蟹仙海鮮蒸氣鍋 (龍崗道)

营业中

休息中

由細到大都係海鮮控，不過住左市區食海鮮機會無咁多，有個概念覺得要去西貢先食到正既海鮮。其實蟹仙都食到好正海鮮，仲可以用人頭計算去食，兩個人食最化算，因為去西貢一定要夠多人先可以食得多種類同抵食。九龍城分店係宋王臺站行大概五分鐘就去到，附近仲有好多美食，唔夠飽可以食埋糖水。$999二人套餐，名正言順係包羅萬有，除咗基本海鮮，仲有丸同安格斯牛肉。蒸海鮮就聽得多，蒸牛肉真係第一次，原來可以保全到牛肉既口感同味道，可以一試。不過重頭劇都係隻蟹，多膏且肉質夠實，如果唔係怕膽固醇高，真係想食多啲。