Bochord

我成日都话，一餐完美嘅饭，唔单止食物要出色，环境同气氛都系灵魂所在！而今次去嘅Bochord，就系一间将呢三样嘢都做到极致嘅地方！💯闯入哈利波特嘅魔法书室 🪄📚一踏入餐厅，我真系「哗」咗一声！🤯 成排高到上天花板嘅书柜，昏黄而温暖嘅灯光，配上深色嘅皮制座椅，成个环境就好似走咗入欧洲嘅古典图书馆，又或者系电影《哈利波特》入面嘅交谊厅！每张枱上都有烛光摇曳🕯️，气氛浪漫到晕。仲有绝美维港海景🌃，今次庆祝生日拣呢度，真系仪式感满分！艺术品级嘅Tasting Menu 🎨好，入正题！我哋今次食嘅系佢哋嘅Tasting Menu，每一道菜都睇得出厨师嘅功架同心机。🌟 前菜三重奏：
一开场就咁震撼！呢个海鲜三重奏用一个雅致嘅木盘盛载，好似一件艺术品！* 海胆脆筒🍦：迷你雪糕筒装住鲜甜嘅红虾tartare，口感又脆又creamy，超开胃！* 52度慢煮带子🍮：鲜味带子慢煮配上kimchi ，一啖入口，鲜味喺口腔爆发。* 墨汁海胆挞⚫：黑色嘅墨汁啫喱挞底非常Q弹，同软滑嘅海胆形成强烈对比，层次感十足！
成个组合由冻到热，由脆到滑，完美展现咗海鲜嘅多样性！🌊𩽾𩾌鱼肝及龙虾鳗鱼tartare 北海道粟米鱼汤🦆 法式禽肉三重奏 (French Poultry Trio)
呢个组合简直系为食肉兽而设！一次过品尝到鹅肝、黄鸡同鹌鹑腿。鹅肝处理得非常出色，外层微煎，内里油润甘香，入口即融嘅感觉真系幸福感爆棚🤤。旁边嘅鹌鹑腿肉质嫩滑，带有烟熏香气，而另一道鸡肉料理亦都充满惊喜，将法式烹调嘅精髓发挥得淋漓尽致！🥘 西班牙海鲜饭 (Spanish Paella)
主菜嘅西班牙饭绝对系亮点！🔥 唔系平时大大盘𠮶种，而系精致嘅一人份。饭粒用龙虾汤煮过，吸尽晒所有精华，每一啖都系浓郁嘅海洋鲜味！上面块Threadfin（马友鱼）鱼皮煎得香脆金黄，配埋爽口嘅露笋，成个配搭无得输！🐟主菜：炭烧小牛扒生日惊喜：Live Band 献唱 🎶🎂最最最感动嘅系，原来餐厅有Live Band！朋友预先安排好，当甜品上枱时，Live band 突然奏起生日歌，仲有专人唱名送上祝福，全场一齐拍手，𠮶种温馨又热闹嘅感觉，真系普通播生日歌无得比！呢个惊喜绝对值回票价！🥳总结：Bochord 绝对唔只系食一餐饭咁简单，佢提供嘅系一个完整、难忘嘅体验。由踏入餐厅𠮶刻嘅视觉震撼，到每一道菜嘅味觉冲击，再到Live band带嚟嘅听觉享受同生日惊喜，全部都系顶级水平。如果你想揾个地方庆祝生日、纪念日，或者纯粹想同另一半享受一个浪漫又有格调嘅晚上，我会毫不犹豫地推荐 Bochord！💖 快啲tag你身边最重要嘅𠮶个人，约定佢去书海入面撑枱脚啦！…Read More

图书馆里食午餐…Bochord嘅Lunch 真系好丰富！餐厅环境系复古典雅的欧洲图书馆风格，以胡桃木为主调，天花板有古典方格纹，墙上设有嵌入式书架，摆放数百本古典书籍，营造出高雅舒适且富文化气息的文艺氛围，彷佛穿越至上世纪欧陆贵族嘅私人藏书室。临窗位可以望到维港海景，最吸睛嘅墨绿色真皮梳化系必打卡元素之一，可惜当日已经full咗㖞，下次黎要记得早啲book啦，可以打卡呢张大梳化系会开心啲㗎。Caprese Salad，用咗Organic buffalo cheese配搭番茄同埋苹果醋啫喱，芝士质地细腻嫩滑，带有微微嘅咸香，苹果醋啫喱酸酸甜甜，好清新。日本海胆配蟹味噌豆腐，新鲜雪蟹肉同有机青瓜，再加上三文鱼籽，食落去海水味十足，海胆味道鲜甜而且啖啖肉，豆腐软滑细腻，清爽又开胃。鹰嘴豆泥汤，汤底用咗鸡汤同埋晒干蕃茄，浓郁中带有黑蒜及茴香嘅微妙香气，口感丝滑丰富。升级嘅龙虾汤配埋酸种酥皮同白兰地忌廉，汤身鲜甜充满咸香，配上香脆嘅酥皮，非常邪恶。荔枝木烤本地三黄鸡，鸡肉肉质富有口感，鸡肉入味唔鞋，配搭时令蔬菜，味道清新唔腻，摆盘好靓。炭烧澳洲 M5 级牛肋眼，份量超夸张！牛肉油脂丰富，碳烧香气十足，口感好Q好烟韧，搭配红萝卜同薯仔劲满足。当日甜品系，蜜桃雪芭同埋梅子啫喱，雪芭质感好清爽，入口即溶，啖啖都有果香鲜甜，好自然嘅蜜桃味，带点淡淡嘅酸甜，梅子啫喱好啱解腻。金莎榛子挞都劲好食。…Read More

最近转工，压力好大，收工决定食好d。朋友介绍咗呢间叫 Bochord 嘅餐厅，喺铜锣湾世贸中心楼上。入到去环境几特别，里面有书架、皮梳化，好似暗木色装修嘅书房，仲可以望到维港夜景，气氛几浪漫。仲有现场 live band唱歌🎤，几 chill。Tasting Menu（$1,388 / 位）总体感觉系有诚意、细节几好，有创意。前菜有Prawn Tartare / 52-Degree Scallop / Sea Urchin，整体都几新鲜，带子滑，虾味浓，海胆唔腥，开胃得嚟几鲜。之后有 Spanish Blue Crab Claw 同 Ankimo & Lobster，前者脆卜卜，食到丝丝蟹肉，后者貌相精致，质感滑顺，肝酱味好浓郁，入口层次好丰富。Hokkaido Corn Bisque：饮落去好滑，玉米味好清甜；跟住系 French Poultry Trio，三种处理方式，质感各有唔同，几有惊喜。之后就系 Green Apple Basil Sorbet，做 palate cleanser 啱啱好，清清地唔腻。主菜方面Spanish Paella米饭够干身吸晒味，底部仲有少少锅巴，鱼肉亦鲜甜，好食，另一款系 Charcoal-Grilled Dutch Veal Rack，肉质软熟，唔韧，外面烧得香但唔干，个 portion 都唔细。甜品方面，Matcha Tiramisu，苦味 balance 得好，唔甜腻，造型亦几靓…Read More

Bochord意思系图书馆。餐厅设计打造成古典图书馆风格，中庭有圆枱配舒适沙发皮座，靠窗位可180度睇到好靓既嘅维港海景，每个角落都有书架书本，仲有情调壁灯同壁炉，气氛浪漫复古。黎呢度叹个法式fine dining真心不错，庆祝特别日子一流！平日lunch set抵食，3-course $398、4-course $468、5-course $548今日带朋友去庆祝生日，点咗4-course set，非常满意❣️Sourdough Bread 🥖 首先上枱嘅系自家制sourdough面包，外脆内软，配两款butter：一款香草butter中间夹sunrise tomato，带少少辣，超惹味开胃！另一款seasalt butter。🔸️Appetizer Japanese Jellyfish & Avocado Ceviche脆脆嘅jellyfish配埋crunchy chips，口感超丰富！夹埋avocado cream，将所有材料摆落口，微辣惹味，唤醒味蕾。 钟意惹味既推介呢个Spanish Octopus & Seaweed Tartare🐙🌿 呢个前菜好清新好味！creamy嘅柠檬foam轻盈清新，octopus切丁，弹牙！超fresh开胃！🔸️Soup:Hummus & Artichoke Bisque 🥣 鹰嘴豆、雅枝竹，令个汤有种独特蔬菜甜味，浓郁但唔腻，fennel带清新香气 🔸️Main CourseRed Wood Charcoal Grilled French Sea Bass🐟 sea bass处理得好好！皮脆内滑嫩，鱼肉厚实多汁，炭烧香气扑鼻，唔使点个酱已经好好味！推介😋Red Wood Charcoal Grilled U.S. Prime Beef Striploin Steak🥩 炭烧外面薄薄脆脆，内里juicy粉嫩，配chimichurri sauce，超match！伴碟既duck fat potato香浓，薯仔、薯蓉好味！🔸️Dessert有2款甜品选择 Lemon Tart酸甜平衡嘅柠檬tart，脆皮夹住creamy filling，入口清新解腻，完美收尾。 Lemon Berry Mousse轻盈绵密，视觉上又可爱，打卡一流！ 见到好多客人都喺度庆祝生日，waitress超贴心，会攞专业相机帮手影相，即刻晒出靓相做纪念。态度专业，上菜时又会仔细介绍每道菜，服务五星级！👍环境都好靓！又有靓海景！记住book位！ …Read More

集美景、音乐与美食于一身的高级西餐厅。每一个角落皆经过匠心设计，配合窗外维港的壮丽景致，无论白昼或夜晚，皆是拍照留念的绝佳背景。🎶 餐厅更设有现场乐队演奏，为整体氛围添上浪漫气息。不论庆祝生日或纪念日，歌手都会以歌声送上祝福，非常有情调！西班牙墨鱼薄片配皇家鲟鱼子酱墨鱼切片细腻柔滑，搭配烟熏鲟鱼子酱，精致又奢华。柚子与墨西哥辣椒泡沫为整道菜添上清新微辣的惊喜。Toro刺身、低温慢煮带子与海胆挞Toro脂香丰盈，配以萝卜薄片口感清爽；带子经低温烹调，鲜嫩滋味，佐以辣味荷兰酱与双鱼泡沫，浓郁之中不失清新。海胆挞则以紫苏泥衬托其鲜甜，香气扑鼻。蓝蟹配梅子素面蟹肉已悉心拆解，肉质细腻鲜甜。梅子素面清爽怡人，搭配墨西哥辣椒葱酱，风味独特。海鲜浓汤以藏红花与多款海鲜熬制，香气浓郁。加入海胆忌廉与𫚕鱼刺身，令汤品鲜甜度大幅提升，口感层次丰富。36个月熟成伊比利火腿配黑松露与牛肝菌火腿咸香浓郁，与手切黑松露片及牛肝菌完美融合，展现出深邃的风味层次。柠檬雪葩味道清新酸甜，并带有浓郁的柠檬香气，口感冰凉滑顺，非常清爽，能唤醒味蕾。炭烤太平洋大虾大虾经炭火烤制，肉质Q 弹鲜甜，精致优雅的摆盘更吸引人！可选配海鲜照烧酱或虾油迷迭香蒜泥，味道出色。澳洲M6和牛牛肋排以63度低温慢煮，肉质粉嫩，软嫩多汁。佐以柚子牛肉浓酱与蘑菇，底层配以软嫩的口感与酥脆的边缘的千层薯仔，增加口感变化。海盐焦糖巧克力慕斯蛋糕采用64%黑朱古力忌廉，融合海盐焦糖与烤榛果糖酥，咸甜咸甜的组合，加上满满的榛子果香，甜度恰到好处，为整顿晚餐划上完美句号。Follet（左）热带风情满满的特饮，融合百香果、菠萝果醋与柠檬汽水，酸酸甜甜，清新自然。Alger（右）自家制作的冷萃荔枝茶，经冷泡24小时，加入芒果糖浆，带来清爽果香与柔和茶韵的味道。…Read More