影片
更多
2024-05-15
73 浏览
今日出咗尖沙咀行街 同友人唔算太肚餓 所以食點心就啱晒呢間點心店好熱鬧 好多遊客排隊食點心 韓國人、印度人、泰國人、內地人、美國人等等 店舖唔大 所以都需要排一段時間見到咁多遊客幫襯 個心理上都調整咗 呢間舖頭嘅點心唔貴 基本上每人都會叫一個套餐 套餐包括一個荷葉飯、一個燉湯、加$10叫多2個點心 都真係幾超值嘅 $68 左右 叫咗鮮魷肉餅荷葉飯 - 魷魚肉餅份量都夠嘅，肉餅冇乜鮮魷味有少少肥，要求唔高嘅話，味道可以接受。燒賣- 呢個算係好食嘅，又鮮蝦同適量嘅肥豬肉，都juicy 蝦餃- 呢個就麻麻哋，冇乜蝦味，個皮又淋炸兩腸粉-呢個都唔錯嘅，脆脆地入邊有韭黃同少少蝦，不過豉油就唔鹹，唯一敗筆，同埋個腸粉皮有少少厚，唔夠滑。烏雞燉椰子湯- 有椰子味，但個味偏向淡同水。套餐包，唔合格。馬拉糕- 呢個正常味道，但個質感有少少乾。忘記影相。叉燒包-個皮有啲厚，味道一般，又係忘記影相總括而言 一間普通嘅點心店 相信覺得好好味嘅都係遊客 本地人就覺得食物質素一般 不過價錢唔貴 唔肚餓都可以食吓 但要排隊嘅話就不了
所以食點心就啱晒
呢間點心店好熱鬧 好多遊客排隊食點心
韓國人、印度人、泰國人、內地人、美國人等等
店舖唔大 所以都需要排一段時間
見到咁多遊客幫襯 個心理上都調整咗
呢間舖頭嘅點心唔貴 基本上每人都會叫一個套餐
套餐包括一個荷葉飯、一個燉湯、加$10叫多2個點心 都真係幾超值嘅 $68 左右
叫咗鮮魷肉餅荷葉飯 - 魷魚肉餅份量都夠嘅，肉餅冇乜鮮魷味有少少肥，要求唔高嘅話，味道可以接受。
燒賣- 呢個算係好食嘅，又鮮蝦同適量嘅肥豬肉，都juicy
蝦餃- 呢個就麻麻哋，冇乜蝦味，個皮又淋
炸兩腸粉-呢個都唔錯嘅，脆脆地入邊有韭黃同少少蝦，不過豉油就唔鹹，唯一敗筆，同埋個腸粉皮有少少厚，唔夠滑。
烏雞燉椰子湯- 有椰子味，但個味偏向淡同水。套餐包，唔合格。
馬拉糕- 呢個正常味道，但個質感有少少乾。忘記影相。
叉燒包-個皮有啲厚，味道一般，又係忘記影相
總括而言 一間普通嘅點心店 相信覺得好好味嘅都係遊客 本地人就覺得食物質素一般 不過價錢唔貴 唔肚餓都可以食吓 但要排隊嘅話就不了
张贴
