家賀屋

銅鑼灣呢間家賀屋，真係海鮮控嘅天堂🥰 啲海鮮勁新鮮，即劏即整，食到停唔到口！首先嚟碟法國普斯生蠔🌊 半打半價只係$145！隻隻都晶瑩剔透，好似寶石咁靚！一啖咬落去，啲海水味即刻喺你個口入面爆開，鮮甜到呢，好似成個大海都喺你口入面咁，滑溜溜嘅口感，簡直係享受呀！跟住嚟份象拔蚌刺身🐚 做緊特價$338～啲肉爽脆彈牙，點埋柚子醋，酸酸甜甜，更加突出咗象拔蚌嘅鮮甜味！最驚喜嘅係佢哋連象拔蚌嘅膽都煮埋上碟，綿密嘅口感，完全冇腥味，真係估佢唔到！仲有多款日式料理🍣 樣樣都掂，例如刺身、壽司、丼飯、炸物，全部都幾有水準，用料新鮮，味道一流。依家仲做緊15週年優惠🍺 Kirin啤酒半價，34蚊就有一大杯冰凍啤酒，啤酒配海鮮，簡直係絕配。同班朋友嚟飲返杯，吹下水🍺最正嘅係，依家訂位仲送甜品畫碟服務，只要點個訂位加叫甜品，你既靚靚甜品碟就有可愛既公仔啦～我就order左Chiikawa，超可愛！影相打卡一流！