影片
更多
2023-09-14
54 浏览
呢排日日都要OT🥲放工都已經差唔多8點，經過深水埗福榮街見到有間食上海野嘅「上海萬家村小館」入邊仲係座無虛席，好彩比我入埋最後兩個位✌🏻睇睇個餐牌，價錢非常抵食，我地嗌咗三個餸加一籠小籠包，碟碟都好足料，飽到上心口😆相思骨炸過嘅排骨外脆內軟，裹上酸酸甜甜嘅醬汁，再加入楊梅，味道有啲似咕嚕肉，啖啖肉之餘仲好開胃添回鍋牛肉牛肉份量超多，肉質鬆化，加入大量爽脆嘅椰菜、青椒、紅椒同豆腐乾再配上香濃嘅醬汁，味道甜甜地辣辣地，送飯一流銀芽炒鱔糊呢度嘅銀芽炒鱔糊只需$128，出邊呢個價錢一定食唔到呢個質素👍🏻鱔肉爽脆彈牙，醬汁香甜，亦係一道非常下飯嘅菜式鮮肉小籠包一籠有5隻，大大粒，夾起個皮亦唔會穿，一啖咬開入面充滿熱辣辣鮮味嘅肉汁，正宗嘅上海風味📍上海萬家村小館 (深水埗)深水埗福榮街117號地舖人均消費：$100-200食物：⭐️⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐⭐️
相思骨
炸過嘅排骨外脆內軟，裹上酸酸甜甜嘅醬汁，再加入楊梅，味道有啲似咕嚕肉，啖啖肉之餘仲好開胃添
回鍋牛肉
牛肉份量超多，肉質鬆化，加入大量爽脆嘅椰菜、青椒、紅椒同豆腐乾再配上香濃嘅醬汁，味道甜甜地辣辣地，送飯一流
銀芽炒鱔糊
呢度嘅銀芽炒鱔糊只需$128，出邊呢個價錢一定食唔到呢個質素👍🏻鱔肉爽脆彈牙，醬汁香甜，亦係一道非常下飯嘅菜式
鮮肉小籠包
一籠有5隻，大大粒，夾起個皮亦唔會穿，一啖咬開入面充滿熱辣辣鮮味嘅肉汁，正宗嘅上海風味
📍上海萬家村小館 (深水埗)
深水埗福榮街117號地舖
人均消費：$100-200
食物：⭐️⭐️⭐️⭐️⭐️
環境：⭐️⭐️⭐️⭐️
回頭率：⭐️⭐️⭐️⭐⭐️
张贴
