炸子雞金片炸子雞，外皮油光好靚，食落香脆，肉質鮮嫩，真係高水準！大蟶子王這道大蟶子王鮮美無比，蟶子的肉質厚實，口感滑嫩。蒸煮後的蟶子保留了海鮮的鮮味。百花釀蟹鉗百花釀蟹鉗的餡料非常豐富，蟹肉與蝦肉的搭配，口感飽滿，層次豐富。炸至金黃又香脆。整體好滿意，食物有質素，保持傳統中菜特色！…查看更多

大病初癒，口淡淡想食中菜。黎左灣仔既盛記酒家食下簡單小炒。1. 新鮮菠蘿咕嚕肉新鮮菠蘿勁正，鮮甜多汁加哂分🥹成為是日全場VIP ! 咕嚕肉肉偏瘦，岩哂健身人士2. ⁠雲耳百合蓮藕片係健康既味道，高纖健康～蓮藕片薄得黎有咬口，厚度適中。3. ⁠乾炒牛河熱呼呼上枱，抵讚！大大碟同多蔥，味道適中，少油，唔會太重味又唔會無味。4. 糖水一般小炒中菜酒樓都會送糖水，盛記都唔例外，送左芝麻糊，疑似食到芝麻碎😳似乎唔係用粉開，真才實料好利害總結而言，三款菜都好岩剛剛病好既我口味，而且服務態度十分好，平平地食小炒菜，盛記係幾好既選擇👍…查看更多

同屋企人去咗呢間屹立多年嘅老牌酒家食晚飯，一坐低就點咗個即燒乳豬1/4隻，份量啱啱好。乳豬新鮮熱辣辣，皮夠薄脆，肉質嫩滑，好耐冇食過咁高質素嘅乳豬😋海鮮方面，大蟶子王每隻都有成隻手掌咁長，師傅用蒜蓉粉絲蒸，火候掌握得剛剛好，蟶子肉爽脆鮮甜，粉絲吸盡精華。百花釀蟹鉗都係心機之作，口感彈牙，炸到金黃，點埋喼汁，鮮味更加突出。壓軸嘅金片炸子雞，一上枱就聞到油香，雞皮香脆，肉質依然保持嫩滑，最驚喜係連胸肉都唔鞋口，可見師傅功力。成餐飯食落好有老香港風味，呢份懷舊味道同穩定水準，真係最難得。…查看更多

灣仔杜老誌道的盛記海鮮酒家。餐廳裝修雖然唔華麗，但環境乾淨企理，有傳統酒樓氣氛。侍應友善，同街坊都可以傾到幾句。蒜香爆龍躉球，熱辣辣上枱就聞到香味，魚肉厚身嫩滑，咬落彈牙，蒜頭炒到金黃，非常香口。濃味海皇雜菜煲都唔錯，入面有蝦、帶子、魷魚同蔬菜。海鮮新鮮，湯底香濃帶甜味。粉絲吸晒湯汁，好嫩口又有鮮味。芝麻雞，雞皮炸得香脆，灑上白芝麻之後更香。雞肉嫩滑又多汁，外脆內軟，食落有層次。咕嚕蝦球，色澤紅潤好吸引。蝦球炸得鬆脆，入面嘅蝦肉彈牙又甜。甜酸汁比例啱啱好，唔搶味唔膩口，菠蘿粒加咗少少果香，食落清爽又開胃。…查看更多

盛記酒家位於灣仔杜老誌道群策大廈三樓，系間老牌酒樓，環境寬敞舒適，仲有水族箱養住啲游水海鮮。侍應親切友善，同客人都可以傾返幾句。餐廳CP值高，人均200幾蚊已經超滿足。芝麻雞（半隻），賣相討好，表面鋪滿芝麻，香氣四溢，雞肉嫩滑多汁，雞皮薄脆帶有微微煙靱嘅感覺，食落又香又滑。濃味海皇雜菜煲，非常大一煲，有龍躉片、大粒蝦仁、菇類、菜、木耳、粉絲，湯底濃郁鮮香，食落暖肚又豐富。咕嚕蝦球，蝦球非常有咬口，酸酸甜甜啖啖肉，用三色椒伴碟，賣相唔錯。蝦器金沙骨，幾有特色，有啲似五花腩肉，帶少少鹹香，啖啖肉又入味，唔會太油膩。飯後仲有糖水送，椰汁西米露。…查看更多

放工後跟媽咪去位於灣仔的「盛記酒家」🍽️，是一間地道又親民的港式酒家🏮。酒樓裝潢簡約親切🏠，晚市主打各式地道小炒菜式🍲，菜式選擇繁多📋，份量十足🍛，火候掌握得宜🔥。 店員態度親切😊，服務周到👍，效率又高⚡，非常適合家庭聚餐👨‍👩‍👧‍👦或朋友聚會👯。海蜇拌青瓜 青瓜味道酸酸甜甜又多汁🥒，口感爽脆，十分開胃😋；海蜇有小小辣🪼，口感也很爽脆✨ 魚香茄子煲爆香後的鹹魚粒🐟和蒜蓉🧄香氣撲鼻，免治豬肉🐷和茄子🍆吸滿醬汁，入口軟腍細膩，整體鹹香惹味，下飯一流🍚❗️瑤柱蛋白炒飯炒飯炒得粒粒分明🍚，乾爽不油膩，瑤柱絲絲分明，蛋白也炒得嫩滑不乾柴🥚，味道口感同樣豐富🥰。 飽餐一頓後🍴，店員貼心送上是日糖水🤭今天的是 腐竹薏米糖水🥣，香滑滋潤💧，為整頓晚餐畫上完美句號🎉。…查看更多

平生第一次寫負評。簡單講，訂左中秋節晚7點，準時到達盛記，場面一片混亂。據餐廳講，Openrice平台提供的可預訂時間不準確，其實當晚用餐是分幾輪，沒人7點枱。而我們發現盛記主要招待熟客，所以盡管有枱，通過Openrice訂枱的我們，是不會獲派座位。最後和家人氣著離場，希望Openrice和盛記談好合作條件，不要讓客人受罪。…查看更多

免開瓶費，加上出色嘅菜式，合理嘅價錢，難怪平日晚上都幾墟冚。位於灣仔嘅”盛記酒家”，主打唔同種類嘅小菜海鮮。小菜種類繁多，表面上平平無奇，但係食落的確味道唔錯，特別係煲類嘅嘢食，香氣四溢。喺呢度開返支100分嘅half bottle，可以消除一天嘅疲勞。紅酒燴牛尾煲 $168呢度真係做”煲”嘅專家，隔離幾台無論係叫粉絲煲定係雜菜煲，都係香到隔離幾台都聞到。不過呢個紅酒燴牛尾煲就仲犀利。入味異常係基本，難得佢啲牛肥瘦兼備，咬落去嗰種腍嘅質感，加上可以襯埋紅酒嘅味道，天下無敵。椒鹽豆腐粒 $68份量偏多嘅豆腐粒。豆味中等，但係粉唔會好厚，加上椒鹽同喼汁嘅天然組合，都係適合襯酒嘅嘢食。海蜇燻蹄 $78本來海蜇同分題就係好標準嘅中式茶樓嘢食，但呢度嘅份量多之餘，燻蹄切得夠厚身，海蜇更加係厚過多數嘅酒樓，淨係呢兩樣嘢食落口嘅口感已經唔同晒。乾隆醉雞 $78醉雞標準係好簡單 : 夠凍、夠嫩、夠酒香。呢度嘅醉雞酒香濃，味道鮮美，令人印象深刻，出色得有啲令人意外。綠豆沙 (送)相對嚟講佢嘅綠豆沙就係正常水平，不過係作為贈送嘅甜品，已經足夠有餘。表面上只係好普通嘅中式酒樓，但佢嘅小菜發揮出色，前菜亦唔求其交足功課，加上可以免開瓶費，唔怪得呢度周圍都搞緊酒局。…查看更多

🤩欖角冰梅骨冰梅同欖角嘅香氣完美結合，酸酸甜甜，仲帶有一陣陣獨特嘅鹹香味。啲骨煮得啱啱好，肉質嫩滑入味，咬落仲有少少煙韌感，真係一啖接一啖停唔到口！🤤🤩薑蔥牛肉撈粗麵粗麵煮得彈牙啱啱好，吸晒薑蔥牛肉汁嘅精華，每一口都香氣四溢！牛肉片嫩滑得嚟仲好juicy，薑蔥嘅味道又唔會太霸道，啱啱好襯托出牛肉嘅鮮味。撈勻晒麵同牛肉食🫶🤩紅棗糕紅棗糕真係又靚又好味，晶瑩剔透嘅外觀已經令人心動。咬落去口感軟糯，唔會太甜但又有紅棗嘅天然香甜，食完仲有陣陣清香喺口腔度回蕩～✨ 🍵🤩馬蹄爽糖水入口嗰陣即刻感受到滿滿嘅馬蹄香味，啖啖都係清甜嘅滋味，好有層次感！🍠💛 嗰啲馬蹄碎咬落去脆卜卜，唔會太硬又唔會太細，啱啱好，仲有種好fresh嘅感覺～咁清爽嘅糖水，真係一試愛上！💦…查看更多

傳統中式菜館生意越嚟越難做，要留住客人個心，一定要保持出品水準。今晚約咗幾個朋友去灣仔盛記酒家，出品一向穩定食物有質素先嚟個煎蓮藕餅，大大件，煎到兩面香脆，蓮藕爽口，豬肉調味適中即燒乳豬，我哋四個人叫咗1/4隻，上枱仲微暖，皮脆肉嫰，醃料味夠傳統。雖然只係 order 1/4隻，都有跟埋甜包夾住食，窩心又貼心乳豬咁好食，決定試埋另一招牌菜：燒鵝下庄，果然唔錯，皮固然夠脆，肉又嫰，唔會過鹹或者太肥，水準之作小炒皇，配料超多，有鮮蝦，蝦亁，鮮魷，腰果等。最特別有炸芋絲，令口感更豐富。微辣更啱送酒鮮拆肉泥鯭粥，雖然唔係貴價食材，但就係心機之作。鮮泥鯭拆肉夠鮮甜，仲加埋好多配料：生菜絲，蔥花，芫荽碎及大頭菜粒，令粥底更鮮甜，口感更豐富飯後送甜品，紫米露，微甜潤喉，結尾最合適…查看更多

灣仔嘅上樓酒家近期仲有唔少優惠。招牌燒乳豬¼隻，上枱時乳豬皮超級香脆金黃，肉質鮮嫩多汁，師傅切得均勻，肥膏分開處理，配埋鬆軟細滑嘅方包一齊食，層次感十足，入口香、脆、軟兼備，味道非常出色，重點係豬皮夠香脆同焦香，齒頰留香。盛記小炒王配埋少少炸芋絲、蝦乾魷魚，鹹香惹味，口感酥脆又惹味，食住飲酒一流。燒鵝半隻，外皮香脆，肉嫩有彈性，調味傳統而且濃郁，肉香四溢。香煎蓮藕餅外脆內爽，蓮藕粒脆口彈牙，肉汁豐富，口感滿分。招牌拆肉泥鯭粥，粥底幼滑綿密帶米香，而且加咗大量鮮甜泥鯭肉，配料有爽脆生菜、香芫荽、咸香大頭菜，每啖都特別清甜滋味。整體菜式夠傳統，做功精細，出品穩陣，味道正宗。呢度仲有一圍菜式套餐，價錢吸引，適合同親友聚會。…查看更多

灣仔「盛記酒家」低調又有水準嘅中菜好選擇。▫️ 乾隆醉雞 酒香清醇，雞肉浸得夠時間，入味得嚟肉質依然嫩滑，皮爽肉緊，骨髓帶少少酒漬。▫️ 籠子梅菜蒸菜心 創意搭夠傳統！鋪上梅菜粒薑絲，蒸出嘅甜味完全滲入菜心，菜葉軟淋但菜梗依然脆身。梅菜鹹度控制得啱啱好，簡單但見功力！ ▫️ 窩燒香醋骨 一上枱醋香溫和，排骨燒到焦糖色澤亮身。咬落外層微脆，肉質鬆化唔黐牙，醋汁甜酸平衡得恰好。餐後仲送上糖水，服務唔錯！ 適合聚餐傾偈，仲可以自帶酒水免開瓶費…查看更多