影片
更多
2024-06-06
47 浏览
《Bochord - 銅鑼灣》喺銅鑼灣真係唔難搵到好食嘅餐廳，但係要搵到有主題而又環境靚，又可以睇到海景，有得飲酒而啲嘢食又唔差，仲有live band既靚餐廳呢😉就真係要做吓功課搵吓啦，今次俾我搵到一間位於銅鑼灣世貿大廈嘅樓上西餐廳，一出𨋢門口就已經感覺到嗰種高貴嘅感覺，餐廳入邊有大大嘅落地玻璃，我去嘅時候咁啱準備日落，睇住夕陽西下，成件事好浪漫🌄啱晒情侶過嚟拍拖約會🥰餐廳嘅裝修係以圖書館為藍本，成個感覺好似去咗哈利波特入面霍格華茲個圖書館食飯咁😎處處都係打卡位，到咗晚上八點之後，仲有樂隊過嚟唱live，成件事太有情調啦☺️由於唔想諗食乜，最好嘅方法就係試佢嘅Tasting Menu，人均$1388，食足八道菜😌頭盤嘅麵包超好食👍🏻勁鍾意佢個青醬牛油🥰至於其他餸菜方面，唔好睇佢每道菜份量少少咁，其實食到尾真係好飽好飽🤣去到咁浪漫嘅地方又點會唔飲番杯呢？今次都有叫店員推薦嘅cocktail 同Mocktail 試下，兩杯飲品都十分打卡able 🫶🏻之後有機會都會再帶朋友上嚟飲番杯😉價錢其實都係百零蚊，同樓下酒吧街嘅價錢唔差太多㗎💁🏻♀️Cecina de Wagyu Beef Carpa
喺銅鑼灣真係唔難搵到好食嘅餐廳，但係要搵到有主題而又環境靚，又可以睇到海景，有得飲酒而啲嘢食又唔差，仲有live band既靚餐廳呢😉就真係要做吓功課搵吓啦，今次俾我搵到一間位於銅鑼灣世貿大廈嘅樓上西餐廳，一出𨋢門口就已經感覺到嗰種高貴嘅感覺，餐廳入邊有大大嘅落地玻璃，我去嘅時候咁啱準備日落，睇住夕陽西下，成件事好浪漫🌄啱晒情侶過嚟拍拖約會🥰餐廳嘅裝修係以圖書館為藍本，成個感覺好似去咗哈利波特入面霍格華茲個圖書館食飯咁😎處處都係打卡位，到咗晚上八點之後，仲有樂隊過嚟唱live，成件事太有情調啦☺️由於唔想諗食乜，最好嘅方法就係試佢嘅Tasting Menu，人均$1388，食足八道菜😌頭盤嘅麵包超好食👍🏻勁鍾意佢個青醬牛油🥰至於其他餸菜方面，唔好睇佢每道菜份量少少咁，其實食到尾真係好飽好飽🤣去到咁浪漫嘅地方又點會唔飲番杯呢？今次都有叫店員推薦嘅cocktail 同Mocktail 試下，兩杯飲品都十分打卡able 🫶🏻之後有機會都會再帶朋友上嚟飲番杯😉價錢其實都係百零蚊，同樓下酒吧街嘅價錢唔差太多㗎
💁🏻♀️Cecina de Wagyu Beef Carpaccio
第一道菜係用和牛製成嘅12個月風乾火腿，配上用咗唔同香料製作嘅分子泡沫醬汁同埋黑醋汁，鹹香味十足又帶點酸甜嘅感覺，可以將火腿切開再點唔同嘅調味醬試吓💁🏻♀️Spanish Red Prawn Carabinero
第二道菜式嘅外型好精緻，面頭係用咗墨魚醬汁造成嘅啫喱凍，中間夾住紅蝦肉製成嘅他他，然後最底竟然用咗熱情果醬去做調味，紅蝦肉粉嫩，點埋熱情果醬汁味道幾清新，成道菜都令人好驚喜💁🏻♀️Hokkaido King Scallop
呢度菜式都係用咗他他嘅方法製作，裏面嘅北海道帶子又係軟軟糯糯既感覺，入面夾咗啲蘆筍粒增加咗口感，但係萬萬都估唔到最底下竟然放咗用青辣椒製作嘅雪葩，當然，佢個味道應該混和咗青檸汁製作，唔食到最尾都唔知道原來道菜係咁特別，我哋兩個人食完都異口同聲覺得好特別，令人印象深刻💁🏻♀️Bouillabaisse
接住落嚟就係龍蝦湯，但係入面竟然有鮑魚粒😌呢件事好奢侈，本身睇過擺盤以為又係一道精緻嘅料理，然後店員為我哋淋上龍蝦湯，就好似睇緊人哋表演咁，突然之間道菜轉左個方式出現，令人眼前一亮🥰龍蝦湯嘅味道可以話係好濃郁好濃郁🤓入面仲有蜆、紅菜頭同埋蘿蔔等食材，個湯好鮮而且味道多層次👍🏻💁🏻♀️Spanish Sardine Confit
接住落嚟係一道沙甸魚嘅菜，有一半係沙甸魚魚生，而另一半係煮熟咗嘅沙甸，兩邊食落嘅口感都好特別，生嗰邊會係比較滑溜同埋軟身，而熟嘅沙甸魚就有魚香，用少少鹽調味都幾好食，用嚟配白蘆筍同埋雅支竹，不過我個人就唔係太習慣食雅支竹同埋白蘆筍嗰個口感🤫💁🏻♀️Smoked French Eel Pasta
唔覺唔覺就食咗好多度開胃菜，終於到主菜環節啦😌佢用咗製作白燒鰻魚嘅方法，鰻魚食得出有輕輕調味過，配搭返煙肉忌廉汁意大利粉，食得出佢個意粉係手作嘅意粉，咬落彈牙有咬勁🫶🏻係我鍾意嘅口感，令到忌廉汁掛晒喺粉上面，淡淡都係濃郁嘅白汁香味💁🏻♀️Charcoal Grilled A5 Miyazakigyu Rib Cap
最後一道主食係炭燒A5和牛，成個擺盤唔講以為睇緊草間彌生🤓和牛有少少纖維，但係仍然入口有溶化嘅感覺，油香味十足，可以配搭埋唔同嘅醬汁試吓，我個人最鍾意就係原汁原味咩都唔使點啦😎而旁邊嘅小菇子細細粒好得意，配搭任何醬汁都幾好食💁🏻♀️Mango Mousse Pandan Cake
食到好飽都仲要食甜品，同樣都係擺盤精緻，十分適宜打卡☺️佢係芒果慕絲配搭斑斕蛋糕同埋忌廉，周邊仲放咗隻米紙做嘅蝴蝶，味道會稍為甜一點，但係真係好香芒果味💁🏻♀️The Honey Thief $128
我點會唔飲酒呢？呢一杯Cocktail飲落有少少熱情果嘅味道，酒精味道唔太濃，配搭咗外型好似蜂巢咁嘅曲奇餅同埋honeycomb，邊食邊飲，感覺好香甜💁🏻♀️Follet $88
而呢杯Mocktail 都係偏向熱帶果嘅味道，有種夏天沙灘上面飲嗰種飲品嘅感覺，味道清甜，啱晒唔鍾意飲酒嘅人啊
张贴
