上海萬家村小館

今日收工係深水埗食上海菜，嚟到呢間平價抵食人氣上海菜小店萬家村。晚市好多特價套餐，已經好抵食。阿媽出城，嗌個松子二人套餐佢嘆吓先～都係超抵食😳 $408包1自選冷盤+2點心+3湯+4主菜+5小菜+6炒飯+7甜品+8飲品，真係去邊度搵😂！陳醋木耳：以前菜黎講佢份量都好足，一大碟，完全唔小家。陳醋夠酸，帶有辣味同蒜香，食落好開胃又健康松子炸黃花魚：上碟時已經見到大大條黃花魚，賣相吸引，令人流晒口水🤤黃花魚炸得酥香，唔油膩。甜酸醬調味一流，松子份量都多。之前喺其他上海餐廳食類似菜式都要二百幾蚊一碟，味道都未必有呢度咁出色，價錢同質素都贏晒👍🏻小籠包（五隻）：小籠包皮一咬爆汁，經典上海味道，熱辣辣上枱最正招牌小炒王：韭菜花份量多，仲有蝦米、腰果等配菜，炒得鹹香有鑊氣，送飯一流。雖然比較多油，但過吓清水或飲杯茶就冇問題海鮮羹：羹湯清清地，口感濕潤，主要材料有火腿、蟹柳、蝦粒，味道淡中帶鮮揚洲炒飯：食到呢度已經好飽😹但炒飯份量依然大大個。飯粒分明，有鑊氣，夠晒誠意高力豆沙包（4隻）：特登叫咗走砂糖，豆沙餡唔算太甜🫶🏻炸蛋白外層軟熟，口感幾好，食完唔覺膩飲品：豆漿&汽水自家製豆漿唔會好甜，飲落順口，成杯飲晒都唔覺膩二人餐抵食之餘，其實三至四人食都好夠。份量十足，價錢親民，值得一試…查看更多

今日同爸爸告了深水埗搵食，通菜街這裏有多間不同的食店！今次見到這間以上海菜為主的餐廳，仲看到食客滿滿，所以便帶爸爸一試！坐低後，看過餐牌，有多款不同食物可以選擇。有可以單點的上海擔擔麵、豬扒湯麵、炒飯、炒年糕、小籠包、鍋貼、生煎包、全部上海特色的、有名的小菜及粉麵都一一俱全，完全是花多眼亂。之後看到有一款砂鍋雲吞雞套餐，價格相宜，而且包了很多款食物，所以最後我們決定點了這個套餐！首先套餐可以包了兩杯飲品，我們點了一杯豆漿，豆味香濃真材實料。另一客選了一罐汽水。套餐可以配上白飯或菜飯，我們點了菜飯！菜飯較為清新，而且有菜粒混在白飯中，吃起來帶點清新香氣。宮保雞丁，帶點點微辣的相當開胃！又超多粒雞丁！啖啖肉又惹味用來拌飯一流！仲有椒和腰果！相當有咬口！最欣賞的是這道菜式的醬汁，微辣香甜勁惹味和超夠分量的雞丁肉粒！招牌鮮肉爆汁小籠包，熱辣辣！皮薄餡靚又多汁！一咬下鮮肉汁一湧而出，熱辣辣的非常美味！這間餐廳的小籠包相當出色，價廉物美性價比極高。砂鍋雲吞雞¼隻！這個砂鍋雲吞雞都相當美味！熱辣辣的鮮雞湯，飲起來相當滋潤、清甜、雞味濃厚！配上了鮮肉雲吞，大大粒的雲吞皮薄而且滑溜溜的，中間鮮肉彈牙多汁。非常出色！另外仲有菜和雞件，雞件份量多的，啖啖肉超美味！食飽飽當然少不了吃上海菜特色的甜品！高力豆沙，糖粉鋪滿了高力豆沙外皮上，吃起來甜甜的。高力豆沙外皮熱辣辣的，帶點點煙靭，中間部份有滿滿的香甜紅豆。非常新鮮，而且熱辣辣，漲卜卜的高力豆沙超級美味！這間小店食物非常用心製作，而且價廉物美值得推薦。…查看更多

人來人往的店家，充滿姨姨們濃濃嘅人情味！個個人一坐底就可以落單，menu都唔使睇，就知道係熟客！🔶招牌鮮肉爆汁小籠包五隻$50每次食上海嘢都一定要叫嘅就係小籠包，今次呢個皮薄，入邊多汁，肉餡肥肉瘦肉比例啱啱好，優勝過好多餐廳！🔶蟹粉黃金炒飯$110有驚喜！嚟到個蟹粉勁多勁足料，我呆咗！面頭有滿漢嘅蟹粉，個飯用鹹蛋、蛋、蔥花炒成，啲飯粒粒分明，成日話食一間舖頭嘅炒飯，就可以睇到師傅嘅鑊氣同功架，呢間個師傅係有料到嘅！🔶回味麻辣口水雞$71雞肉嫩滑，唔會好肥！必須講佢個辣好正，唔係平時死鹹嗰啲，不過對於唔食得辣嘅人，可能會覺得偏辣！上面仲有搭配炸花生🥜🔶招牌回鍋肉$98呢道餸由五花肉、椰菜、豆乾、紅椒🌶️炒成，味道偏甜，怕辣嘅人可以一試！🔶高力豆沙（四隻）$54唔知有冇人同我一樣鍾意純粹豆沙餡嘅高力豆沙，入面無加香蕉，外面鬆鬆軟軟嘅空氣感，超正🤩而家啲小店食一間少一間，我哋真係要多啲支持，特別係啲好食，有實力嘅，唔可以俾佢消失！…查看更多

約咗朋友今晚食上海野🤗餐廳位於深水埗地鐵站出口附近地點非常之方便就腳所以晚飯時間都好多人幫襯餐廳多四至六人枱*****上海粗炒$70*****粗炒軟硬程度適中穫氣同醬汁配搭都相當足夠呢個質素只需$70性價比高*****蒜蓉上湯菠菜$90*****份量充足食材新鮮幼嫩配上湯健康又唔油膩*****相思骨$102*****味道係酸酸甜甜非常開胃的菜式同樣地大碟非常之抵食整體來講送菜速度快份量大碟味道唔錯價錢親民Menu選擇都好多唔一定只有上海菜式普遍的廣東小菜都有小籠包、高力豆沙今次無quota試下次如果多兩三個朋友黎就可以試吓見到隔離枱有嗌賣相都唔錯值得一提的是原來餐廳都有下午茶set真係超級抵食…查看更多

講起上海菜，除咗小籠包同燻魚，其實仲有啲「隱藏大佬」！今次喺深水埗嘅「上海萬家村」，就俾我撞到碟蟹粉扒豆苗，真係一試難忘，成為我全晚最掛住嘅一道菜！一上枱，個賣相已經贏咗！ 滿滿一大碟，金燦燦嘅蟹粉好似流沙咁，完全覆蓋住下面翠綠嘅豆苗，睇見都流口水！首先係個蟹粉，真係落足料，食到一絲絲嘅蟹肉同甘香嘅蟹膏，味道濃郁到不得了，仲有陣陣蟹油嘅香氣。個芡汁打得啱啱好，唔會太厚或者太稀，就係咁掛喺每條豆苗上面。然後係啲豆苗，師傅功夫好，焯水嘅時間掌握得恰到好處，食落非常嫩口，仲保持到本身嘅清甜爽脆，完全冇苦澀味。最正嘅食法，就係一啖夾起豆苗同蟹粉！ 蟹粉嘅極致濃鮮，同豆苗嘅清新爽甜，喺個口裡面撞埋一齊，個味道層次真係豐富到爆炸！濃郁得嚟又完全唔覺膩，個鮮味係會係口腔裡面迴盪好耐㗎！食到最後，見到碟底淨返嘅蟹粉汁，真係唔捨得！即刻叫多碗白飯，將啲精華汁醬撈勻，一滴都唔可以浪費！總結嚟講，如果你嚟「上海萬家村」，唔好淨係掛住叫普通菜式。呢碟「蟹粉扒豆苗」絕對係誠意之作，係我食過數一數二咁足料又好味嘅版本！強烈推薦你哋一定要試！…查看更多

約咗朋友去食上海野 未到晚6點入座 一間小小店舖 大約可座20人 整體可以 只是膠碗碟有啲肥膩 自己用茶水洗淨 叫左三個小菜套餐 蝦仁炒蛋有鑊氣 及一個甜品高力豆不錯軟棉棉豆沙不太甜 味道好 員工招呼積極 冷氣十足 洗手間要出門外橫巷看有點不方便 不敢去了 坐了個半鐘門外有人龍等 我們便快快埋單走 吃過一般啦.…查看更多

講到深水埗食嘢，尋日同朋友搵到間上海小店 價錢平、份量足，性價比高到想同老闆講多謝！重點推介佢哋個 砂鍋雲吞雞二人套餐 ，先$298咋！套餐供應嘅菜飯同豆漿，菜飯粒粒分明豆漿濃醇無添加，仲包埋甜品個砂鍋上台時滾到 咕嘟咕嘟 ，雞肉滑到唔使咬，雲吞皮薄到透光，入面嘅餡料鮮到彈牙湯底清甜又濃郁，飲多幾碗都唔厭！套餐仲包埋招牌鮮肉爆汁小籠包咬開個霎那肉汁 噴 出來，外皮軟糯帶點韌性肉餡鮮甜唔會膩，完全唔輸大牌餐廳！川式酸菜魚片要咗少辣，魚片薄而滑溜，酸菜酸香夠味，湯底仲可以撈飯，正到吮手指！仲叫咗個凉拌四拼，麻油海蜇爽脆彈牙，麻油香好出蒜泥白肉肥瘦均勻，醬汁鹹香帶點蒜香雞絲粉皮滑溜溜，醉雞酒香十足，四樣加起嚟清爽解膩，開胃到不得了！個豆沙鍋餅，外皮香脆，內餡豆沙綿密唔太甜，完美收尾兩個人食到飽到坐唔低，計落先$298平均一個人唔使$150，份量大到可以打包，真係抵到爛！…查看更多

鮮肉小籠包 呢個小籠包真係一流！個外皮薄而有彈性，咬落去就有香噴噴嘅肉汁流出，味道濃郁。入面嘅豬肉鮮嫩多汁，絕對唔會令你失望。建議搭配醬油同姜絲一齊食，更加提升味道，每一口都有滿足感，值得一試！蟹粉黃金炒飯 呢碗炒飯簡直係奢華嘅享受！蟹粉用得非常足，米飯炒得金黃鬆軟，仲能感受到蟹肉嘅甜味。每一粒米好均勻，每一口都係幸福。雖然價位偏高，但鮮味十足，實在係值得幫襯。豬扒擔擔拉麵呢碗拉麵真係令我刮目相看！豬扒外層酥脆，內裡卻嫩滑，完美嘅火候，辣酱既有香味又唔會過於刺激。拉麵嘅湯底濃郁而且香氣四溢，剛剛好冇過咸，帶出啲花生同芝麻嘅香味，配上啲蔥花，就更加豐富！蕃茄時蔬呢個餸好清新，蕃茄係當季嘅，甜度正好，鮮嫩嘅質感令人回味無窮。搭配波菜色彩缤紛，用蒜炒出嚟嘅香味令整個盤子都吸引目光，食落去更加添咗清新嘅感覺，為整餐平衡咗味道，絕對係好選擇！…查看更多

鮮肉小籠包 — 皮薄湯濃・爆汁驚喜！小籠包摺紋工整，皮薄得嚟唔易穿。用筷子輕輕夾起，入面嘅湯汁搖晃可見！咬開小口，熱辣辣嘅豬肉湯瞬間湧出，鮮甜唔油膩。肉餡肥瘦適中，加咗少少薑絲辟腥，點埋浙醋一啖食，滿足感爆燈！滑蛋蝦仁 — 嫩滑鮮香～～雞蛋炒到剛熟凝固，保持半流心狀態，口感嫩滑😍蝦仁用中蝦拆殼，爽彈鮮甜，份量慷慨！！蛋汁包裹住每粒蝦仁，簡單調味已經帶出蛋香同海鮮甜味，送飯一流！京蔥爆牛肉 — 蔥香撲鼻・肉嫩鑊氣足😍牛肉片切得厚薄均勻，用醬油同蠔油醃過，快炒保持肉質軟嫩。京蔥段炒到半透明甜味釋出來，同牛肉好夾。醬汁濃郁但唔會過鹹，最欣賞係夠鑊氣，食到微微焦香！西蘭花炒蝦球 — 清爽健康・雙重蝦鮮西蘭花灼得爽脆翠綠，蝦球同滑蛋蝦仁用既一樣咁新鮮彈牙，仲要超大粒！用左蒜片同少少紹酒爆炒，簡單調味突出食材原味😍…查看更多

今日去深水埗食上海嘢，聽聞佢哋嘅前菜同湯麵都好好味，於是約埋朋友一齊去試下！今次我哋叫咗前菜雙拼涼拌、五香牛腱拼海蜇，仲有砂鍋雲吞雞、酸辣湯麵、西蘭花炒鮮魷配菜飯、豆漿同紅豆窩餅，真係食到好滿足！一入到呢間小店，環境幾舒適，裝修簡單而有日本風格，燈光柔和，令人感覺好放鬆。座位方面唔算太多，但間隔得宜，完全唔會擠迫，非常適合同朋友聚餐。服務員態度友善，落單時快手快腳，仲會介紹啲人氣菜式，真係幾有心。首先上嚟嘅係前菜雙拼涼拌，五香牛腱拼海蜇。牛腱味道濃郁，五香味道剛好，肉質軟嫩，食落去好有口感。而海蜇就清爽，搭配上少少醋，酸酸的味道令整個前菜更加開胃，真係一個唔錯嘅開始！接住就係砂鍋雲吞雞，呢個砂鍋好大碗，裡面嘅雲吞好肥美，雞肉鮮嫩。湯底清甜，飲落去好舒服，特別適合呢個季節。雲吞皮薄餡多，咬下去啖啖肉，真係好滿足！整體味道溫和，食完之後令人心情好好。然後就係酸辣湯麵，呢碗麵真係好正！湯底酸辣適中，味道夠濃，配上啲麵條，整體口感一流。麵條滑溜，湯底嘅酸辣味真係令我一試成主顧，食得好開心，特別係食完其他菜式之後，呢個湯麵真係好解膩。再嚟就係西蘭花炒鮮魷配菜飯，呢個菜色真係相當驚喜！西蘭花炒得恰到好處，保持住脆口感，而鮮魷肉質嫩滑，搭配上米飯，真係一個好搭配。菜飯嘅味道清淡，仲有啲香氣，食落去好舒服，完全唔會膩。飲品方面，我哋叫咗豆漿，味道香濃，飲落去好滑順，特別適合搭配呢啲菜色。最後，我哋仲叫咗紅豆窩餅，外脆內軟，紅豆餡料甜而不膩，真係一個完美嘅結尾，食完好滿足！…查看更多

蒜泥白肉🐽呢道菜用新鮮的豬肉切片，配上香濃嘅蒜泥，味道鮮美。肉質嫩滑，蒜味十足，食落去唔會過膩，正好係下酒小食。高力豆沙🫓呢款點心就好似暈倒一樣咬落去鬆鬆軟軟！豆沙餡香甜可口。一入口即化同內餡的綿滑形成咗好嘅對比，令人一口接一口，十分過癮。水煮牛肉寬面🍜牛肉片煮得剛好，湯底香辣可口，搭配寬面吸收咗湯汁，味道更加豐富。這道菜既有辣味，又有肉香，非常適合喜歡重口味嘅朋友。#沙爹金菇肥牛煲粉絲🫕呢個煲仔菜用沙爹醬調味，金菇同肥牛搭配得宜，粉絲吸收咗湯汁後更加美味。而且肥牛嘅質地都係滑溜唔會話煮到太老同鞋颯颯🫶🏻整體口感豐富，十分適合冬天食，暖身又暖心。…查看更多

今次去咗深水埗食上海菜，地方都唔細，出菜好快，叫甜品記得叫佢後上。佢嘅晚市套餐好抵食，小菜選擇奇多，重點係份量超級大！我哋叫咗西蘭花炒蝦仁，隻隻蝦仁都好大隻，彈牙、有肉地，西蘭花用蒜蓉炒過，香到食唔停。佢個晚市套餐仲可以+15蚊轉酸辣湯或者擔擔麵，酸辣湯以酸味為主，內有小蝦仁，係有驚喜。另外散叫咗小籠包，大大個，皮薄餡靚，湯汁勁多，一咬就食到豬肉嘅香，手藝的確唔錯，不得不提，佢5粒小籠包都只係50蚊，簡直係最抵食嘅小籠包。至於上海粗炒，抵讚嘅係佢唔會菜多個肉、或者菜多過麵，係三者嘅良好平衡、麵底都唔會話煮得太爛、彈牙有咬勁。紅油抄手，內餡有豬肉味，上面嘅辣油唔係普通辣椒油，係自家用辣椒製，十分有心思，50幾蚊就有8粒，超抵。我哋仲叫咗高力豆沙，係童年嘅味道，紅豆餡甜甜地咁好好味，如果熱食應該會更好味。四喜烤麩，調味平衡，唔會過咸，一粒粒烤麩完全吸收咗醬汁嘅香味。最有人情味嘅位係佢送兩杯豆漿比我哋，好感恩。…查看更多

深水埗出名多嘢食，上海萬家村就係其中一間好食又抵食嘅，今日食嘅二人餐，完全可以食飽四個人，味道又唔錯，性價比好高松子黃花魚，經典甜酸調味好開胃，大大條啖啖魚肉好滋味小籠包爆湯爆餡，真正皮薄餡靚秘製話梅骨，話梅味好香濃，肉質軟腍，份量十足雞絲粉皮，好有咬口，雞絲麻醬麻油味好香口，加埋芝麻青瓜口感更豐富海鮮羹湯，鮮味十足，感覺滋潤揚州炒飯好足料，啖啖都食到炒蛋，米飯粒粒分明高力豆沙味道正宗，好有咬口，紅豆餡好好食豆漿味道濃郁，口感順滑環境乾淨光猛，冷氣好夠，坐得舒服，選擇夠多，性價比高，想食上海嘢嘅推介大家嚟…查看更多

深水埗嘅「上海萬家村小館」，雖然係間小店，但每樣菜都整得好有水準，好多街坊同旅客都會專程嚟食，晚餐時段有時聽聞都會坐無虛𥱊😆🔅上海燻魚佢哋嘅上海燻魚係好多人推薦，魚燻得啱啱好，外皮香脆，肉質鮮嫩，加上特製嘅甜醬，味道層次豐富，食落去幾開胃👍🏻🔅鮮肉小籠包跟住，「鮮肉小籠包」就更加唔使講，皮薄肉多，一咬落去湯汁四溢，啖啖肉香，真係好正。下次一定要試埋佢個蟹粉小籠包😆🔅蟹粉黃金炒粉再嚟就係「蟹粉黃金炒粉」，呢道菜真係做得好出色。粉條滑嫩，同蟹肉同蛋絲完美結合，每一啖都食到海鮮嘅鮮甜同蛋香，係飯桌上嘅大亮點。🔅「高力豆沙飯局尾聲嘅甜品「高力豆沙」，都係非常值得一試。豆沙細膩又唔會太甜，外層糖衣輕脆，而家已經好少鋪頭有得食高力豆沙🥹如果你鍾意上海菜，呢間絕對值得一試！…查看更多

同朋友喺深水埗行街行到攰 見到呢間上海嘢幾吸引，幾多人食 食完果然冇失望！其實佢有晚市套餐同二人餐都幾抵食，但係我同朋友想試吓餐牌其他嘢食，所以最後都係散嗌前菜叫咗份醉雞，雞肉好滑，亦都有淡淡嘅酒味，不錯！嚟食上海嘢點可以少得小籠包，皮做得好薄，一咬開超級多汁，好好食平時啲餐廳都係一客四件，呢度居然係五件，我同朋友都爭住食最後一件 哈哈主食就叫咗個鱔糊粗炒，勁大份，好多鱔糊仲要條條都好爽脆，連埋粗炒一齊食，超級滿足另外仲叫咗份雲吞雞（1/4隻），我同朋友都俾個湯驚艷咗，真係好好飲。雲吞大大粒超級正最後仲叫咗個雲腿津白，清清地都不錯其實我見好多台仲有叫高力豆沙，好似好好食，但係我哋實在太飽了，下次再食！買單嘅時候都只係$400！食咗咁多嘢都係咁平，實在超級抵食，一定會再嚟幫襯！…查看更多