上海萬家村小館

今日收工系深水埗食上海菜，嚟到呢间平价抵食人气上海菜小店万家村。晚市好多特价套餐，已经好抵食。阿妈出城，嗌个松子二人套餐佢叹吓先～都系超抵食😳 $408包1自选冷盘+2点心+3汤+4主菜+5小菜+6炒饭+7甜品+8饮品，真系去边度揾😂！陈醋木耳：以前菜黎讲佢份量都好足，一大碟，完全唔小家。陈醋够酸，带有辣味同蒜香，食落好开胃又健康松子炸黄花鱼：上碟时已经见到大大条黄花鱼，卖相吸引，令人流晒口水🤤黄花鱼炸得酥香，唔油腻。甜酸酱调味一流，松子份量都多。之前喺其他上海餐厅食类似菜式都要二百几蚊一碟，味道都未必有呢度咁出色，价钱同质素都赢晒👍🏻小笼包（五只）：小笼包皮一咬爆汁，经典上海味道，热辣辣上枱最正招牌小炒王：韭菜花份量多，仲有虾米、腰果等配菜，炒得咸香有镬气，送饭一流。虽然比较多油，但过吓清水或饮杯茶就冇问题海鲜羹：羹汤清清地，口感湿润，主要材料有火腿、蟹柳、虾粒，味道淡中带鲜扬洲炒饭：食到呢度已经好饱😹但炒饭份量依然大大个。饭粒分明，有镬气，够晒诚意高力豆沙包（4只）：特登叫咗走砂糖，豆沙馅唔算太甜🫶🏻炸蛋白外层软熟，口感几好，食完唔觉腻饮品：豆浆&汽水自家制豆浆唔会好甜，饮落顺口，成杯饮晒都唔觉腻二人餐抵食之余，其实三至四人食都好够。份量十足，价钱亲民，值得一试…查看更多

今日同爸爸告了深水埗揾食，通菜街这里有多间不同的食店！今次见到这间以上海菜为主的餐厅，仲看到食客满满，所以便带爸爸一试！坐低后，看过餐牌，有多款不同食物可以选择。有可以单点的上海担担面、猪扒汤面、炒饭、炒年糕、小笼包、锅贴、生煎包、全部上海特色的、有名的小菜及粉面都一一俱全，完全是花多眼乱。之后看到有一款砂锅云吞鸡套餐，价格相宜，而且包了很多款食物，所以最后我们决定点了这个套餐！首先套餐可以包了两杯饮品，我们点了一杯豆浆，豆味香浓真材实料。另一客选了一罐汽水。套餐可以配上白饭或菜饭，我们点了菜饭！菜饭较为清新，而且有菜粒混在白饭中，吃起来带点清新香气。宫保鸡丁，带点点微辣的相当开胃！又超多粒鸡丁！啖啖肉又惹味用来拌饭一流！仲有椒和腰果！相当有咬口！最欣赏的是这道菜式的酱汁，微辣香甜劲惹味和超够分量的鸡丁肉粒！招牌鲜肉爆汁小笼包，热辣辣！皮薄馅靓又多汁！一咬下鲜肉汁一涌而出，热辣辣的非常美味！这间餐厅的小笼包相当出色，价廉物美性价比极高。砂锅云吞鸡¼只！这个砂锅云吞鸡都相当美味！热辣辣的鲜鸡汤，饮起来相当滋润、清甜、鸡味浓厚！配上了鲜肉云吞，大大粒的云吞皮薄而且滑溜溜的，中间鲜肉弹牙多汁。非常出色！另外仲有菜和鸡件，鸡件份量多的，啖啖肉超美味！食饱饱当然少不了吃上海菜特色的甜品！高力豆沙，糖粉铺满了高力豆沙外皮上，吃起来甜甜的。高力豆沙外皮热辣辣的，带点点烟靭，中间部份有满满的香甜红豆。非常新鲜，而且热辣辣，涨卜卜的高力豆沙超级美味！这间小店食物非常用心制作，而且价廉物美值得推荐。…查看更多

人来人往的店家，充满姨姨们浓浓嘅人情味！个个人一坐底就可以落单，menu都唔使睇，就知道系熟客！🔶招牌鲜肉爆汁小笼包五只$50每次食上海嘢都一定要叫嘅就系小笼包，今次呢个皮薄，入边多汁，肉馅肥肉瘦肉比例啱啱好，优胜过好多餐厅！🔶蟹粉黄金炒饭$110有惊喜！嚟到个蟹粉劲多劲足料，我呆咗！面头有满汉嘅蟹粉，个饭用咸蛋、蛋、葱花炒成，啲饭粒粒分明，成日话食一间舖头嘅炒饭，就可以睇到师傅嘅镬气同功架，呢间个师傅系有料到嘅！🔶回味麻辣口水鸡$71鸡肉嫩滑，唔会好肥！必须讲佢个辣好正，唔系平时死咸𠮶啲，不过对于唔食得辣嘅人，可能会觉得偏辣！上面仲有搭配炸花生🥜🔶招牌回锅肉$98呢道𩠌由五花肉、椰菜、豆干、红椒🌶️炒成，味道偏甜，怕辣嘅人可以一试！🔶高力豆沙（四只）$54唔知有冇人同我一样钟意纯粹豆沙馅嘅高力豆沙，入面无加香蕉，外面松松软软嘅空气感，超正🤩而家啲小店食一间少一间，我哋真系要多啲支持，特别系啲好食，有实力嘅，唔可以俾佢消失！…查看更多

讲起上海菜，除咗小笼包同熏鱼，其实仲有啲「隐藏大佬」！今次喺深水埗嘅「上海万家村」，就俾我撞到碟蟹粉扒豆苗，真系一试难忘，成为我全晚最挂住嘅一道菜！一上枱，个卖相已经赢咗！ 满满一大碟，金灿灿嘅蟹粉好似流沙咁，完全覆盖住下面翠绿嘅豆苗，睇见都流口水！首先系个蟹粉，真系落足料，食到一丝丝嘅蟹肉同甘香嘅蟹膏，味道浓郁到不得了，仲有阵阵蟹油嘅香气。个芡汁打得啱啱好，唔会太厚或者太稀，就系咁挂喺每条豆苗上面。然后系啲豆苗，师傅功夫好，焯水嘅时间掌握得恰到好处，食落非常嫩口，仲保持到本身嘅清甜爽脆，完全冇苦涩味。最正嘅食法，就系一啖夹起豆苗同蟹粉！ 蟹粉嘅极致浓鲜，同豆苗嘅清新爽甜，喺个口里面撞埋一齐，个味道层次真系丰富到爆炸！浓郁得嚟又完全唔觉腻，个鲜味系会系口腔里面回荡好耐㗎！食到最后，见到碟底净返嘅蟹粉汁，真系唔舍得！即刻叫多碗白饭，将啲精华汁酱捞匀，一滴都唔可以浪费！总结嚟讲，如果你嚟「上海万家村」，唔好净系挂住叫普通菜式。呢碟「蟹粉扒豆苗」绝对系诚意之作，系我食过数一数二咁足料又好味嘅版本！强烈推荐你哋一定要试！…查看更多

约咗朋友去食上海野 未到晚6点入座 一间小小店舖 大约可座20人 整体可以 只是胶碗碟有啲肥腻 自己用茶水洗净 叫左三个小菜套餐 虾仁炒蛋有镬气 及一个甜品高力豆不错软棉棉豆沙不太甜 味道好 员工招呼积极 冷气十足 洗手间要出门外横巷看有点不方便 不敢去了 坐了个半钟门外有人龙等 我们便快快埋单走 吃过一般啦.…查看更多