四面泰泰式火鍋

营业中

休息中

沙田新城市廣場食店琳瑯滿目，有好多好多選擇😄其實每次諗食啲乜嘢，都要諗好耐。今次突然間見到一間泰式火鍋，好似見到曙光咁，即刻入去試吓。主打泰式火鍋之外，當然仲有好多泰式嘢食例如串燒等等，都真係幾吸引㗎。今次叫咗冬陰功和椰奶湯底，嘩，幾正喎，冬陰功湯底裏面仲有四隻蝦係送埋嘅，唔錯唔錯。椰奶湯底好鮮甜呀，下次都要叫。另外叫咗佢最出名嘅海鮮盒，有蠔有鮑魚有蚌有蝦等等，打卡一流，幾好味。 下次去沙田搵食，都係一個好選擇。