印度野

营业中

休息中

今次試咗一間隱世印度小店，主打家庭式風味，唔收加一，仲包罐裝飲品，性價比高。菜式充滿印度特色，香料運用純熟，味道層次豐富。🐟奶油咖喱魚柳魚柳肉質嫩滑，厚身啖啖肉，份量好多。咖喱底以番茄同奶油為主，入口香甜，幾乎吾辣，後勁有茴香同芫荽香氣，配烤餅一流。🫓蒜蓉烤餅即叫即烤，餅身蓬鬆帶焦香，蒜蓉分量慷慨，油香十足。🍞菠菜烤雞配農夫包菠菜蓉煮得細滑，混入少量芝士，濃郁中帶清新草香。烤雞嫩滑，農夫包外脆內軟，撕開蘸汁食，風味樸實有滿足感。 🍤蒜香蝦香料飯蝦肉爽彈，蒜香突出，飯粒用咗細長香米，加黃薑同香料調味，香口惹味。🍗印度烤雞用乳酪同香料醃過夜，雞肉嫩滑多汁，炭烤香氣濃烈。附送乳酪醬同辣茄醬，前者清新，後者酸辣醒胃。🍹Mango Lassi & Plain Lassi芒果版本甜度適中，果香自然；原味乳酪飲質地濃稠，解辣一流。 🌟正宗印度風味，香料運用恰到好處，烤餅同咖喱必試。裝修富有民族風，價錢親民不收加一，服務親切。