影片
更多
2025-06-29
134 浏览
之前食過一次牛大人已經對佢嘅A4和牛念念不忘，今次嚟到佢又出咗新嘢 - 「炎夏椰樂祭」，梗係要試吓啦
主角梗係碟 A4+日本和牛 啦，啲雪花紋理靚到咁，淨係睇都覺得好幸福，淥幾秒就食得，入口即溶嘅感覺好正！再配埋杯冰涼清爽嘅特飲，簡直係完美嘅享受！仲有呢度啲鰻魚真係好肥美油香，鮑魚又夠爽口彈牙，完全顛覆我對任食嘅睇法！同樣都係A4和牛plan，今次揀咗新出嘅兩個湯底做鴛鴦鍋第一個係養顏美肌「木瓜椰皇嫩雞鍋」， 個湯底一滾起，已經聞到清甜嘅木瓜果香同淡淡嘅椰香，超級開胃。飲第一啖湯嗰陣真係好驚喜，木瓜嘅甜味同椰皇嘅清潤完美融合，飲落好舒服，完全感受到「養顏潤燥」嘅感覺！裡面嘅雞肉好嫩滑，爽口嘅竹笙吸晒湯嘅精華，每一啖都好滿足！忍唔住飲咗幾碗湯另外一個就揀咗「喇沙椰爺仲夏鍋」，鍾意食喇沙嘅朋友一定唔可以錯過，湯底結合咗喇沙醬嘅香辣同椰漿嘅香醇，仲好聰明咁加入鮮奶，所以食落 辣得嚟又帶有椰香，味道濃郁但完全唔膩。用嚟淥牛肉或者海鮮真係絕配，啖啖都充滿熱帶風情，好開胃！另外佢有幾個特色小食都幾盞鬼，「椰酥跳跳豬」，真係好玩又好食！🤩 豬肉炸到外脆內嫩，食法係將包爆炸糖倒上去，一放入口，啲糖就喺
主角梗係碟 A4+日本和牛 啦，啲雪花紋理靚到咁，淨係睇都覺得好幸福，淥幾秒就食得，入口即溶嘅感覺好正！再配埋杯冰涼清爽嘅特飲，簡直係完美嘅享受！仲有呢度啲鰻魚真係好肥美油香，鮑魚又夠爽口彈牙，完全顛覆我對任食嘅睇法！
同樣都係A4和牛plan，今次揀咗新出嘅兩個湯底做鴛鴦鍋
第一個係養顏美肌「木瓜椰皇嫩雞鍋」， 個湯底一滾起，已經聞到清甜嘅木瓜果香同淡淡嘅椰香，超級開胃。飲第一啖湯嗰陣真係好驚喜，木瓜嘅甜味同椰皇嘅清潤完美融合，飲落好舒服，完全感受到「養顏潤燥」嘅感覺！裡面嘅雞肉好嫩滑，爽口嘅竹笙吸晒湯嘅精華，每一啖都好滿足！忍唔住飲咗幾碗湯
另外一個就揀咗「喇沙椰爺仲夏鍋」，鍾意食喇沙嘅朋友一定唔可以錯過，湯底結合咗喇沙醬嘅香辣同椰漿嘅香醇，仲好聰明咁加入鮮奶，所以食落 辣得嚟又帶有椰香，味道濃郁但完全唔膩。用嚟淥牛肉或者海鮮真係絕配，啖啖都充滿熱帶風情，好開胃！
另外佢有幾個特色小食都幾盞鬼，「椰酥跳跳豬」，真係好玩又好食！🤩 豬肉炸到外脆內嫩，食法係將包爆炸糖倒上去，一放入口，啲糖就喺條脷上面 噼里啪啦 咁爆開，鹹香肉汁同甜脆糖粒嘅組合好有驚喜！
「黃金椰絲蝦丸」外層超酥脆，但入面嘅蝦肉就好彈牙多汁。最正係點埋個特製嘅椰汁美奶滋，柔滑嘅醬汁帶有清甜椰香，即刻中和晒啲油膩感！
仲有呢個「椰林火山脆薯條」， 薯條炸到 外脆內軟，再點埋個甜甜辣辣嘅香椰火焰醬，椰香正好中和咗辣味，食落好有層次，用嚟送酒真係一流！
嘢飲方面，今次都多咗啲surprise，・晚市「日本黑毛和牛A4+」套餐可免費任飲HighBall同特色雞尾酒，試咗杯「藍調微風」，一入口先係檸檬嘅酸味，即刻喚醒味蕾，跟住薄荷嘅清涼同椰子酒嘅奶香慢慢散出嚟，味道好有層次，好清新！
除咗平時不嬲都好鍾意嘅Movenpick甜品，另外仲有一個特色甜品，作為芋頭控，真係會對呢個「香芋椰漿脆脆」冇抵抗力！綿密嘅香芋配上滑溜嘅椰漿，面頭再加埋脆卜卜嘅椰子片，一啖有齊三重口感，超滿足！
最後幾包都必須好想食嘅整返個麵落去個湯底度吸晒啲精華，下次真係要減返幾磅留返啲quota先過嚟食
张贴
