GREEN

男朋友生日,當然要揾間靚啲既餐廳慶祝ㄧ下啦。之前去過Green食afternoon tea,見環境吾錯,Dinner set 又有男朋想試既法式洋蔥湯, 就決定試呢ㄧ間。因為當日工作延誤,訂位後要多次打電話去改時間,工作人員毎次都禮貌地回覆可作改動,又有SMS確認booking, 態度同安排都值得ㄧ讚先來法式洋蔥湯 - 我同男友都覺得比較偏甜,無咩酒同芝士味,味道不太合格頭盤我地揀咗蟹肉伴牛油果同鴨肝批伴巴馬火腿蜜瓜。兩者味道不過不失,唯獨後者的蜜瓜切得太薄,幾乎見吾到邊塊係蜜瓜主菜我揀咗軟殻蟹意大利麵, 平常食得清淡的我都認為味道偏淡,軟殻蟹都腍身咗啲聽男友講佢食既炭烤肉眼扒味道ok,不過伴菜既芝士薯球則麻麻地,無薯仔味,似麵粉團!甜品可以到甜品櫃自選自己喜歡的款式。因訂位時已通知餐廳係慶祝生日,侍應送上甜品時細心於盤上寫上生日祝福字句,為這餐生日飯晝上完美句號