影片
更多
2023-09-19
28 浏览
呢間居酒屋喺銅鑼灣Fashion Walk嗰頭，餐廳貼滿刺身魚同日系貼紙，用上木系裝修，好有日式風格🎏，坐得都幾舒服，而且仲有包間提供，如果同朋友同事嚟聚會都冇問題！菜式方面除咗有平時居酒屋都見到嘅刺身、壽司、一品料理之外，佢仲主打各式海鮮浜燒🦐，由日本黑門市場直運到港，有甲羅燒、海鮮帆立貝燒呢啲比較特別嘅選擇，即叫即燒🔥，又係另一種和食體驗～------------------------------🦀◖黑門令蟹味噌甲羅燒◗ $98甲羅燒即刻喺面前燒，先將鵪鶉蛋、蟹膏同埋蟹肉撈埋一齊，燒完蟹膏特別香濃鮮甜，好creamy！配上個梳打餅食，魚子嗰種脆卜卜嘅口感加上蟹膏嘅鮮甜，真係不得了！🐟◖北海道秋刀魚刺身◗ $238師傅刀工了得，先起咗啲收到魚肉，再薄切雕花，魚肉嘅口感比較軟糯，點上去佢個薑蓉醬油，清清地好鮮！另外佢有兩食有選，可以加$38拎啲魚骨去油炸或者加$68煮成一個秋刀魚湯。🥖◖黑門令大漁魚子醬脆脆包◗ $108烘到超脆嘅法包上面放咗好多料，有甜蝦、海膽、魚子、蟹肉同吞拿魚蓉，加上炸蒜，口感比較漿口creamy，大大啖超滿足，推薦！🦪◖磯燒岩手蠔◗ $98佢有三隻味可以
------------------------------
🦀◖黑門令蟹味噌甲羅燒◗ $98
甲羅燒即刻喺面前燒，先將鵪鶉蛋、蟹膏同埋蟹肉撈埋一齊，燒完蟹膏特別香濃鮮甜，好creamy！配上個梳打餅食，魚子嗰種脆卜卜嘅口感加上蟹膏嘅鮮甜，真係不得了！
🐟◖北海道秋刀魚刺身◗ $238
師傅刀工了得，先起咗啲收到魚肉，再薄切雕花，魚肉嘅口感比較軟糯，點上去佢個薑蓉醬油，清清地好鮮！另外佢有兩食有選，可以加$38拎啲魚骨去油炸或者加$68煮成一個秋刀魚湯。
🥖◖黑門令大漁魚子醬脆脆包◗ $108
烘到超脆嘅法包上面放咗好多料，有甜蝦、海膽、魚子、蟹肉同吞拿魚蓉，加上炸蒜，口感比較漿口creamy，大大啖超滿足，推薦！
🦪◖磯燒岩手蠔◗ $98
佢有三隻味可以揀，揀咗隻原味試吓先～岩手生蠔大大隻，燒完出嚟都唔會話縮水，冇落其他調味料就咁食，口感比較爽，好鮮甜！
🦑◖磯燒烏賊◗ $98
原隻烏賊咁上，店員會先燒到佢熟，再逐嚿剪開佢，沾上照燒汁再燒一陣，有少少燶邊更加有風味～烏賊三角個位好脆，而且佢都幾厚肉，新鮮上枱仲有少少炭燒嘅香味！
🥘◖黑門令龍蝦湯煮海鮮◗ $108
呢個鐵鍋有魷魚、鮮蝦、生蠔、螺、冬菇、海鮮菇同芋絲，一齊擺喺個爐上面燒滾佢，一定要飲埋佢個湯，好香好鮮好甜！
🍸◖青檸啫喱醋佐鮟鱇魚肝(火炙)◗ $98
鮟鱇魚乾火炙過嚟，帶少少焦香，入口即溶，配上酸酸甜甜嘅青檸啫喱醋，好開胃味道好夾！
🥗◖黑門角切海鮮沙律◗ $108
呢個沙律真係好抵食，各設海鮮個份量都唔少，配上一隻酒漬甜蝦，有酒香口感好軟糯，味道好特別～沙律配上黑醋，甜甜地又醒胃！
🌟Encore指數：8.9/10
张贴
