印度野

最近我去咗一间家庭式嘅印度餐厅，食咗一餐好味嘅旁遮普菜系晚餐餐厅气氛好温暖，价钱又亲民，真系好适合同家人或者朋友聚餐。我哋食咗印度烤鸡（Chicken Tikka）呢道菜嘅鸡肉外面烤过，入面仲系嫩经过香料腌制，外面微微焦脆，香气扑鼻配上特制嘅酸奶酱，味道更加丰富，令人一试就钟意然后系马萨拉牛腩香料饭（Masala Beef Biryani呢碗饭嘅香味真系劲正牛腩煮得软嫩，同香料饭融合得好好，米饭粒粒分明，每一口都好有味，一改我对印度长米本身嘅印象腰果咖哩牛舌（Cashew Curry Ox Tongue）呢道菜都好惊喜咖哩酱滑顺，腰果嘅香同香料味偏甜，一啲都唔辣牛舌柔软，少少焦香味道层次分明，真系好正菠菜薯仔咖哩（Aloo Saag Curry），就系素食者嘅福音😂菠菜同马铃薯好搭，但要注意佢都有辣度我仲叫咗蒜蓉烤饼（Garlic Naan）同奶油烤饼（Paratha），两款饼各有特色蒜蓉烤饼香味四溢，而奶油烤饼就松软可口，无论边款都好适合配咖哩…查看更多

呢间印度餐厅连个名都话埋你知佢系食正宗嘅印度野，绝对系北角入面最隐世而且最好食抵食嘅印度餐厅，唔收加一之余价钱仲要唔贵。餐厅系家庭形式打理，门口望落唔起眼，但入面干净舒服奶油咖哩肉酱 Butter Minced Beef咖喱味好香浓，加左芝士同D忌廉系上面即刻香左好多升华晒成个味道。肉酱个份量都几多，捞饭或者蘸薄饼都真系一流！Cheese Naan $36个口感正到好似食紧薄脆pizza咁！外皮烤到金黄香脆，咬落去好软熟，仲有浓浓芝士香可以拉到丝，必点！Ox Tongue Curry Masala $83牛舌厚切，炆到软淋好入味。玛莎拉酱好香带少少辣，同有微微蕃茄酸香，配烤饼食好正Hyderabadi Mutton Biryani $78传统印度饭煲到粒粒分明，羊肉大件又焖得腍，香料渗透每粒饭，D酱汁捞匀食成个饭都劲香小总结 ：街坊价钱+高质印度野，两个人点四样嘢都系$300！又够正宗，真心推呢间餐厅，下次出北角都会想食多次…查看更多

今日大家本来约去大澳游，但呢个劳动节实在太多访港旅客，真系惊难入难出，都系留喺屋企hea ，夜晚先一齐出去食返餐。有人带路，今晚去食印度菜。店子装潢有特色，内有一些民族挂画、吊灯，仲有一个巨大印度熊仔，好有趣！MENU分得好清楚，共有五款咖喱口味，包括香料咖哩、奶油咖喱、黑扁豆咖哩、腰果咖哩和菠菜咖喱，各有特色。另外仲有特色烤饼、特色小食、印度香料饭和饮品。每款咖喱套餐均配白饭和罐装或纸包饮品，加$15就可以转烤饼或蒜蓉包，我哋拣了三款唔同口味和一款特色烤饼。先上胡椒脆饼 ($28) 很薄身，整得极之脆身，咬下去时卜卜声，带点香辣的胡椒味，入口无油腻感，单单食它的原味已很美味!香料咖哩牛舌配蒜蓉烤饼 ($83+$15)有唔少牛舌，仲大大块同厚切，赞！蒜蓉烤饼表面都沾上蒜粒，边位烤至带少少焦㶶，很香！尝到淡淡的蒜香味，口感柔韧，好吃！牛舌烧得好靓，味道咸香，口感爽嫩，伴上独特的香料咖哩更美味，当然要同埋烤饼一齐食，最佳拍挡。腰果咖哩鱼柳配奶油烤饼($83+$15)腰果咖喱满载果仁香和奶香，质地浓厚，有磨至幼细的腰果粒，味道香辣中有果仁香，非常好味，推介俾钟意果仁嘅人。鱼件好有质素，一大件，好厚肉。外金黄内洁白，肉质好嫩滑，以咖喱烹调，香辣吸引。奶油烤饼好薄身，柔韧有麦香，淋上咖喱酱汁，夹件鱼柳，正！黑豆烩羊肉咖哩配蒜蓉烤饼($78+$15) 羊肉份量多，啖啖肉，整得好嫩，用料优质！不错。拣了配黑豆咖喱，以大量原粒嘅黑豆制作，相当特别！黑豆粉绵，辣度就中等，伴在烤饼上，再加埋羊肉，真系好饱肚，满足！无糖茶、甘蔗椰汁马蹄爽、可乐（$0/跟餐）冰凉透心，边饮边食香辣咖哩，爽呀！小店真系令我喜出望外，数咗几点：1）上枱摆得有心思；2）用料优质；3）各款咖哩各有特色；4）好足料：每篮烤饼和主菜都有好多件；5）抵食好食，定价亲民。今晚大满足！…查看更多

北印度咖喱偏香而少辣，较为合适香港人不太能吃辣，北印度旁遮普咖喱，以香料香气煮成咖喱，香味十足。印度野就在北角大型屋苑之内，地方不算大，座位都充足。前来时候尚早，没想到坐下，就已经8成满座。餐厅以香料咖喱为主，还有菠菜咖喱、黑豆咖喱和奶油咖哩。此外，香料饭和印度小食。食物跟饭和罐装饮品，可以加钱转配烤饼和饮品，价钱经济实惠。炸乳酪波 HKD48，乳酪外皮都几脆，点酸甜酱汁几好食。印度烤鸡 HKD48，3件都几厚肉，以香料腌制，配上白汁多一种风味。香料咖喱软壳蟹 HKD78，配奶油烤饼 HKD15。原只软壳蟹炸得够薄脆，吃上口啖啖肉，香料咖喱味道香，带点微辣。奶油烤饼共有6片，伴著香料咖喱吃好满足。海德拉巴羊肉香料饭 HKD78，印度米细而长，加入香料煮成带色彩，伴著海德拉巴羊肉都不少，煮到肉非常淋，略带点羊膻味，配著咖喱和香料饭吃又不错。餐饮 Plain Lassi HKD15，乳酪味不错，酸甜味道适中。餐饮 Mango Lassi HKD15，芒果味都几突出，甜甜地好润喉。…查看更多

位于城市花园嘅「印度野」，系一间充满地道风味嘅印度餐厅，同朋友食几款菜式，惊喜连连，赞口不绝！首先系黑豆烩羊肉咖哩配白饭，咖哩香浓而不腻，黑豆增添口感层次，羊肉炆得够腍，入口即化，咖哩汁渗入白饭粒粒分明，每啖都充满香料魅力，配埋冰冻可乐，味道平衡得宜，令人食指大动。另一道海德拉巴羊肉香料饭更系焦点。饭粒干爽分明，混合多种香料如丁香、豆蔻、肉桂等，香气扑鼻，未入口已令人期待。羊肉份量十足，炆得入味又唔失咬口，香料渗透每一丝肉纤，配上热辣辣嘅香料奶茶，茶香浓郁，微甜中带辛，完美中和香料嘅刺激感，令人回味无穷。小食方面，烧牛舌火喉控制得好，外脆内嫩，牛味浓郁；蒜香牛油鸡翼则香口惹味，蒜香渗入鸡翼每一丝肉纤，令人一啖接一啖。整体而言，餐厅环境舒适，服务亲切，食物水准高，价钱合理，绝对值得一试。无论系想感受印度香料魅力，定系揾个地方慢慢叹茶，「印度野」都系一个唔错嘅选择。…查看更多