影片
更多
2024-08-11
655 浏览
由細到大都鍾意去潮州檔打冷，不過有風味嘅潮州菜館已經買少見少！呢日放假就同一大班朋友去咗間好有風味嘅金帆潮汕菜，嗰晚我哋食咗好多勁正斗嘅潮州嘢。呢間金凡就喺尖沙咀嘅加連威老道，門口有錶位擺車所以搭車或者揸車嚟都一樣咁方便。見到櫥窗掛咗好多正嘢食，我就最想試嗰隻黐晒芝麻嘅雞。行到入去仲見到好鬼多魚飯擺咗喺度睇個樣啲嘢好鬼正宗咁喎。坐低之後發現佢牆上面有幾幅好靚畫，仲有啲好有風味嘅木船做裝飾品，成間餐廳嘅潮汕風味就出晒嚟。等到人齊梗係要開餐先啦！呢碟係涼拌魚皮佢係用麻辣汁撈嘅所以好刺激，但係佢嘅辣加埋魚皮嘅爽彈口感真係正爆喊住食都值得。韭菜豬紅相信大家都食唔少！呢度嘅版本係用咗鵝紅食落去更加滑嘟嘟，同埋佢煮得好入味加埋啲韭菜又係冇得輸。薄殼呢家嘢以前我唔識食！自從老婆大人煮過俾我食之後就鍾意咗，呢度都炒得好香食落口仲好鮮甜唔錯喎。我哋仲叫咗幾款送酒嘅菜梗係要嗌支啤酒飲！呢支係本地嘅原漿啤酒冇經過過濾所以色水比較濁，飲落去幾清甜仲有好香嘅啤酒花味。最頂癮係佢隻杯形狀係一隻靴仔！飲嘅時候都要有技巧一唔小心就會彈到成鼻都係㗎哈哈。送酒嘅香口嘢椒鹽鮮魷一定走唔甩！熱辣辣炸起好香口椒鹽味啱啱好唔會咸
呢間金凡就喺尖沙咀嘅加連威老道，門口有錶位擺車所以搭車或者揸車嚟都一樣咁方便。
見到櫥窗掛咗好多正嘢食，我就最想試嗰隻黐晒芝麻嘅雞。
行到入去仲見到好鬼多魚飯擺咗喺度睇個樣啲嘢好鬼正宗咁喎。
坐低之後發現佢牆上面有幾幅好靚畫，仲有啲好有風味嘅木船做裝飾品，成間餐廳嘅潮汕風味就出晒嚟。
等到人齊梗係要開餐先啦！呢碟係涼拌魚皮佢係用麻辣汁撈嘅所以好刺激，但係佢嘅辣加埋魚皮嘅爽彈口感真係正爆喊住食都值得。
韭菜豬紅相信大家都食唔少！呢度嘅版本係用咗鵝紅食落去更加滑嘟嘟，同埋佢煮得好入味加埋啲韭菜又係冇得輸。
薄殼呢家嘢以前我唔識食！自從老婆大人煮過俾我食之後就鍾意咗，呢度都炒得好香食落口仲好鮮甜唔錯喎。
我哋仲叫咗幾款送酒嘅菜梗係要嗌支啤酒飲！呢支係本地嘅原漿啤酒冇經過過濾所以色水比較濁，飲落去幾清甜仲有好香嘅啤酒花味。
最頂癮係佢隻杯形狀係一隻靴仔！飲嘅時候都要有技巧一唔小心就會彈到成鼻都係㗎哈哈。
送酒嘅香口嘢椒鹽鮮魷一定走唔甩！熱辣辣炸起好香口椒鹽味啱啱好唔會咸，入面嘅魷魚仲要一啲都唔韌好鮮嫩正呀喂。
跟住呢個椒鹽撥水魚鰭都係超級好食！用咗彈牙到不得了嘅脆鯇嚟整，咬落去真係有回彈嘅感覺㗎！加埋炸得好鬼香口要嚟送酒真係唔得掂，嗌我成碟我食晒佢都仲得呀。
生醃膏蟹唔理係韓式或者潮式食呢家嘢真係要考膽量！我哋就從來都唔怕最緊要有好嘢食哈哈。
醃蟹啲膏爆到瀉晒橙紅色咁好吸引！滑嘟嘟嘅蟹膏食落去好甘香軟腍腍嘅蟹肉都好鮮甜，佢個汁醃得啱啱好唔會太鹹或太甜，唔鍾意食膏嘅我呢晚都食咗勁多呀。
呢個玩火嘅菜叫做火焰鹽燒海螺！嚟嘅時候倒啲酒落去跟住點火大家又可以打卡喇。
呢個海螺食落去好香滑一啲都唔韌！個味仲勁鮮甜正到想嚟多一隻。
潮州滷水咁出名點可以唔食啊！我哋嗌咗一個滷水拼盤入面有五樣嘢，有墨魚、鵝腸、鵝片、豆腐同埋鵝肝。
我同老婆大人口味一致都係勁like呢個滷水鵝肝，因為佢做得好免嫩滑同埋夠晒入味。
蠔餅我就食得多不過加咗九肚魚又真係第一次食！炸得好鬼酥脆嘅蠔餅鮮味好夠，加埋滑嘟嘟嘅九肚魚口感又幾抵死喎。
我不嬲都好鍾意食乳鴿！見到呢度嘅玻璃乳鴿個名咁特別就叫嚟試吓，果然冇叫錯呢個乳鴿皮整到好似炸子雞咁脆口，最重要係入面仲有好多肉汁唔會乾爭爭掂呀喂。
在座有幾位都係牛魔王所以預訂咗呢份紅米牛肋骨嘆，紅米汁食落去又香又甜好濃味，加埋炆得好腍滑嘅牛肋骨個味係正。
老婆大人最鍾意食鱔所以叫咗呢個乳香脆鱔俾佢嘆！呢個鱔球係用咗南乳嚟整所以個味好鹹香，最緊要條鱔夠新鮮食落係彈牙嘅，咁重口味我覺得特別啱送酒。
呢隻鹹香芝麻雞就係頭先掛喺櫥窗嗰隻！鋪滿芝麻嘅雞皮食落去特別香脆，而且好多汁雞味又濃啱晒鍾意食雞嘅我。
欖菜豆醬炒菜心用咗我唔like嘅欖菜！不過用嘅份量啱啱好食落去又唔會令我好反感，最重要係呢碟菜炒得好有鑊氣所以我都幫襯咗唔少。
甜品我哋嗌咗好傳統嘅潮州家鄉鼠殼粿同埋奇趣丸子！
家鄉鼠殼粿嘅餡係綠豆蓉食落好香滑又唔會太甜，奇趣小丸子其實即係炸芝麻湯圓，咬落去唔會一口油加埋啲芝麻餡食落係香口嘅，不過呢兩款甜品都會飽肚，呢餐實在太豐富食到我捧住個大肚腩走人不過我鍾意。
张贴
