得閒飲茶 (MONTEREY Place)

营业中

休息中

寧靜嘅環境，對住海景大橋，食住熱辣辣嘅點心，真係好寫意，揸車過嚟就最方便，食飽仲可以行陣吹下海風。點心全部都熱辣辣即上。蝦餃 - 皮薄餡靚，啲蝦爽口彈牙。燒賣- 大粒結實好足料，有咬口。菜苗餃 - 晶瑩剔透嘅菜苗餃， 口感煙韌。小籠包 - 皮薄爆汁，肉餡新鮮，記住熱熱辣辣即食，必食推介。 焗叉燒包 - 我最愛既點心之一，包身軟香，叉燒粒有咬口，醬汁亦不會太咸。韭菜金錢蟹盒 - 即炸上枱，韭菜非常香口，脆卜卜。鹹水角 - 熱辣辣又煙韌，餡都好足料，趁熱食。馬拉糕 - 岩岩蒸起既，鬆軟好味又唔會太甜。