露面手工拌麵料理

营业中

休息中

灣仔露面手工拌麵料理，主打手工拌麵、湯麵、雲吞水餃、小食及各款手搖飲品。嫩雞白布湯闊麵：湯底加左花奶，成碗湯呈奶白色，味道濃郁，清甜好飲，雞肉嫩滑無比，份量好多，白布闊麵幼滑吸湯，口感柔軟，招牌必點。牛骨餃子麵套餐：牛骨湯熬製出啖啖精華，濃郁既牛肉味香氣四溢，充滿骨膠原，牛骨和蘿蔔都炆得好入味，麵條索滿湯既精華，清甜好飲。白菜豬肉水餃：皮薄饀料多，隻隻都脹卜卜，鮮美多汁。香茅香水檸檬茶：香水檸檬果肉大，唔會有苦澀味，而且帶淡淡香茅味，清新可口。招牌椰香喳咋：帶椰香味，配料超多，有鷹咀豆、紅腰豆、芋頭、黑糯米，十分滋潤。西施燉蛋：蛋香十足，非常滑溜，甜而不膩。總結，食物即叫即做，出餐快，價錢合理，值得推薦。