影片
更多
2024-12-03
533 浏览
相比起西餐，我會更加捨得花錢係食中餐，覺得好多中餐嘅手工都係師傅功架，自己根本冇可能複製到。知道唐述係食新派中國菜，雖然佢冇定位自己係中國邊一個地方嘅菜式，但我覺得佢比較有粵菜嘅影子。唔想諗嘢嘅我，當然就係食佢嘅招牌世味人生套餐，人少少食套餐就可以試多幾個餸菜，而我都十分滿意呢個選擇，因為有由頭盤開始都係驚喜一浪接一浪，最深刻係佢個20年花雕鮑魚，酒味非常濃郁而且鮑魚好軟腍，食完個Aftertaste真係唔想俾佢溜走。另外帶子配黑醋珠珠都食得我好開心，如果係配普通嘅黑魚子醬反而覺得冇特別，呢個配搭有趣新鮮好多。仲有佢個杏汁蜜瓜湯個蛋白綿綿好滑，好似食緊疏乎厘咁，個杏汁濃郁到好似食緊甜品一樣。茅台鮮蠔雞煲隻蠔大得誇張，仲要煮得剛剛好！炸海參我真係第一次食，創意度好高，完成度又不錯。最尾個鴛鴦湯圓，我係超級喜歡，綠色嘅餡係椰子口味，湯圓真係食到媽媽嘅味道，只有手做嘅湯圓有呢一種口感同味道。成個套餐嘅設計都好貼心，中間會有一個sorbet俾你Refresh，每一道菜都好滿意，而且份量亦都足夠，但係一個人食晒都唔會覺得膩，反而係好有滿足感。另外佢哋serve嘅中國茶都係上品，今次飲人蔘烏龍，我
唔想諗嘢嘅我，當然就係食佢嘅招牌世味人生套餐，人少少食套餐就可以試多幾個餸菜，而我都十分滿意呢個選擇，因為有由頭盤開始都係驚喜一浪接一浪，最深刻係佢個20年花雕鮑魚，酒味非常濃郁而且鮑魚好軟腍，食完個Aftertaste真係唔想俾佢溜走。另外帶子配黑醋珠珠都食得我好開心，如果係配普通嘅黑魚子醬反而覺得冇特別，呢個配搭有趣新鮮好多。
仲有佢個杏汁蜜瓜湯個蛋白綿綿好滑，好似食緊疏乎厘咁，個杏汁濃郁到好似食緊甜品一樣。茅台鮮蠔雞煲隻蠔大得誇張，仲要煮得剛剛好！炸海參我真係第一次食，創意度好高，完成度又不錯。
最尾個鴛鴦湯圓，我係超級喜歡，綠色嘅餡係椰子口味，湯圓真係食到媽媽嘅味道，只有手做嘅湯圓有呢一種口感同味道。
成個套餐嘅設計都好貼心，中間會有一個sorbet俾你Refresh，每一道菜都好滿意，而且份量亦都足夠，但係一個人食晒都唔會覺得膩，反而係好有滿足感。
另外佢哋serve嘅中國茶都係上品，今次飲人蔘烏龍，我本人大推，特別如果你鍾意回甘嘅話。
唐述由裝潢到服務都派頭體面十足，有海景就當然錦上添花，同屋企人或者工作夥伴嚟都非常適合，而且佢都有啲fusion，唔會俾人一種好傳統酒樓嘅感覺成個氣氛chill好多。
张贴
