紅館

营业中

休息中

中環一向多野食，最近發現IFC附近有間法式餐廳，由藍帶廚師打理，平日放工黎到happy hour $48蚊就有野飲。今晚叫左個二人餐$699，先黎個十分清新嘅巴馬火腿沙律，配上勁多沙律菜。之後仲整返個澳洲和牛他他，牛肉嫩口易入口，份量又多。中間黎個間場的黑松露蘑菇忌廉湯，海量新鮮刨出黎嘅黑松露，勁香勁濃郁，蘑菇粒煮到勁蓉，每一啖都有顆粒感。蒜蓉辣椒海蝦扁意粉勁大陣蒜香味，又有幾隻大海蝦，好飽肚。再黎個紅酒牛面肉配薯蓉，牛面肉好腍，肉嫩味濃，再配埋薯蓉真係飽到上心口。姜母鴨髀，勁大隻鴨髀，外皮香口，內層肉嫩粉紅，仲醃得好入味。最後甜品都好吸引。$699價錢食到咁多道餸真係抵，而且環境裝修別緻好有小酒館feel。