影片
更多
2024-10-25
887 浏览
近排睇完黑白大廚，對於Fine Dining既餐廳好有期待🤩而「唐述 」係位於香港站上蓋的IFC 3樓，餐廳裝潢設計華麗，具有唐代建築風格x現代風，而且餐廳同時結合了酒吧和酒廊，加上落地大玻璃對住摩天輪的靚景，真係好適合大家節日慶❤️唐述透過「形、念、事、物」四個方式呈現出中菜的飲食哲學，由食材與器皿上的配搭，全新既中菜烹調方式，為客人帶來獨特又驚喜的餐飲體驗😍〖 世味人生 〗 品嚐菜單 $1388 一位✨藤椒蔥油蟶子皇以蟶子皇作為冷盤相當驚喜，冷凍既蟶子感覺上更鮮嫩爽口，配搭藤椒蔥油的香麻感，非常特別惹味而且一點也不辣，相當驚艷😍✨20年古越龍山花雕鮮鮑魚.梅子蕃茄.海蜇銀花花雕清香濃厚而不苦澀、鮑魚爽口彈牙梅子蕃茄酸甜好滋味、超開胃既前菜海蜇銀花清脆爽口✨綿綿川貝杏汁花膠螺頭燉蜜瓜湯平時抗拒杏汁既我，竟然會飲哂🫣 雖然川貝與杏汁整成既湯底杏汁味仍然濃郁，但因為有蜜瓜🍈既襯托，飲既時候隔外變得清甜👅巨型綿綿係由蛋白和帶子製作而成，入口軟綿好似食緊棉花糖咁，並微微散發帶子既甜味 ✨脆皮海參⋅麒麟魚廚師烹調手法相當特別驚艷，而竹炭粉包住海參炸起，第一次食脆皮海參😳外層脆皮中間軟腍感，真係好
近排睇完黑白大廚，對於Fine Dining既餐廳好有期待🤩而「唐述 」係位於香港站上蓋的IFC 3樓，餐廳裝潢設計華麗，具有唐代建築風格x現代風，而且餐廳同時結合了酒吧和酒廊，加上落地大玻璃對住摩天輪的靚景，真係好適合大家節日慶❤️唐述透過「形、念、事、物」四個方式呈現出中菜的飲食哲學，由食材與器皿上的配搭，全新既中菜烹調方式，為客人帶來獨特又驚喜的餐飲體驗😍
〖 世味人生 〗 品嚐菜單 $1388 一位
✨藤椒蔥油蟶子皇
以蟶子皇作為冷盤相當驚喜，冷凍既蟶子感覺上更鮮嫩爽口，配搭藤椒蔥油的香麻感，非常特別惹味而且一點也不辣，相當驚艷😍
✨20年古越龍山花雕鮮鮑魚.梅子蕃茄.海蜇銀花
花雕清香濃厚而不苦澀、鮑魚爽口彈牙
梅子蕃茄酸甜好滋味、超開胃既前菜
海蜇銀花清脆爽口
✨綿綿川貝杏汁花膠螺頭燉蜜瓜湯
平時抗拒杏汁既我，竟然會飲哂🫣 雖然川貝與杏汁整成既湯底杏汁味仍然濃郁，但因為有蜜瓜🍈既襯托，飲既時候隔外變得清甜👅巨型綿綿係由蛋白和帶子製作而成，入口軟綿好似食緊棉花糖咁，並微微散發帶子既甜味
✨脆皮海參⋅麒麟魚
廚師烹調手法相當特別驚艷，而竹炭粉包住海參炸起，第一次食脆皮海參😳外層脆皮中間軟腍感，真係好好食🤤
麒麟魚而日式立鱗燒做法而成，令到魚鱗都可以一齊進食，每啖既魚鱗都酥脆肉質鮮嫩多汁。
✨珍寶珠
桂圓味珍寶珠配搭桃膠，幾有創意既小甜點
✨太子玉枕
太子意思指蟹黃醬做底，配搭玉枕帶子和豆腐，另外用意大利黑醋珍珠作為點綴。攪拌後食用，蟹黃口感豐腴鮮甜無比，果然精緻又美味🤤
✨茅台鮮蠔屈雞煲
看似普通雞煲，但茅台香氣令菜式更特別！鮮蠔大隻帶點酒香，無骨走地雞啖啖肉，肉質鮮嫩，連旁邊嘅香蔥同菇都忍唔住食野🤣
✨甘栗珍菌炆飯
平時酒樓食開炒飯真係無乜期望，本身以為好普通。點知🫣再一次被驚嘆❤️
甘栗珍菌炆飯非常濕潤一點也一不乾，粟子甘香軟糯好好食，果然岩哂秋天進補😎
✨萬壽雈茶鴛鴦湯圓
由「 萬壽無疆 」器皿裝住中式傳統薑汁湯圓糖水作結尾。鴛鴦湯圓有黑芝麻和比較特別嘅斑斕椰絲湯圓，薑汁味濃烈暖喉又暖胃。
總括來說，「唐述」烹飪食材方面有別於傳統的中菜廳，令到我對中菜有新既認知同食法🫣原來中菜都可以咁好食🤤遲啲轉左menu 一定會再食👅
张贴
