蟹仙海鮮蒸氣鍋 (龍崗道)

今晚同朋友黎咗個超豪華海鮮聚餐，全程用粥底蒸海鮮，原汁原味鮮到彈起！💎 秘製原隻南非乾鮑鮑魚size大到嚇親！炆得軟淋入味，咬落去仲有少少溏心感覺，個秘製醬汁鹹甜適中，連墊底嘅冬菇都索晒精華，正到暈！🦐 加拿大野生海虎蝦手掌咁大隻嘅海虎蝦，蒸完之後蝦殼爆裂，蝦肉爽脆彈牙到不得了！最誇張係蝦頭爆膏，鮮甜到連手指都啜埋！🐚 雙重貝類盛宴· 大西洋野生青口：隻隻肥美無沙，海水味超濃· 黃金翡翠螺：螺肉鮮甜爽口，用竹籤一挑就成舊出嚟· 韓國釜山蠔：蠔身飽滿creamy，蒸完都唔會縮水🦀 野生膏仔蟹揭開蟹蓋見到成肚橙紅色蟹膏，甘香豐腴！蟹肉鮮甜到不得了，連蟹腳都爆膏，真心無得頂！🦞 澳洲青年龍蝦龍蝦肉蒸得剛剛熟，肉質結實彈牙，龍蝦膏多到漏油，鮮味係口腔入面停留咗成分鐘！🍲 粥底精華最正係最後個粥底！吸盡所有海鮮精華，唔使落調味都鮮甜到不得了，每人食咗三碗都仲想encore！…查看更多

每次搜尋九龍城美食🔥 總被這家「蟹仙海鮮蒸氣鍋」霸占榜首！ 今天終於帶著吃貨隊友來朝聖啦～🤭初次到訪果然驚喜連連！ 店員貼心推薦「尊貴象拔蚌海鮮套餐」 💫🌟味蕾高潮推薦： ▫️原條加拿大象拔蚌刺身－冰鎮上桌爽脆鮮甜，片片透光如玉～😍👍▫️野生膏仔蟹－爆膏畫面太療癒！金黃蟹膏濃鬱到捨不得洗手～👍▫️澳洲青年龍蝦－肉質Q彈紮實，蒸煮後鎖住的鮮汁在口中噴發～😍👍▫️台灣九孔鮑魚－上桌還在舞動，嚼勁十足的海味冠軍🏆👍▫️另外還有～*蟹仙蟹皇醬青瓜片、台灣花尾龍躉片、加拿大野生大赤蝦、大茜洋野生青口、聖子皇、黃金翡翠螺、韓國釜山珍珠蠔、有機蔬菜籃～共12款食品每款海鮮都有專屬蒸煮時間 服務員全程幫手計時控火 完美呈現極致鮮度🕑 最後千萬別錯過鍋底精華粥底！ 集結所有海鮮精髓的黃金粥品 喝一口直接鮮到腦門顫抖🥣📍 **餐廳資訊**👨‍🍳：蟹仙海鮮蒸氣鍋🏠：九龍城龍龍岡道2-4號地舖…查看更多

九龍城除左食泰國菜出名之外，仲有間蟹仙都幾受歡迎。依度主打食海鮮蒸氣火鍋，咁先可以食到海鮮嘅原汁原味😆😆😆一入座已經送秘製原隻南非乾鮑味夠鮮甜，再加埋厚身冬菇夠爽口😗😗韓國釜山野生鰻魚，燒鰻魚就食得多，蒸鰻魚都係第一次食，鰻魚肉質帶爽，加埋wasabi食提升左佢嘅鮮味😛😛 野生琵琶龍蝦口感厚實，肉質鮮甜😍😍 大西洋野生青口，青口完全同急凍嘅冇得比，好新鮮好爽口，冇霉霉爛爛嘅口惑👍🏻👍🏻👍🏻 加拿大野生海虎蝦肉質結實甜美，而韓國釜山蠔好鮮味得好乾淨👏🏻👏🏻 膏仔蟹係今日嘅VIP，蟹好肥美，多膏之餘肉質好鮮甜😝😝😝😝😝 蟹皇大元貝，師傅自己處理蟹皇，再鋪噝大元貝上面，大元貝清甜，加埋矜貴嘅蟹皇，有多重口感之餘又有蟹嘅鮮味😬😬有機蔬菜籃，蒸完嘅蔬菜好清甜，又唔會有打邊爐嗰種油膩感😁😁 最後仲有鍋粥，粥吸取哂海鮮嘅鮮味，另加豬骨、栗米粒、芋頭粒，yumyum😋😋…查看更多

九龍城呢間海鮮蒸氣鍋有好多明星黎食過，所以我同朋友都去試下，叫咗個每位$419嘅set，海鮮每日由唔同地方運到，高質而且好夠飽！⭐秘製原隻南非乾鮑呢款係前菜，鮑魚煮得軟腍，鮑汁滲透，濃香入味，質感一流。仲有粒大冬菇，完全索哂鮑汁嘅鮮味。⭐加拿大野生海虎蝦蝦肉爽而彈牙，蝦頭仲有少少膏。⭐韓國釜山野生鰻魚蒸得啱啱好，食落爽口而且冇骨。⭐黃金翡翠螺蒸氣帶出螺肉嘅鮮甜，有嚼勁，跟職員建議點刺身豉油同wasabi食，鮮味更加突出。⭐蟹皇大元貝肉厚鮮甜，入口滿滿海鮮甜香。⭐韓國釜山蠔蒸氣輕煮，蠔肉保持creamy，海水味濃，鮮到爆。⭐大西洋野生青口青口肉質好嫩，食到海水嘅味道，唔駛點醬汁都好夠味。⭐野生琵琶龍蝦第一次試呢款海鮮，肉質彈牙，味道比平時食開嘅龍蝦更鮮甜。⭐野生奄仔蟹來自菲律賓未交配過嘅奄仔蟹，超多蟹膏，蒸氣煮法留住蟹膏濃香，鮮味突出，肉質嫩滑好食。⭐有機蔬菜籃蒸氣煮得蔬菜嫩綠，清新解膩，保留自然甜味。⭐海鮮粥用蒸氣海鮮嘅精華熬粥，特別鮮甜，加埋蔥花同葱菜落去，味道層次更加提升。整體黎講，呢餐嘅海鮮好新鮮，蒸煮方式鎖住原味，每道菜都鮮甜可口，值得推介！…查看更多

各位食家，有冇試過九龍城嗰間「蟹仙」嘅蒸氣海鮮鍋呀？真係堅正㗎！佢哋專做原汁原味蒸海鮮，所有嘢食擺晒喺個蒸氣鍋上面，逐樣蒸熟，啲鮮味一滴都冇走失，食落真係鮮甜到爆！必食推介首先係「秘製原隻南非乾鮑」，嘩！隻鮑魚厚身到呢，蒸完之後淋上秘製醬汁，咬落去又彈牙又入味，鮑魚味濃到呢，真係食完隻牙都軟埋（開心嘅軟！）。跟住係「韓國釜山蠔」，每隻都肥嘟嘟，脹卜卜。蒸到啱啱熟，一啖食落去，海水嘅鹹鮮同蠔嘅奶滑一齊湧出嚟，口感滑溜到不得了，完全冇渣，鮮甜到以為自己坐咗喺釜山海邊咁！仲有「大西洋野生青口」，size唔係講笑，隻隻都大隻肉厚。因為係野生，味道特別濃，蒸完之後殼入面保留咗少少海水同汁，一啜落去，嗰種海洋嘅鮮味直衝喉嚨，真係忍唔住要連汁都飲埋！成個蒸氣鍋過程都好過癮，可以睇住啲海鮮由生變熟，熱氣騰騰。食完海鮮，鍋底仲有集晒所有精華嘅粥底，嗰啖粥呀，真係鮮到冇朋友！…查看更多

去九龍城試咗蟹仙個尊貴海鮮套餐，真係堅抵食！一坐低已經見到枱上擺滿生猛海鮮，個龍蝦仲郁緊，個心即刻興奮起嚟！首先蒸嘅係鮑魚同蟶子，鮑魚蒸得啱啱好，咬落去又彈牙又鮮甜，點少少蒜蓉已經夠晒味。蟶子大大隻，一啖咬落去爆汁，個鮮味係由個殼度滲出嚟㗎！跟住到龍蝦，開邊蒸真係無得頂，啖啖肉仲要有膏，個鮮甜味真係正到冇得彈，隔離枱都望過嚟啊！最正係個奄仔蟹，揭開蓋見到滿滿嘅蟹膏，入口甘香到呢～仲有蟶子王同埋海蝦，樣樣都係即蒸即食，個蒸氣鍋鎖住晒啲精華，連底下個粥底都吸收晒海鮮汁，最後食埋碗粥，鮮到呢～成個人都滿足晒！成班人食到捧住個肚走，抵到爛啦！呢個價錢食到咁高質海鮮，仲要唔使自己動手，有專人幫你蒸埋，真心推薦俾鍾意食海鮮嘅你！…查看更多

同朋友補祝生日又唔想食太多熱氣嘢，同佢去咗九龍城食海鮮蒸氣鍋，我哋見「尊貴海鮮套餐」有龍蝦🦞，價錢都幾抵就試吓。原來店員會全程幫手蒸海鮮，唔使自己落手。鍋底就係鹹豬骨粥，一路蒸海鮮粥就吸收咗海鮮嘅精華。🌟🌟一開始就上咗碟秘製原隻南非乾鮑，炆得煙煙韌韌🌟黃金翡翠螺螺肉QQ彈彈，大大隻🌟🌟蟹皇大元貝好鮮味，咬落一絲絲，加咗蟹黃更加提鮮。🌟 🌟加拿大野生海虎蝦🦐，蝦身夠大鮮味濃🌟 🌟韓國釜山野生鰻魚，加薑絲清蒸原是係咁鮮味，一啲都唔腥，店員介紹點Wasabi又幾正🌟🌟韓國釜山蠔🦪蠔肉飽滿肥嫩，蒸熱後咬落係入口即溶🌟🌟 大西洋野生青口海鮮味濃，咬落爆汁好juicy，完全唔使點醬👍🏼🌟🌟菲律賓野生膏仔蟹🦀滿滿既蟹膏係金黃色，蟹肉鮮嫩，連蟹腳肉都飽滿唔柴🌟🌟🌟個人諗為最出色係澳洲青年龍蝦🦞龍蝦肉質彈牙帶脆，超鮮味👍🏼🌟有機蔬菜籃，剛好平衡海鮮啲咸味🌟🌟鍋底既粥落左碎菜甫同蔥花，加埋海鮮嘅精華，咸鮮味十足🌟🌟椰汁燉雪燕好清甜滋潤聽店員講老闆係做海鮮生意，所以揀得既都係靚海鮮，時令海鮮仲會每日空運到港添。…查看更多

位於宋皇台港鐵站附近嘅「蟹仙海鮮蒸氣火鍋餐廳」，絕對係海鮮愛好者嘅理想餐廳！我哋叫咗尊貴海鮮套餐，簡直係超豐盛嘅海鮮蒸氣火鍋！🍲首先，店員送上秘製原隻南非乾鮑，口感滑嫩，鮮味十足！跟住店員為我哋細心服務，逐一將海鮮放係蒸氣火鍋俾我哋食，而下層就係吸收哂海鮮精華嘅豬骨粥！黃金翡翠螺嘅螺肉彈牙，咬落去充滿鮮味！🐚 加拿大野生海虎蝦有蝦膏，肉質鮮甜🇨🇦 🦐 韓國釜山蠔亦相當出色，蠔味濃郁！🇰🇷🦪 至於蟹皇大元貝，扇貝肉質軟糯，配埋蟹皇更加帶出佢嘅鮮味！大西洋野生青口好有驚喜，海水味非常濃郁！仲有韓國釜山野生鰻魚，魚肉亦非常鮮甜。野生膏仔蟹嘅蟹膏實在勁多，蟹肉又好滋味無窮！🦀 澳洲青年龍蝦亦係超級正，勁大隻啖啖，肉質爽口超滿足！🦞食咗咁多海鮮，店員蒸啲有機蔬菜，食起嚟既健康又美味。🥬🌽店員仲煮埋海鮮粥，充滿海鮮精華的豬骨粥，裡面有芋頭粒、菜脯同䓤粒，實在暖心搭配！🍲最後，店員送上椰汁燉雪耳糖水，清爽可口！🥥 總之，「蟹仙海鮮蒸氣火鍋餐廳」海鮮新鮮，服務一流！😋👍🏻…查看更多

蒜蓉粉絲蒸扇貝真係必點！扇貝大大隻，鋪滿金銀蒜同透薄粉絲。蒸完之後粉絲吸盡扇貝嘅精華，蒜香撲鼻，扇貝肉鮮甜彈牙，個汁仲要好惹味，撈飯食真係一流。清酒煮花甲又係另一驚喜。花甲每隻都肥嘟嘟，用清酒煮過之後帶出淡淡酒香，完全唔會蓋過花甲本身嘅鮮甜。湯汁清甜得嚟帶點酒香，飲落好暖胃。鹽焗奄仔蟹做法特別，用粗鹽焗到鹹香入味。蟹蓋揭開，滿滿嘅蟹膏湧出，鹹香甘醇。蟹肉保持到鮮嫩多汁，鹽焗做法令到蟹肉更加鮮甜。胡椒大蜆湯飲落好暖身，胡椒味香濃但唔會太辣。大蜆每隻都飽滿多汁，湯底清甜中帶點微辣，飲完成個人暖笠笠。最後仲有海鮮粥底，吸收晒所有海鮮精華，加入菜脯、冬菜同芫荽，每一啖都係濃縮咗嘅海洋滋味，鮮甜到不得了！呢度嘅海鮮款式多樣，每款都有唔同嘅烹調方法，將海鮮嘅鮮味發揮到極致。無論係蒸、煮、焗，樣樣都做得咁出色，絕對係海鮮愛好者必到之地！…查看更多

餐廳木枱配大蒸氣鍋，座位寬敞啱晒家庭聚餐，食材新鮮，蒸法鎖住原汁原味，食落去海味濃郁又健康。太平洋饅頭蟹蒸得殼紅亮，蟹膏橙黃飽滿，一挖就滑溜溜似奶油，膏香甘甜帶海鮮鮮，入口化開無腥味，蟹肉白嫩彈牙，咬落juicy多汁，鉗子膏滿滿，蒸得入味但唔過火，蟹殼處理乾淨易拆，熱氣騰騰食最正。澳洲青年龍蝦蒸到尾巴微捲，肉質厚實Q彈，剝殼一咬鮮汁噴出，蝦肉爽彈鮮活，甜美juicy唔柴，膏位漏油濃郁，入口先彈牙後滑嫩，蒸法保持原形，鮮味持久喺舌尖留低。🦀秘製原隻南非鮑魚身厚實彈牙，入口化開帶海味鮮甜，秘製汁滲入每層，質地滑溜無韌口。大西洋野生青口殼張開貝肉飽滿，蒸後汁水豐富，咬落彈牙鮮甜，無沙礫海味濃。加拿大野生海虎蝦蒸得紅亮，蝦肉緊實juicy，一剝就彈入口，鮮甜帶微微甘。韓國釜山蠔蒸到貝殼微開，蠔肉肥美滑嫩，入口奶香海鮮味爆開，無腥新鮮彈牙。🦪…查看更多

蟹仙海鮮蒸氣鍋位於九龍城，鄰近宋皇臺站地點非常方便。餐廳顧名思義真係蟹中嘅神仙，啲蟹非常鮮甜，而且有我都未食過嘅特別品種，海鮮控必試！先講下前菜已經係南非乾鮑，配合秘製醬汁同埋厚身冬菇，食完更加開胃。蝦、翡翠螺同蠔超新鮮，清蒸咩都唔落更加食到海鮮嘅真味格外鮮甜！隻蠔手板咁大隻，咬落去口感爽滑，令人食過翻尋味😻平時食嘅海鮮餐真係好少又有龍蝦又有蟹，因為高級嘅食材通常都係二選一，但係今次就係兩種都有，仲要有三款不同嘅蟹！其中最特別嘅係饅頭蟹，呢款真係平時睇片有危險會抱住老婆走佬個個品種，蟹肉有種與別不同嘅鮮甜蟹味。扇貝更加令我難忘，落左師傅親自主理嘅蟹黃，扇貝本身都有大大塊膏，兩者交織出嘅味道真係超配襯，口感豐富味道更多層次，可謂雙重享受！最後加埋一個集結晒所有海鮮精華嘅粥底作結，真係超滿足，飽肚得嚟又集合晒各種高級海鮮嘅鮮味。一次過食到成七種海鮮，兩個人食仲有優惠，每人只係500蚊，最後仲有一客價值差不多$140嘅燉雪燕甜品作結，推介大家就算唔係住附近都一定要試吓！…查看更多

各位街坊食家，你哋試過「蟹仙海鮮蒸氣鍋」未呀？未就真係要走轉九龍城啦！呢度嘅蒸氣鍋，保證鮮到你唔信，由頭到尾都係用蒸嘅，原汁原味，鎖住晒啲海鮮精華，唔會好似其他煮法咁走晒味㗎！首先講吓個「秘製原隻南非乾鮑」，嘩！真係不得了！隻鮑魚大大隻，蒸完之後淋上秘製醬汁，食落去爽口彈牙，鮮味十足，仲帶啲甜味，真係食到停唔到口。師傅話係用咗南非嘅乾鮑，品質有保證，唔會好似其他地方咁用啲普通貨色。跟住係「韓國釜山蠔」，呢款蠔真係鮮到爆！蒸完之後蠔肉飽滿，一啖咬落去，啲汁即刻爆出嚟，鮮甜得滯，仲帶住淡淡海水味，真係正到痺！釜山蠔出名肥美，蒸完之後更加係將佢嘅鮮味發揮到極致，蠔迷必試！最後係「大西洋野生青口」，呢款青口同平時食開嘅完全唔同，肉質更加鮮嫩，蒸完之後仲保持到佢嘅原汁原味，一啖食落去，鮮甜嘅海水味即刻湧出嚟，真係令人回味無窮。野生青口嘅口感更加實在，唔會好似養殖咁軟腍腍。…查看更多

和媽媽去九龍城吃海鮮，選了蟹仙的爆膏大閘蟹套餐，每人有一隻大閘蟹及不同種類的海鮮✨爆膏大閘蟹套餐 $499(一隻大閘蟹)👉🏻5兩半-6兩半陽澄湖大閘蟹和媽媽每人有一隻公的大閘蟹，大閘蟹新鮮，蟹膏香濃，其中一隻蒸的時候蟹膏已經流出來了🤤總算完了一年一度吃大閘蟹的願望💫。👉🏻澳洲青年龍蝦 (蒸/刺身)另一賣點！店員推介新鮮的龍蝦可以選擇用來做刺身，所以和媽媽決定試一下🦞！龍蝦刺身鮮甜，肉質爽口，小編喜歡加檸檬汁再沾Wasabi一起吃，好fresh喔🍋！👉🏻韓國釜山鰻魚厚切鰻魚🐠，清蒸雖然沒有醬汁，卻吃到鰻魚的鮮味，肉質爽嫩👍🏻。👉🏻秘製30頭乾鮑30頭乾飽十分軟身、入味👌🏻👉🏻加拿大野生海虎蝦虎蝦肉質鮮甜，店員提醒不用沾豉油，可以品嚐虎蝦的原汁原味🦐。而且很乾淨，沒有蝦屎🙅🏻‍♀️。👉🏻韓國釜山蠔生蠔不算很大，不過頗肥美🦪。👉🏻大西洋野生青口平常很怕吃到粗鞋的青口，不過這個青口肉質嫩滑，有淡淡海水味👍🏻。👉🏻黃金翡翠螺翡翠螺爽嫩，和青口一樣，有點驚喜✨👉🏻蟹皇大元貝元貝配上自家製蟹黃醬，味道更豐富，小編覺得生熟度可以蒸少半分鐘，口感更適中👌🏻。👉🏻無激素蟲草花雞件🐥雞件醃得入味，每人大概有三四件，份量很足。👉🏻有機蔬菜籃最後還有蔬菜籃，店員會按照不同蔬菜調整烹調時間，分開烹調，避免不同的蔬菜過生或過熟，很細心👍🏻。👉🏻粥底粥底混合了蒸海鮮的精華，加上龍蝦頭、芋頭、粟米、蔥、及菜譜烹調，最後吃一碗暖暖的很滿足呢🥰整體來說，蟹仙的海鮮套餐新鮮，值得一讚的是店員每一次也會幫你設定蒸食物時間，即使客人不熟悉如何烹調也能品嚐到美味的海鮮。下次懶得煮飯仔又想吃海鮮又多個選擇了🤣…查看更多

去咗九龍城龍崗道嘅蟹仙海鮮蒸氣鍋，試咗佢哋個尊貴海鮮套餐，真係鮮到爆燈！全程有店員幫手計時蒸海鮮，唔使擔心蒸過龍，可以安心坐低等食！第一輪蒸鮑魚同蟶子，鮑魚蒸得啱啱好，彈牙得嚟唔會韌，點少少蒜蓉醬已經好正。蟶子大大隻，肉質飽滿，一啲沙都冇，入口鮮甜到不得了！跟住係海蝦，一蒸完已經聞到陣陣海水味，蝦肉結實，唔使點豉油原隻食，正！重頭戲係膏蟹，一打開蓋見到滿滿嘅蟹膏，真係心心眼！蟹膏甘香豐腴，蟹肉鮮甜，食完隻蟹個嘴都仲係香嘅。仲有蒸蜆同聖子，全部開口笑，肉質嫩滑冇失手。最後個精華所在就係底嗰鍋粥！集齊晒所有海鮮嘅汁液精華，粥底綿滑，每一啖都係濃濃嘅海鮮甜味，食完海鮮再嚟碗粥，真係完美收尾！成個體驗都好正，海鮮質素高，服務又貼心。雖然價錢唔算平，但絕對物有所值，想豪食一餐新鮮海鮮嘅朋友，呢度係不錯選擇！…查看更多

除咗上次試過嘅鮑魚、龍蝦同膏蟹，今次再試多幾款海鮮真係一樣咁出色。蒜蓉粉絲蒸扇貝絕對係必點之選，扇貝大大隻，肉質鮮嫩彈牙，配上吸盡精華嘅粉絲，個味道真係無得頂。仲有清酒煮花甲，花甲隻隻開口，酒香同蜆肉嘅鮮甜完美融合，湯汁清甜到忍唔住飲埋。蒸生蠔又係另一驚喜，生蠔脹卜卜，蒸完之後依然保持到滑溜口感，海水味十足。仲有白灼海蝦，簡單用蒸氣煮熟，蝦殼一剝就開，蝦肉鮮甜爽口，點少少辣椒醬油已經好正。最後一定要講吓個蒸蔬菜拼盤，有粟米、南瓜同娃娃菜，吸收咗蒸海鮮時滴落去嘅精華，清甜得嚟帶滿滿海鮮味，食完咁多海鮮之後食返啲蔬菜，個感覺真係好舒服。呢度嘅海鮮款式夠多，每款都係即叫即蒸，保持最鮮狀態。蒸氣鍋嘅做法又能夠鎖住食材原味，真係將海鮮嘅鮮味發揮到極致。…查看更多