蟹仙海鮮蒸氣鍋 (龍崗道)

营业中

休息中

又嚟到九龍城食好西，今次唔係食泰國菜，而係嚟到龍崗道呢間餐廳，專食海鮮粥底火鍋，海鮮同粥底都好得。 尊貴海鮮套餐同朋友揀咗呢個尊貴海鮮套餐，有時令海鮮、有機蔬菜籃同埋粥底鍋。店員首先會用蒸氣鍋高溫消毒餐具，而且專人負責蒸煮海鮮，確保食物夠熟得嚟唔會過火。 野生膏仔蟹 - 蟹膏多，夠甘甜，蟹肉新鮮而且厚實。 野生琵琶龍蝦 - 肉質爽口，味道鮮甜。 韓國釜山鰻魚 - 鰻魚肉肥美脆口，魚皮Q彈爽口，點芥末豉油可以帶出鰻魚鮮味。 仲有海虎蝦、翡翠螺、九孔鮑魚、珍珠蠔、蟹黃大元貝、野生青口等，淡淡都係海鮮嘅鮮味。 豬骨海鮮粥用豬骨、粟米煲成嘅粥底吸收晒海鮮嘅精華，最欣賞係落咗芋頭，增加成煲粥嘅棉密度。 椰汁雪燕食完海鮮火鍋，最後嚟個椰汁雪燕，夠晒清涼潤喉。