盛記酒家

2025年8月11日 星期一今晚约埋屋企人去咗湾仔前身叫胜记，依家叫盛记既老字号酒家食饭，冇谂到星期一去食都座无虚席，差唔多全场都坐满晒，好彩一早有订位，留咗一张大枱俾我哋餐牌除咗驰名乳猪系餐厅推介之外，仲有好多唔同嘅菜式可以选择，价钱湾仔嚟讲都唔算太贵，由于我哋有七个人，所以大约拣咗六至七个小菜，店员都话应该足够我哋食等咗一阵第一道菜就送到，系海蜇熏蹄，海蜇爽脆弹牙，带微酸微辣，而熏蹄就烟韧入味，卤香浓郁两者配合，既清新又开胃，口感层次分明之后有餐厅招牌菜风沙芝麻鸡，外皮酥脆带蒜香，鸡肉嫩滑多汁，而芝麻香气扑鼻，入口咸香微辣，令人食指大动，一啖接一啖停唔到口呢个系野菌百福豆腐，豆腐滑嫩细腻，吸收晒野菌既酱汁，而菇菌就爽口多汁，配搭埋翠绿菜心，味道清新又富层次，齿颊留香然后有榄角冰梅骨，排骨外层微脆，肉质嫩滑，冰梅酱就酸甜醒胃，榄角咸香浓郁，食落入口即化，令人食完仲想即刻encore！！再黎有盛记小炒皇，虾仁爽口弹牙，鱿鱼鲜嫩入味，再配搭葱段同洋葱等炒香，镬气浓郁，咸香微辣，每啖都充满香气同鲜味跟住有瑶柱蛋白炒饭，饭粒干爽分明，蛋白滑嫩清香，瑶柱鲜味浓郁，炒香之后更添层次，入口淡雅不腻最后有浓味海皇杂菜煲，粉丝吸收晒海鲜汤汁，滑溜入味，虾、鱿鱼鲜甜弹牙，配搭埋菇菌、蔬菜，令到汤底浓郁鲜香，层次丰富，暖胃又满足埋单食咗千几蚊，除返每人都系百几蚊左右，食到个个都饱晒…查看更多

酒楼系湾仔楼上舖，平日星期四晚上都接近full house，可想而之食物质素同价钱都好吸引。简单叫𩠌食饭，份量大到差点要打包。必点即烧乳猪，系店内招牌，仲可以细细份叫¼只，肉厚皮脆，配夹包自己包住食，口感丰富，几好味。另外点咗：• 滑蛋虾仁煎米粉：底层煎得脆卜卜，蛋嫩虾仁鲜甜，汁多够入味。• 椒盐鲜鱿：炸得脆口，椒盐香口，四人分一碟都觉得唔够。服务员态度亲切，食到尾声话有免费糖水，可惜太饱冇位试。下次会留肚。…查看更多

上个星期日放假，同屋企人去咗湾仔盛记海鲜酒家食晚饭。呢间酒楼外观看落朴实，但入面环境干净舒服，有啲老派茶楼feel，坐得松动，上菜够快。第一味上枱系蒜香爆龙趸球，一上枱就香气四散。鱼肉切得厚厚件，肉身滑溜又弹牙，蒜蓉炒到金黄香脆，食落咸香适中.虾酱金沙骨，外层炸得金黄，酥脆唔油腻，啲骨位啲肉仲保持住嫩滑同少少Juicy感。虾酱咸香味劲，带住微微甜味，食落香浓惹味。海皇杂菜煲,入面有虾、带子、鱿鱼同多款蔬菜。海鲜好新鲜，煲底个汤汁浓郁有鲜味，粉丝吸晒汤精华，滑口同入味，捞嚟食真系好满足。芝麻鸡,鸡皮炸得金黄香脆，外皮洒满白芝麻，阵阵芝麻香飘出嚟。鸡肉嫩滑多汁，外脆内软，食落层次感好丰富。芝麻香同鸡香交融，非常香口。咕噜虾球，色泽红润亮眼。虾球炸得外脆内弹牙，虾肉鲜甜啖啖肉，甜酸比例啱啱好，菠萝粒添咗少少果香味，食落清新又开胃。…查看更多

最近我去咗湾仔一家老牌酒家，品尝了几道招牌菜，食到传统中式美食味道，值得推介！即烧乳猪即烧乳猪的皮脆肉嫩，搭配少量的酱汁，好正。炸子鸡金片炸子鸡，外皮油光好靓，食落香脆，肉质鲜嫩，真系高水准！大蛏子王这道大蛏子王鲜美无比，蛏子的肉质厚实，口感滑嫩。蒸煮后的蛏子保留了海鲜的鲜味。百花酿蟹钳百花酿蟹钳的馅料非常丰富，蟹肉与虾肉的搭配，口感饱满，层次丰富。炸至金黄又香脆。整体好满意，食物有质素，保持传统中菜特色！…查看更多

大病初愈，口淡淡想食中菜。黎左湾仔既盛记酒家食下简单小炒。1. 新鲜菠萝咕噜肉新鲜菠萝劲正，鲜甜多汁加哂分🥹成为是日全场VIP ! 咕噜肉肉偏瘦，岩哂健身人士2. ⁠云耳百合莲藕片系健康既味道，高纤健康～莲藕片薄得黎有咬口，厚度适中。3. ⁠干炒牛河热呼呼上枱，抵赞！大大碟同多葱，味道适中，少油，唔会太重味又唔会无味。4. 糖水一般小炒中菜酒楼都会送糖水，盛记都唔例外，送左芝麻糊，疑似食到芝麻碎😳似乎唔系用粉开，真才实料好利害总结而言，三款菜都好岩刚刚病好既我口味，而且服务态度十分好，平平地食小炒菜，盛记系几好既选择👍…查看更多