老街坊菜館

营业中

休息中

菜館有點像私房菜，以傳統手工中菜經典特色，環境簡單樸實，充滿街坊氣息。清酒鵝肝先點個開胃小食清酒鵝肝，鵝肝用清酒浸泡吸收清酒精華，雪凍後切片。鵝肝內軟外滑入口即化，滲出淡淡嘅清酒甜味和米香，酒味唔會太濃出奇的搭配鵝肝甘香。鎮店炸魚皮 新鮮香炸超大塊魚皮，魚皮炸得甘香鬆脆咬落去脆卜卜，口感爽脆得來唔會太乾帶淡淡鮮魚味。菜館是以新鮮門鱔自家制魚旦和魚皮，店家提議先食原味後可以點上鵝煲嘅醬汁，點後魚皮味道更加豐富醬香。古法鵝煲 店家推薦必食榜菜式，選擇4-6斤嘅獅頭鵝，鵝煲內有半隻鵝，湯底濃郁一打開就有香料的濃香撲鼻。連骨鵝肉炆得夠入味好考廚師功夫，鵝肉肥美嫩滑，帶有鵝肉嘅鮮味，加入鵝腸、芫茜、支竹同金菇配料，層次豐富。鵝腸爽口，支竹吸滿醬汁精華，金菇同芫茜則增添咗清新嘅口感。4-6人份量好夠食。菜館亦都係一個充滿人情味嘅地方，老闆好有愛心每逢星期六都會派「愛心飯盒」俾有需要嘅街坊，呢個舉動真是一個好溫暖嘅社區行動。食物有質素，價錢合理，堅持傳統味道，服務好有街坊情味店員爽快主動。