影片
更多
2024-02-05
106 浏览
估唔到晏就都可以打邊爐！仲要係泰式火鍋。行過呢間新開既四面泰火鍋，見到午市餐牌有個特價2人火鍋套餐，即刻心郁郁入去試下。餐廳新開無耐，裝修得簡潔舒適，通風都好好，食完唔會一陣味。一坐低待應就好細心講解桌面3種醬汁既用法，同遞上一碗蝦片，啲蝦片少少辣又脆口，真係好惹味！睇完套餐見到有3款湯底，貪心啲揀左冬蔭功鮮蝦鍋同椰奶雞湯鍋雙拼，仲要唔使加錢，真係抵！個套餐包一碟肉，四色手打丸，菜盤同一款主食，我哋就加左泰式蝦餅同2杯特飲。個湯底無耐就到，待應話可以飲完先打邊爐，咁我哋當然即刻飲返碗先。個椰汁雞好濃椰奶味，飲落好滑好舒服，而冬蔭功鮮辣味十足！兩碗飲完都無口渴，絕對係足料。飲完湯就開始食，肥牛牛味好足，同椰汁雞湯底出奇地夾，而且湯底夠濃，唔使沾醬汁都夠味！四色丸粒粒各有千秋，牛丸多汁彈牙，蝦丸仲有粒粒蝦肉，食完都唔夠喉！仲有一點值得一讚，佢哋係加反原湯，冬蔭功就加冬蔭功，椰汁雞就加椰汁雞，食幾耐都唔會淡味！特飲泰式芒芒碌碌芒果味濃，泰式奶茶都好正宗！食到一半，炸蝦餅就炸好，熱辣辣，外皮脆口，蝦肉彈牙，食得出係新鮮蝦手打，真係出色。兩個人諗住一個2人餐會唔夠飽，點知食完就好滿足！埋單都係4
估唔到晏就都可以打邊爐！仲要係泰式火鍋。行過呢間新開既四面泰火鍋，見到午市餐牌有個特價2人火鍋套餐，即刻心郁郁入去試下。
餐廳新開無耐，裝修得簡潔舒適，通風都好好，食完唔會一陣味。一坐低待應就好細心講解桌面3種醬汁既用法，同遞上一碗蝦片，啲蝦片少少辣又脆口，真係好惹味！睇完套餐見到有3款湯底，貪心啲揀左冬蔭功鮮蝦鍋同椰奶雞湯鍋雙拼，仲要唔使加錢，真係抵！個套餐包一碟肉，四色手打丸，菜盤同一款主食，我哋就加左泰式蝦餅同2杯特飲。
個湯底無耐就到，待應話可以飲完先打邊爐，咁我哋當然即刻飲返碗先。個椰汁雞好濃椰奶味，飲落好滑好舒服，而冬蔭功鮮辣味十足！兩碗飲完都無口渴，絕對係足料。飲完湯就開始食，肥牛牛味好足，同椰汁雞湯底出奇地夾，而且湯底夠濃，唔使沾醬汁都夠味！四色丸粒粒各有千秋，牛丸多汁彈牙，蝦丸仲有粒粒蝦肉，食完都唔夠喉！仲有一點值得一讚，佢哋係加反原湯，冬蔭功就加冬蔭功，椰汁雞就加椰汁雞，食幾耐都唔會淡味！
特飲泰式芒芒碌碌芒果味濃，泰式奶茶都好正宗！食到一半，炸蝦餅就炸好，熱辣辣，外皮脆口，蝦肉彈牙，食得出係新鮮蝦手打，真係出色。
兩個人諗住一個2人餐會唔夠飽，點知食完就好滿足！埋單都係400零就食到咁高質，真係抵！
张贴
