樂意點心

营业中

休息中

行過呢間點心店幾次，見到佢每一次都好多人排隊，今日都唔例外，已經算係早，大概6:00嘅時間已經嚟到，但係都要等一兩張枱先可以入得。入到去見到有好多唔同國籍嘅旅客，大家都叫咗佢個籠仔飯，原來佢有一個套餐可以選擇，入邊包一款飯，可以叫最普通嘅菜式，亦都可以加錢配海鮮，我哋就叫咗加$20嘅嗰一個帶子飯，面頭鋪滿咗厚厚嘅蒜蓉，每一啖飯都好香，而且帶子嘅份量都好多。而佢個套餐都包埋生菜、一份點心、同埋一份小食。我哋就叫咗牛肉球同鮮竹卷，正正常常，都係熱辣辣嘅。而佢哋最特別嘅就係佢哋嘅茶有好多選擇，我哋今日嗌咗玫瑰花茶，非常之香。最後仲嗌咗個杏汁燉蛋，大滿足。