影片
更多
2023-12-17
49 浏览
放假去了深水埗玩具街買聖誕飾品同禮物之後, 同老公食埋飯, 我地揀食川菜。呢間位於青山道嘅旺萍川菜館, 門面光猛, 菜色都有清晰相片, 菜單嘅價格公道, 中午仲有精選午餐, 而且價錢經濟實惠, 由$48-$58都有; 坐位數量多, 兩旁為闊落卡位, 中間長枱及4-6人枱; 餐牌都好好多菜式, 九成都係辣菜，愛辣人仕啱晒, 但可以揀大, 中, 小辣, 吃辣不吃辣都沒有問題。我地入座時候都仲早, 我地揀咗個午餐, 小炒牛肉飯, 酸菜生魚(小份), 紅糖糍粑。小炒牛肉飯 - $58佢嘅午餐真係叫抵食, 初時以為係碟頭飯咁上, 但原來好似嚇客飯咁, 分開一碟小菜, 一碗飯; 小菜份量都唔少呀, 如午餐嚟食, 3-4人叫3-4個餐, share小菜食都唔錯。呢個小炒牛肉好夠鑊氣, 有青尖椒, 紅辣椒, 芫茜等炒, 牛肉又唔韌, 少少辣, 夠哂香, 真係佐飯一流呀! 午餐套餐仲可以配飲品, 白飯任食。酸菜生魚 - $188/小份招牌菜酸菜生魚, 上菜的時候見到酸菜魚份量有少少嚇親, 不能輕視的份量, 超級抵食, 應該夠三至四人食, 有辣度可選擇, 我地揀咗小辣; 上枱嘅時候會聞到辣椒嘅香味, 佢好
小炒牛肉飯 - $58
佢嘅午餐真係叫抵食, 初時以為係碟頭飯咁上, 但原來好似嚇客飯咁, 分開一碟小菜, 一碗飯; 小菜份量都唔少呀, 如午餐嚟食, 3-4人叫3-4個餐, share小菜食都唔錯。呢個小炒牛肉好夠鑊氣, 有青尖椒, 紅辣椒, 芫茜等炒, 牛肉又唔韌, 少少辣, 夠哂香, 真係佐飯一流呀! 午餐套餐仲可以配飲品, 白飯任食。
酸菜生魚 - $188/小份
招牌菜酸菜生魚, 上菜的時候見到酸菜魚份量有少少嚇親, 不能輕視的份量, 超級抵食, 應該夠三至四人食, 有辣度可選擇, 我地揀咗小辣; 上枱嘅時候會聞到辣椒嘅香味, 佢好像將辣椒乾泡油再淋上面增加香辣味, 帶點麻香, 但酸菜魚煮出來不算太油膩。酸辣味都十足, 搭配酸菜嘅酸味, 酸度剛剛好, 小份也相當足料, 魚肉鮮嫩, 口感十分清爽, 底下仲有啲粗身薯粉同蘿蔔, 薯粉煙煙韌韌, 蘿蔔切薄片食起嚟係爽脆, 初時以為係酸菜片呀!
紅糖糍粑 - $72/12條
甜品出場啦, 12條真係好多, 但有小份揀。糍粑炸到新鮮熱辣, 超級香脆, 內裡少少煙韌軟糯; 上盤砌得好靚, 上面灑上綠豆粉再淋上紅糖漿, 打卡都好靚呀!
张贴
