紅館

同另一半專登試咗呢間餐廳嘅二人套餐，原價過千蚊，而家特價就食到😍🌟六道菜晚市二人套餐 $699每人有頭盤加湯品加主菜一加主菜二加甜品加餐飲，合共六道菜👍🏻🌟頭盤 香草魚茸薯仔沙律薯蓉打得綿密滑溜，食到一絲絲魚嘅質感，不過留意返佢係凍食🌸香草同檸檬醬唔算濃味，清清地幾好！🌟湯品 野菌忌廉湯有菌香但更多嘅係Creamy嘅質感，佢唔係嗰種有口感，而係質地超級滑身，每啖都飲到菇菌獨有嘅香氣💕🌟🌟主菜 低溫慢煮雞胸扁意粉配冬陰功醬汁驚喜之作！雞胸用慢煮保持肉質軟嫩，完全唔「鞋」口，冬陰功醬汁酸辣醒神，味道對板！將冬陰功湯應用落去意粉度都可以百分百還原返個精髓！呢個fusion同埋個雞胸，創意同味道都係一百分，好好食🥹🥹🌟主菜 紅館姜母鴨利申吓呢個係男朋友嘅主菜👍🏻鴨腿外脆入面好嫩，我食咗少少覺得味道有啲似燒味嘅燒鴨😂男朋友就話似乳鴿😂好似形容得好low但我哋一致認為呢個係普通燒味舖同酒樓都做唔到咁高水準嘅鴨髀😍勁好食！配上薑同橙杏果醬平衡膩感，好出色💕💕🌟🌟主菜 澳洲M5和牛肉眼扒 +$198唔係誇張，呢個係我今年食過最好食嘅牛扒，沒有之一！！！未食嘅即刻同我去食！就算要加錢都要叫！佢油花靚唔靚我唔知道，我叫咗medium，肉質個出乎意料地軟嫩🥺佢唔係行Cap有口感嘅嗰種路線，而係Juicy🥹嗰種Juicy嘅程度就好似隻牛游緊水咁樣🥹我從未食過咁Juicy嘅牛，而且牛味都好濃郁🥹佢另外有一啲肥膏位，男朋友係完全唔理一嘢啪落口🫨結果我膽粗粗跟佢咁做，佢嘅肥膏位係特別濃牛味，油香十足😍好正！🌟甜品 芒果拿破崙一上枱男朋友就靈魂拷問問芒果拿破崙究竟要點食？😂😂😂笑死😂酥皮脆到一刀切落「咔嚓」聲，口感係酥脆唔易散開，唔錯👍🏻不過牛油味唔算好濃🌸吉士醬傾向似奶黃嘅感覺，甜度適中，芒果清甜多汁，覺得比起啲芝士蛋糕，拿破崙更顯誠意👍🏻🌟餐飲 檸檬茶冇乜特別，正常發揮-呢間餐廳真係好食，強烈再次推介個意粉同埋牛🥹…查看更多

🥳 做緊週年優惠嘅超抵食西餐廳 @ 🌟 紅館 🌟.💁‍♀️ 圖片展示美食：六道菜晚市二人套餐 HKD 699.👀 呢間由藍帶廚師主理嘅隱世西餐廳，最近做緊週年推廣優惠，超抵價錢就食到六道菜晚餐，點可以唔去試下？！.🍽️ 作為第一道頭盤，「澳洲M8和牛他他」剁到細膩柔軟，混入香草同蛋黃醬之後帶出淡淡堅果香。.🥗 另一款係「香草魚茸薯仔沙律」，口感綿滑，檸檬醬汁清新解膩，兩者搭配得恰到好處。.🍄 第二道係暖笠笠嘅「野菌忌廉湯」香氣真係無得頂！打碎嘅野菌茸帶來綿密口感，松露油嘅香氣畫龍點睛。.🍝 店員好貼心，一道道菜慢慢上，接住係第三道嘅「低溫慢煮雞胸扁意麵」。雞胸肉嫩滑，冬陰功醬汁酸辣醒神，完美掛滿每條意粉，泰式同意式嘅融合超驚喜。.🦞 另一款係「新鮮龍蝦手打意大利闊麵」真係落足料！龍蝦鉗肉彈牙又鮮甜，闊麵沾滿濃郁龍蝦膏醬，絕對唔可以錯過！.🦆 第四道嘅「紅館姜母鴨」作為主菜，將中式精髓以西式呈現！鴨腿有薑母藥材香完全滲入肉中，配上橙杏果醬意外地夾，暖胃又滋補。.🐌 「法式香草焗蝸牛」就經典重現！蝸牛彈牙，香草牛油香濃到漏，同綿滑薯茸一齊食。.🥭 第五道係甜品，「芒果拿破崙」嘅千層酥層次豐富，新鮮芒果甜而不膩，吉士醬輕盈唔膩。.🧀 另一款係「鮮果芝士撻」，芝士餡奶香濃郁，冰凍鮮果清新解膩，餅底牛油香脆。.☕️ 最後以自選飲品作結，咖啡香醇，同奶泡比例完美，為豐盛晚餐畫上完美句號！.😌 餐廳樓底高，裝修典雅，空間感大坐得舒服，依家仲做緊好多優惠，有機會值得試吓！.📍 中環干諾道中50號地下B號舖.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

喺中環核心地段可以以$699在舒適雅緻嘅氣氛環境中享受到6道菜2人法餐，只能立刻衝去試吓。~ 𝑆𝑖𝑥 𝐶𝑜𝑢𝑟𝑠𝑒𝑠 𝑆𝑒𝑡 𝐷𝑖𝑛𝑛𝑒𝑟 𝑓𝑜𝑟 2 𝑝𝑒𝑟𝑠𝑜𝑛𝑠 ~喺第一道之前有麵包提供，相當體貼+ 𝙵𝚒𝚛𝚜𝚝 𝙲𝚘𝚞𝚛𝚜𝚎◇  𝘍𝘪𝘴𝘩 𝘉𝘳𝘢𝘯𝘥𝘢𝘥𝘦 𝘚𝘢𝘭𝘢𝘥 𝘸𝘪𝘵𝘩 𝘓𝘦𝘮𝘰𝘯 𝘥𝘳𝘦𝘴𝘴𝘪𝘯𝘨 香草魚茸薯仔沙律配檸檬醬第一道菜嘅第一個選擇係沙律，喺常見嘅鮮菜沙律上加入魚茸，帶來法國南部風味，非常特別◇ 𝘈𝘜𝘚 𝘔8 𝘞𝘢𝘨𝘺𝘶 𝘉𝘦𝘦𝘧 𝘛𝘢𝘳𝘵𝘢𝘳𝘦 澳洲M8和牛他他第一道菜嘅第二個選擇係和牛他他，用上澳洲M8級和牛，肉質鮮嫩又帶濃郁牛肉味，配上脆包片一齊食，口感豐富+ 𝚂𝚎𝚌𝚘𝚗𝚍 𝙲𝚘𝚞𝚛𝚜𝚎◇ 𝘞𝘪𝘭𝘥 𝘔𝘶𝘴𝘩𝘳𝘰𝘰𝘮 𝘚𝘰𝘶𝘱 野菌忌廉湯第二道菜係湯，野菌忌廉湯係小編最喜歡湯種之一，香濃菌味尤其吸引+ 𝚃𝚑𝚒𝚛𝚍 𝙲𝚘𝚞𝚛𝚜𝚎◇ 𝘚𝘰𝘶𝘴 𝘝𝘪𝘥𝘦 𝘊𝘩𝘪𝘤𝘬𝘦𝘯 𝘉𝘳𝘦𝘢𝘴𝘵 𝘓𝘪𝘯𝘨𝘶𝘪𝘯𝘦 𝘸𝘪𝘵𝘩 𝘛𝘰𝘮 𝘠𝘢𝘮 𝘚𝘢𝘶𝘤𝘦 低溫慢煮雞胸扁意麵配冬陰功醬汁第三道有兩個選擇，小編同朋友都揀咗這款，異口同聲都因為意麵配上少有嘅冬陰功醬汁，陣陣冬陰功味但又唔辣，掛在扁意麵上，小編同朋友都喜歡到不得了，主角雞胸因低溫慢煮肉質特別嫩滑，非常出色+ 𝙵𝚘𝚞𝚛𝚝𝚑 𝙲𝚘𝚞𝚛𝚜𝚎◇ 𝘙𝘢𝘙𝘦 𝘎𝘪𝘯𝘨𝘦𝘳 𝘋𝘶𝘤𝘬 𝘓𝘦𝘨 紅館姜母鴨第四道有兩款，這款係鴨腿，鴨腿皮又脆又微焦香，鴨腿肉嫩滑又帶點鹹香，配上杏橙果醬，其中甜酸味提升鴨肉香味道層次◇ 𝘌𝘴𝘤𝘢𝘳𝘨𝘰𝘵 𝘸𝘪𝘵𝘩 𝘔𝘢𝘴𝘩 𝘗𝘰𝘵𝘢𝘵𝘰 法式香草焗蝸牛配薯茸另一款係焗蝸牛，份量不少有足8隻，蝸牛肉質爽口，帶點香草味，記得不要漏放在蝸牛下面嘅薯茸，同樣吸引+ 𝙵𝚒𝚏𝚝𝚑 𝙲𝚘𝚞𝚛𝚜𝚎◇ 𝘔𝘢𝘯𝘨𝘰 𝘔𝘪𝘭𝘭𝘦 𝘍𝘦𝘶𝘪𝘭𝘭𝘦 芒果拿破崙第五道來到甜品，有兩款選擇，小編偏愛芒果拿破崙，因為芒果嘅甜同拿破崙嘅脆◇ 𝘍𝘳𝘦𝘴𝘩 𝘍𝘳𝘶𝘪𝘵 𝘊𝘩𝘦𝘦𝘴𝘦 𝘛𝘢𝘳𝘵 鮮果芝士撻另一款係鲜果芝士撻，不過不失+ 𝚂𝚒𝚡𝚝𝚑 𝙲𝚘𝚞𝚛𝚜𝚎◇ 𝘊𝘰𝘧𝘧𝘦𝘦 𝘰𝘳 𝘛𝘦𝘢 咖啡或茶最後第六道係咖啡或茶…查看更多

👥去中環接朋友仔放工發現晚餐好地方😍🍽️餐廳內高樓底，突顯舒適空間感，座位雅緻寬敞，及播放著輕音樂, 散發溫馨暖感氛圍 🥰🌟推廣優惠🌟Set Dinner 選擇種類多 $699-$1588😍我哋選擇咗性價比嘅6️⃣道菜晚市2️⃣人套餐 $699✨第1️⃣道菜澳洲M8和牛他他🐂肉味濃郁，配上墊底的香脆多士，口感層次豐富香草魚蓉薯仔沙律配檸檬醬🥗沙律菜新鮮，魚蓉綿密細膩配合香草檸檬醬，口味清新，非常開胃😋2款都是打開味蕾的醒胃前菜😋✨第2️⃣道菜野菌忌廉湯🍄‍🟫菇味濃郁，入口綿滑 ❤️✨第3️⃣道菜低溫慢煮雞胸扁意粉配冬陰功醬汁🐔經慢煮的雞肉口感軟嫩，配上微辣酸香冬陰功醬汁沾滿扁意粉上，令食慾大增 🥰✨第4️⃣道菜法式香草焗蝸牛配薯蓉🐌滋味薯蓉配以濃香香草汁蝸牛肉， 雖然分量唔少，但係都好想食多幾隻😋🪿紅館薑母鴨鴨髀肉皮脆肉嫩，切開滲汁，沾上伴碟的甜橘子醬，味道絕配，真是無得輸的招牌菜👍🏻✨第5️⃣道菜🥭芒果拿破崙酥皮配合芒果肉及吉士忌廉醬料, 層次分明🫐鮮果芝士撻芝士餡料味道恰到好處, 甜而不膩✨第6️⃣道菜少不了的餐後飲Latte & Flat White☕啡味濃郁滑口令整個套餐畫上完美句號😍💠後記 👩🏻‍⚖️店員服務態度慇勤， 上餐速度亦控制得宜，整個用餐過程感覺滿足愉快🥰…查看更多

中環由藍帶主廚主理嘅法式餐廳🇫🇷餐廳氛圍感不錯情侶朋友食飯都好適合！🔸First course ▫️香草魚茸薯仔沙律配檸檬醬沙律配檸檬醬好清新開胃🍋而魚茸薯仔口感都頗豐富▫️澳洲M8和牛他他 +$28和牛他他牛味比較重配上脆餅食好夾🫶🏻單食的話就有點羶~🔸Second course ▫️野菌忌廉湯蘑菇湯十分濃厚又creamy 🍄‍🟫啖啖都散發出蘑的香氣！🔸Third course ▫️低溫慢煮雞胸扁意麵配冬陰功醬汁冬陰功十分重帶有點酸,意粉十分掛汁與冬陰功汁十分夾😚雞胸一啲都唔柴偏嫩！🔸Fourth course▫️紅館姜母鴨一大隻鴨髀啖啖肉食得好爽！鴨肉一啲都唔柴🥰另外可以配埋果醬食層次更豐富▫️澳洲M5和牛肉眼扒 +$198肉眼扒超大塊叫咗5成熟完全鎖咗啲肉汁🤤牛扒好嫩牛味亦偏重再加上黑胡椒和鹽食更能突出到牛肉香氣🥩另外沙律配上黑醋偏酸開胃🔸Fifth course ▫️芒果拿破崙拿破崙酥皮層次分明又酥脆而芒果好甜再加上吉士醬十分夾🥭▫️鮮果芝士撻芝士撻配上藍莓,芝士濃厚撻皮鬆化帶點牛油香而藍莓就有點酸🫐🔸Sixth course ▫️涷檸茶🤤好味度 : 8/10🔙回頭率 : 7/10…查看更多

中環商業區搵到間西餐廳，9成都係couple😆 入到去燈光柔和、播住lofi音樂，氣氛浪漫又不失格調，難怪咁多人揀嚟約會！我哋嗌咗限時$699六道菜晚市二人套餐1️⃣ 🥩 澳洲M8和牛他他軟滑嘅和牛他他，下面配咗3塊脆口麵包，每啖都好溝足！2️⃣ 🍄 野菌忌廉湯香氣十足，bland到好均勻，暖胃又舒服。3️⃣ 🍝 低溫慢煮雞胸扁意麵配冬陰功醬汁冬陰功意粉係my fav，呢度應該係10少辣程度，而且配咗雞胸，食落感覺健康啲～ 4️⃣ 🦆 紅館姜母鴨 & 法式香草焗蝸牛配薯茸姜母鴨肉質好冧，點埋個汁，甜甜嘅橙味令我哋食到尾都唔怕膩。至於焗蝸牛就要配埋作個薯茸食，食落口感加分！5️⃣ 🍰 芒果拿破崙 & 鮮果芝士撻甜品都唔失禮，拿破崙酥皮香脆，夾住酸甜芒果同忌廉；芝士撻有藍莓同青提，食落酸甜平衡～6️⃣🍹 水果茶香氣清新，淡淡嘅水果味，唔怕太濃瞓唔着😂📍紅館 (中環)中環干諾道中50號地下B號舖…查看更多

紅館RaRe Restaurant位於中環呢間餐廳絕對值得更多人認識，佢係由法國藍帶主廚主理，品質一定有保證。其實我一開始認識呢間餐廳，係喺中環返工嘅朋友同我介紹嘅，一直都聽過佢哋讚賞呢間餐廳，今日終於到我哋食晚飯啦，要左雙人晚餐套餐，一共有六個course。第一道菜我哋分別要咗香草魚茸薯仔沙律配檸檬醬同澳洲M8和牛他他。個薯仔沙律真係有驚喜，配上檸檬醬之後成件事好清爽，而且薯仔沙律個口感好特別，有啲似土耳其雪糕嘅口感。和牛他他亦都調配得味道剛剛好！野菌忌廉湯係屬於濃郁但係唔會好滯嘅嗰種湯，大推！令我超級有驚喜嘅，就係個低溫慢煮雞胸扁意麵配冬陰功醬汁，細細地一碟，但係絕對係超級正，冬陰功醬汁畫面效果做得好好，而且好濃郁，雞胸亦相當嫩滑。紅館薑母鴨亦都係好出色嘅一道，apricot jam整咗喺碟邊，薑母鴨嫩滑之餘，肉質嘅口感鮮嫩，配埋甜甜地嘅醬汁真係回味無窮，喺其他餐廳淨係食呢一碟已經係呢度成個餐嘅價錢！朋友都話法式香草焗蝸牛配薯茸好好味，每一隻都好肥美。甜品方面就要咗芒果拿破崙同鮮果芝士撻，拿破崙整得酥脆，芒果亦都甜甜地，食落去酥脆美味，芝士撻亦都好濃芝士味，對於唔鍾意食甜嘅人嚟講一定好適合！整體嚟講，以呢個價錢，呢個地段，真係超高質！…查看更多

今晚同O先生嚟享用由法國藍帶廚師主理嘅二人晚餐！6道式套餐，環境優雅，燭光閃爍，超浪漫～😍第一道： 香草魚茸薯仔沙律配檸檬醬，清新酸甜；澳洲M8和牛他他，牛味濃郁！👍第二道： 野菌忌廉湯，菌香濃郁，奶味滑順，暖心一啖！🍄第三道： 低溫慢煮雞胸扁意麵配冬陰功醬汁，泰式辣香爆燈，fusion神來之筆！🌶️第四道： 紅館姜母鴨，薑香入味，鴨皮脆肉嫩；法式香草焗蝸牛配薯蓉，蒜香撲鼻，經典法式！🐌第五道： 芒果拿破侖，金箔topping閃耀，芒果鮮甜脆層，甜蜜收尾！🥭✨飲品： Latte香濃，Iced Fruit Tea清新解膩。總結：每道都精緻, 藍帶水準， 值回票價！強推情侶約會～…查看更多

淘小姐因為忙碌嘅工作關係又消失左一段時間😥但幾忙都要食野架係咪？今次就為大家介紹係中環嘅六道菜晚市二人套餐$699 兩位呢個價錢的確實惠前菜：⭐️香草魚茸薯仔沙律配檸檬醬沙律菜上有一球香草魚茸薯蓉口感上都幾有層次感搭配檸檬醬非常開胃⭐️澳洲M8和牛他他澳洲M8和肉肉質鮮嫩調味適宜配搭香脆嘅薄片麵包形成強烈嘅對比湯品：⭐️野菌忌廉湯野菌嘅香氣融合係忌廉中口味濃郁順滑搭配餐前鬆軟煙靭嘅麵包享用就最好不過主食：⭐️低溫慢煮雞胸扁意麵配冬陰功醬汁淘小姐最念念不忘嘅一道菜雞胸肉經低溫慢煮後十分嫩滑扁意麵搭配風味獨特嘅冬陰功醬汁酸酸辣辣讓人食指大動⭐️法式香草焗蝸牛配薯茸蝸牛經過香草焗製香氣濃郁令人垂涎下面配上滑順薯蓉讓整道菜色更為豐富⭐️紅館姜母鴨有別於想像中嘅姜母鴨鴨𩨨煎炸過口感較乾身旁邊好似柚子味嘅醬汁都幾特別可以減低鴨肉煎炸過後嘅油膩感甜品：⭐️芒果拿破侖層次分明嘅酥皮夾雜咗Cream同芒果片好味但有少少唔夠喉⭐️鮮果芝士撻新鮮酸甜藍莓搭配濃郁芝士口感豐富飲品：每人包一杯咖啡或茶亦都可以加錢upgrade其他飲品🍽️ 紅館 📍 中環干諾道中50號地下B號舖…查看更多

放工係附近搵緊野食，禁啱見到呢間餐廳做緊雙人晚餐優惠好似幾吸引，所以決定同朋友試下🤤🤤🤤首先兩道頭盤有💙澳洲M8和牛他他，M8 和牛剝到細膩，肉味濃郁🥩💙香草魚茸薯仔沙律配檸檬醬，魚茸薯仔蓉口感好特別，唔係普通食到既質地加埋檸檬醬好開胃👍🏻值得一試🤩💙野菌忌廉磨菇湯味道濃郁得黎口感唔會太糊狀又飲到蘑菇蓉嘅感覺，仲有小花🌼做點綴🫶🏻🫶🏻 唔錯😌💙低溫慢煮雞胸扁意麵配冬陰功醬汁冬陰功汁酸辣程度開胃得黎唔會太辣，我地算係唔太食得辣都可以食到🤤🙌🏻雞胸用左慢煮處理，咬落非嫩滑一啲都唔乾！幾出色❣️💙紅館姜母鴨擺盤好精緻之餘食落鴨髀外皮又香又脆，鴨肉嫩滑配搭埋甜甜既橘子醬，味道層次豐富又唔膩，好好食😋💙法式香草焗蝸牛配薯茸蝸牛口感嚼勁，加上香草同牛油既濃郁味道，仲有打到十分順滑既薯蓉🥰🥰 一啖蝸牛一啖薯蓉 perfert✨✨見到8點前做緊happy hour $48蚊就飲到house wine，即刻同朋友叫左杯邊飲邊食✌🏻✌🏻🥂 chill chill佢！…查看更多

呢間我都一直聽過未食過，所以決定去食個晚市套餐，我地揀左六道菜晚市二人套餐，一到就上左個法包，點橄欖油同醋一齊食，好refresh!前菜 (每人點一個)香草魚茸薯仔沙律配檸檬醬，比較開胃既菜式，亦可以加啲醋一齊食澳洲M8和牛他他，平時比較少食始終係生肉，但呢個他他調味剛好，份量多，而且食到凍夠晒新鮮湯野菌忌廉湯，將菇連湯一齊打溶，個湯又唔會好結但唔需要咬菇，個做法幾好意粉低溫慢煮雞胸扁意麵配冬陰功醬汁，意粉用冬陰功調味，唔會食落好辣，都唔係比冬陰功搶味，，反而食落有啲衝擊同特別新鮮龍蝦手打意大利闊麵 (+$168)大推！呢個值得加錢去食，意粉硬度剛好，闊麵同龍蝦汁煮好入味，而且有兩大舊龍蝦肉主菜法式香草焗蝸牛配薯茸，唔係好多地方有蝸牛食，呢間既蝸牛都好大隻，而且每一粒都有調味澳洲M5和牛肉眼扒 (+$198)呢個都值得加錢去食，牛扒好大好厚，但一啲都唔韌，我地點medium ，佢成個肉都係紅色，冇一邊熟一邊生既問題，牛肉食落甜甜地，應該用左蜜糖醃，好有心既煮法甜品鮮果芝士撻，藍莓加青提既撻，細細個份量剛好芒果拿破崙，酥皮好脆，亦有一塊塊新鮮芒果肉飲品嗌左咖啡同檸檬茶，正常發揮見佢做promo $699，就算加埋龍蝦麵同肉眼扒都貴唔過原價，覺得幾抵！…查看更多

2人燭光晚餐！前菜麵包煙韌似白糖糕，配橄欖油食好清新。香草魚茸薯仔沙律配檸檬醬，芝士味突出，開胃。澳洲M8和牛他他似舌吞拿魚整成Jelly，生食口感滑溜，好特別。第二道野菌忌廉湯濃郁，冇渣，花塊點綴靚又清。第三道低溫慢煮雞胸配冬陰功醬汁，冬陰功味挺出，酸辣中帶蕃茄同藏紅花微苦，味道平衡。主菜法式香草焗蝸牛配薯蓉，似梅菜底，但配上酸滑沙律醬，挺好食。澳洲M5和牛肉眼扒，叫咗五成熟，肉汁鎖實，胡椒粉提味，配菜為蕃茄和沙律菜。甜品芒果拿破崙同鮮果芝士撻清新香甜，配杯滑滑latte cappuccino，完美收尾！…查看更多

六道菜晚市二人套餐 $699有法國藍帶主廚主理，餐廳位置中環核心商業地段，放工來鬆鬆飲下野好浪漫頭盤有和牛他他和牛他他口感綿密，帶有濃郁肉香香草魚茸薯仔沙律魚茸薯仔帶有點鹹香，好清新买開胃餐湯蘑菇忌廉湯慢煮雞胸冬陰功意粉慢煮雞胸唔柴配個冬陰功醬汁好味，整體個份量剛好，因為預還有主菜(姜母鴨)要食紅館姜母鴨好鴨肉煮完仲幾有肉汁，食落温度暖暖，油封鴨髀外皮金黃酥脆，配橘子醬同沙律菜食會減小油膩感。芒果拿破崙最後甜品～芒果拿破崙好酥脆，配上香甜芒果醬，完美總結…查看更多

同老公去咗位於中環嘅Rare Restaurant 慶祝結婚周年紀念。是由法國藍帶主廚主理的餐廳，我們二人當晚點了二人優惠套餐$699。環境同食物都好好，最後點咗兩個甜品，可以要求喺碟上面寫字，係慶祝生日或者紀念日嘅好地方。香草魚茸薯仔沙律配檸檬醬魚茸薯仔滑滑的，加上香草的香氣，簡直是完美的搭配。檸檬醬的酸味更是提味。澳洲M8和牛他他肉質嫩得不得了，咬下去滿嘴都是肉香，還有一點酸酸的醬汁，好好食！低溫慢煮雞胸扁意麵配公陰功醬汁雞胸肉簡直是嫩到不得了，搭配著扁意麵和公陰功醬汁，味道層次豐富，讓我每一口都想多吃幾口。紅館薑母鴨極力推介這道菜，鴨肉煮得剛剛好，皮脆肉嫩，配上橘子醬，好夾👍🏻法式香草焗蝸牛配薯茸蝸牛的肉質嫩滑，搭配香草，香氣四溢。底下的薯茸又滑又香，簡直是絕配！…查看更多

❤️《中環法國大餐🥰》 - - 紅館喺中環街市附近行完街，覺得肚餓就喺附近search餐廳食好嘢，見到紅館係由法國藍帶主理，而且六道菜晚市二人套餐只係$699,一於就去試吓啦！🥔香草魚茸薯仔沙律配檸檬醬呢個沙律菜配上檸檬汁好開胃，魚茸夾薯仔係一個好好配搭，有唔同層次嘅口感🤩🐮澳洲M8和牛他他M8和牛他他油脂豐富連香脆多士一齊食，食唔停口🍄野菌忌廉湯菇味濃郁、稠身每一啖都係精華，每一啖都有菇味大爆發😍😍好好味🐔低溫慢煮雞胸扁意麵配冬陰功醬汁雞胸肉去用超低溫慢煮，所以係超級嫩滑入口即溶，而意粉係用冬陰功醬去炒，呢個組合好快就食晒😋🌿法式香草焗蝸牛配薯蓉一共有八粒香草汁蝸牛，以薯蓉做配菜，好香香草同牛油味，食唔停口😋🦤紅館薑母鴨薑母鴨係招牌菜之一，外皮香脆而內裹肉質嫩滑肉汁豐富配上伴碟甜橘子醬，唔會有油膩嘅感覺😍🧁芒果拿破崙，鮮果芝士撻，水果茶芒果拿破崙酥皮鬆脆配上芒果忌廉及芒果肉，鮮果芝士撻鹹香，再配上水果茶作總結。每一道菜配合都恰到好處😋😋☻味道：7/10☻環境：7.5/10☻服務：7.5/10☻價錢：7/10☻回頭率：70%📍紅館 (中環)中環干諾道中50號地下B號舖…查看更多