金凡潮汕菜

响香港要搵潮州嘢食，其實唔係話太多，一係就比較偏遠，我係唔太願意專登搭車去果啲。今次搵到一間响尖沙咀嘅新派潮汕菜，上網睇過評價唔錯，加上上星期食完打冷意猶未盡，所以我地又一家人走去試下。我哋點咗9樣菜式，每碟都有驚喜，冇一樣嘢可以彈，加上非一般，可以話响香港難得一見嘅好service，真係抵佢响間間餐廳都叫苦連天嘅情況下都爆哂場。椒鹽白飯魚我本身麻麻地食白飯魚，但食落好鬆脆，加上好香嘅椒鹽味刺激味蕾，連唔鍾意白飯魚嘅我都讚好；玻璃乳鴿平時我係唔食乳鴿，一般都又細隻、又冇肉、又鞋，但佢嘅乳鴿反而啖啖肉，仲要燒到皮脆肉嫩，難得令我對乳鴿改觀；鹽水鵝呢個非常出色，滷水鵝就食得多，鹽水鵝就第一次食，佢味道冇滷水咁濃，而且帶好香嘅鵝味，呢個可以話係必點，呢個係No. 1推介；滷水拼盤有滷水鵝腸、滷墨魚同滷豆腐，鵝腸爽脆彈牙，墨魚好滑一啲都唔韌，最估唔到最下欄嘅豆腐，都可以做到咁滑，一般出面食嘅滷豆腐都係柴柴地，一係就好鞋，呢個亦都係必食；潮式馬友魚魚係起咗骨，魚肉好滑，雖然佢比埋普寧醬比我地點，但我覺得唔需要，已經好夠味；潮式凍蟹睇佢隻蟹唔係好大隻咁，但都唔少肉，而且肉質係剛好，冇過火，加上凍食都唔會有腥味，鍾意食蟹嘅人，一定唔可以錯過；鐵板XO醬魚標魚扣呢個都係其中一個驚喜，我未食過魚標係好滑，而且冇一舊會有好似香口膠嘅口感，加上XO醬一齊炒，帶少少辣，忍唔住要食多幾件；潮式炸蠔餅望落去好以好厚粉，其實係佢炸到好鬆，粉一啲都唔厚，而且爽脆，加上佢哋都落咗唔少蠔，我每夾一次都會有蠔，唔係得個脆皮，唔似出面食咁，食粉多過食蠔；涼伴魚皮食到都8899，但意猶未盡想加啲嘢食道啤酒，就問職員有咩好推介，佢就介紹呢款涼伴魚皮。唔好睇佢冇色咁，估唔到係味道豐富，而且帶中辣，食唔到辣嘅人會覺得好辣，佢真係冇介紹錯，反而會令人想飲多幾杯，呢位店員真係醒目。今次真係冇搵錯地方，食物嘅味道完全啱我口味，店舖環境唔錯，加上地點夠方便，同埋一樣服務好，响香港都好少會見到呢種service，佢唔係大陸式果種要恭恭敬敬，而係好似朋友咁，可以一齊傾下計。香港人最捨得食，如果好似呢度咁，就算唔係話太平，食到好食嘅嘢，店員又可以做到朋友咁招待，咁先可以做到有翻頭客。最後埋單加埋酒水，人均都係400幾，講真係絕對合理。其實我仲有好嘢都想食，佢嘅菜式都真係幾多，特別係我最想食嘅魚翅撈飯都仲未食，預計8月尾點都要嚟一次，睇下魚翅撈飯有幾咁巴閉。…查看更多

今次到尖沙咀呢間潮汕菜，餐廳裝修充滿大排檔風味但坐得舒服，門口個打冷檔掛滿各式潮汕美食，未食已經流口水🤤！🦀 金凡（避風塘）辣蟹避風塘炒蟹辣辣哋非常惹味，蟹肉鮮甜又多肉，蒜香同辣味平衡得啱啱好，鍾意香口嘢必點！🐟 九肚魚蠔仔餅呢度嘅蠔仔餅同一般唔同，仲加入咗香滑嘅九肚魚，外層炸到香脆，內裡保持鮮味，口感更加豐富，記得趁熱食呀！🍲 紅燒翅紅燒翅用料十足，湯底濃郁，翅身滑溜，撈飯食真係一流，難怪話「日日魚翅撈飯」係享受！🍖 招牌滷水鵝肝滷水鵝肝做得非常粉嫩軟滑，滷水汁鹹香得嚟唔會蓋過鵝肝嘅濃郁味道，就算怕膽固醇都要試咗先講！🐑 雙冬羊腩煲（秋冬限定）羊腩炆得軟淋入味，冬菇同冬筍吸收哂湯汁精華，羊腩唔羶仲帶香味，嚟緊天氣涼涼哋食一煲真係暖身又滿足！🔥 火焰鹽燒海螺呢道菜絕對係打卡位！海螺用鐵板上，店員會即場點火，瞬間火光四起香氣撲鼻～海螺肉質彈牙，簡單鹽燒已經帶出鮮甜，仲有淡淡酒香！🍠 鼠殼粿拼黃金芋絲卷鼠殼粿係潮州名物，粿皮香軟唔油，入面嘅綠豆餡粉香甜美；芋絲卷炸到金黃香脆，芋蓉綿密，兩款甜品都係傳統風味！整體水準高，味道夠正宗，食物有驚喜！避風塘炒蟹同火焰海螺視覺味覺雙重享受，滷水鵝肝同九肚魚蠔仔餅更加係必試之選～環境有氣氛，價錢豐儉由人，想試地道潮州菜不妨Bookmark呢間！…查看更多

之前朋友生日喺度食飯，覺得味道不錯 今次到其他朋友生日一於嚟呢度試吓涼拌魚皮 魚皮爽彈 冇腥味 醬汁少少辣 好開胃脆皮炸大腸 呢個有啲失望 炸大腸竟然唔香唔脆，而且有啲韌 普寧炸豆腐 呢個就比較香脆 炸完唔油 但沒什豆味滷水鵝片 鵝片切得比較薄 而且油脂什薄 豐富的香料味和鵝肉的肉香是有的韭菜鵝紅 醬汁惹味濃郁 令鵝紅都入晒味 而且嫩滑 這個不錯冰鎮墨魚仔 淡而無味的 幸好夠凍同埋爽脆搭救魚香茄子煲 呢度嘅煮法，令到我有新嘅體會 我從未食過一份油多過茄子同埋肉沫的魚香茄子煲而且沒有鹹魚香味九肚魚蠔餅 呢個係今晚最好食 九肚魚軟滑 蠔仔飽滿鮮甜 蠔餅炸得酥脆唔油 鮮味十足家鄉炒魚麵 食得出魚麵係新鮮嘅 彈牙有魚香 不過醬汁調校一般魚鰾浸勝瓜 唔係好多地方做魚鰾了 魚鰾口感彈牙軟滑 最緊要係唔腥 用胡椒湯做底加上勝瓜嘅鮮甜 令魚鰾鮮味提升鮮菠蘿咕嚕肉 咕嚕肉做得外脆內嫩 脆皮唔算好厚，而且都有肉汁，而鮮菠蘿很好吃，甜美多汁、略帶酸澀的天然風味，最緊要係冇渣最後以一人一杯功夫茶為呢一餐畫上句號…查看更多

今次嚟尖沙咀搵返少少懷舊味道，特登試吓「金凡潮汕館」，主打潮汕風味，地方裝修得有古典韻味，坐得舒服，燈光柔和唔嘈。首先試咗佢哋招牌滷水拼盤，滷水鴨翼、鴨胗、豬耳、海帶都非常入味，鹵得好香濃，但又唔會太鹹。之後上枱嘅魚翅撈飯係重點，熱石煲內湯汁仍喺滾緊，魚翅細滑唔腥，湯底膠質豐富，撈埋白飯真係一流。沙爹牛肉炒河粉亦都交足功課，鑊氣足，河粉唔會黐埋一舊，牛肉仲有啲咬口，好香沙嗲味，唔油膩。總括而言，呢間潮汕館不論味道同環境都好有水準，價錢合理，值得回訪。適合家庭飯、老友聚會。…查看更多

今天和朋友來到尖沙咀這間有點老派氣息的潮菜館，沒想到食物水準出奇地穩定。整體味道偏實在，擺盤不浮誇但吃得出傳統手功。🥢 滷水拼盤份量十足，鴨舌、豆腐、豬紅滷得入味但不過鹹，入口滑而不膩，配白飯剛剛好。🍲 魚翅撈飯用上石鍋盛上枱，湯底溫潤有膠質，鮮香濃郁，裡面還有蟹肉和金針菇，拌飯一流。🍜 沙爹牛河則是出乎意料的驚喜。牛肉炒得夠香口，河粉不糊口，沙爹醬微辣帶甜，很有風味。環境是典型大排檔式茶餐廳風格，燈光充足，氣氛不拘束，適合一家人或朋友聚餐。…查看更多

一向都鍾意食潮州菜，今次第二次同朋友到訪，大家決定慢慢飲、逐個餸叫，難得店內侍應又好殷勤服務、對我哋逐個餸叫都無炸形黑面。 一見到雪櫃內一排原漿，即嚟三樽。 第一道上嘅自然係至愛鹽水鵃再配埋厚切墨魚 厚到好似厚切午餐肉咁，個鵝真係冇甩拖，連個厚切墨魚都好有驚喜，跟住個班腩涼瓜煲香到隔離枱都要望一望，下次點嘅話一定要特別加埋豆腐一齊去煲。 全晚味味合乎預期，唯一係個炸大腸 唔夠脆 同埋腸身薄咗！ 呢間餐廳嘅價錢以尖沙咀計係非常合理。 單係為咗個鹽水鵝 我都一定會再嚟！…查看更多

尖沙咀金凡潮州菜45蚊就可以食到多款下午茶，仲包野飲免加一！係度打卡影相，即刻免費送甜品！夜晚想去打冷試下條大眼雞凍魚😝我點了鵝肉雙拼飯份量非常充足， 滷水味道剛好不會太鹹朋友的牛肉湯河， 湯底亦10分清甜， 這個價錢包括一般熱飲，抵抵抵…查看更多

整体而言，这家潮汕菜馆的味道处于“还可以”的及格线以上水平，但部分经典菜品与潮汕本地水准存在一定差距。卤水拼盘：作为潮汕代表，表现有亮点也有不足。鹅肉片口感偏柴，不够嫩滑多汁，是拼盘中的扣分项。相比之下，鹅翅则处理得不错，入味且肉质更富胶质，啃起来有滋味。鱼饭：这道传统冷盘食材选用尚可，鱼肉基本无细刺，吃起来方便，符合其特点。不过能尝出些许腥味，虽然不算严重，但新鲜度或处理上似乎可以再精进一点，整体风味属于“还可以”的范畴。炒空心菜：这道看似简单的时蔬反而是当晚的亮点。炒得火候到位，保留了脆嫩口感，调味咸鲜适中，带着锅气，清爽又好吃，超出预期。烤乳鸽：这道菜有些令人失望。最大的问题是带有明显的腥气，影响了整体的风味体验。虽然外皮或肉质可能有可取之处，但腥味的存在让它难以称得上成功。总结：金凡的出品呈现中等的状态。卤水拼盘（尤其鹅翅）、方便食用的鱼饭及格，炒空心菜是惊喜。但鹅肉的柴、鱼饭的微腥以及烤乳鸽的腥气是明显的短板，与地道潮汕风味尚有距离。适合解馋，但追求极致体验的食客可能会觉得不够满足。…查看更多

這間潮州菜館味道非常地道，菜式豐富，招牌滷水鵝片香氣撲鼻、入口即溶，魚飯亦令人回味無窮。環境整潔舒適，服務態度親切有禮，價錢合理，是朋友聚餐或家庭晚飯的好選擇。每次來都令人滿足，會再回頭！…查看更多

豉油王炒麵$168，生麵炒得乾爽有鑊氣不油小脆，一條肉絲都冇份量較少，不過調味恰當好處，土豪的絕對推薦，另外一樣沙嗲牛炒牛河$148，這個也值得推薦性價比更高，起碼牛肉滿滿。餐前酸菜$9一碟仔，純粹自己個人鍾意食，最後自己食咗兩碟，滷水豆腐同樣出色，皮脆豆腐嫩滑，其他菜式保持到中水平，味道也不錯，唯獨潮州粥蠔仔有啲腥，感覺屬於新派潮州菜，服務員勤快有禮招呼周到，6人行約$2100埋單。店舖提供免費糖水感恩滿足。#潮州打冷滷水鵝片墨魚鵝腸[话题]##最好食的豉油王炒麵[话题]##…查看更多

你食過呢間食肆！經過尖沙咀都成日想試！今晚終於試一試！門面裝修吾錯,一行入去已經聞到好香鮮鹹魚味食物,今日五個人食飯,嗌咗一個五個餸,最值得推介就係炸九肚魚蠔餅,方魚通菜,豉椒魚卜.另外有幾個餸就普通啲：咕嚕肉,炸大腸.價錢唔算太貴,合理,每人平均300蚊左右,環境衛生都算乾淨,食物質素我覺得都算幾好,進餐有兩個時段六至八,八至十一！員工嘅服務態度都可以接受,但坐得唔耐十點幾就開始想趕客走甘,話滅蟲要做啲收舖喎！…查看更多

📍【潮式風味大滿足】✨ 今晚試咗間尖沙嘴隱世潮州菜，由頭盤到主食都充滿驚喜，性價比高得嚟仲坐得舒服，啱晒三五知己聚腳！ 🦢 滷水拼盤 $448拼盤最多可以拼四樣嘢，咁我就想一次過滿足四個願望：鵝片嫩滑帶油香、鵝腎爽脆入味、鵝翼滷得夠哂「骨」感、鵝腸乾淨無肥膏，咬落「索索聲」！滷水汁醇厚唔死鹹，蘸少少醋更提鮮，食到停唔到口～ 滷水拼盤建議多人分享，試勻唔同部位～ 🐦 玻璃乳鴿 $68乳鴿皮脆到似玻璃紙，咬落「咔嚓」聲，肉汁即刻爆出嚟！第一次係香港食到咁好食嘅乳鴿，呢個價錢真心抵食！ 乳鴿趁熱食先夠脆，遲咗皮會軟㗎～🔥 火焰鹽燒海螺 $268上枱先點火🔥視覺味覺雙重享受！打卡一流，海螺外層焦香，內裡鮮嫩彈牙，仲要超大粒，啖啖脆卜卜，秘製醬汁帶淡淡酒香，鮮味即刻昇華，必試招牌！ 🥬 方魚炒芥蘭 $118芥蘭炒得翠綠爽脆，完全無苦澀味！師傅加咗糖中和苦味，再落烘香方魚碎，鹹香帶天然鮮味，簡單家常菜見功力～ 🍚 欖菜肉碎炒飯 $128鑊氣十足！超特別，出面真係未食過呢個炒飯🍚欖菜鹹香突出，肉碎同蛋碎均勻分布，飯粒分明唔油膩，份量好大碟，要四個人先食得曬！餐廳設計懷舊得嚟有格調，環境舒適，同埋服務超好👍食物有水準又抵食，下次一定encore！ …查看更多

尖沙咀潮洲菜吃飯好去處！裝潢滲透着懷舊氣味，濃厚的香港飯店氣氛，在這兒細味佳餚，不妨舉杯痛飲.菜式中見真功力，在傳統中見到努力不懈的進步和改良，這是值得我捧場的原因，難得食店老闆和廚師擁有一顆對食物及顧客熱情的心。尤其食物味道都以大衆客人為主打，不會走挑花路線，件件啖啖肉夠飽肚。一個餸菜未必能夠符合所有人口味，但佢能做到交出火喉及保持新鮮的出品。大家有興趣可以一試，菜式豐儉由人亦可以主動和負責人溝通及要求。…查看更多

夜晚11點打完波去食，網上寫開到凌晨兩點，但去得夜建議打個電話問問先。伙記非常友善，食物都好高質。咕嚕肉同蠔餅好有驚喜，食物賣相睇得出好有心機，味道都好出色，同行友人一致好評。👍🏻👍🏻…查看更多

菜單是度身預訂，當晚食了超水準的潮州菜式，有圖有真想。當晚11位家吃飲水，員工服又有禮貌又細心，每道菜上枱會介紹多次，經常詢問口味如何，（當然好食啦）因為上年我地都在金凡潮汕菜做冬飯，今年又其他親戚過來再試其他名菜，如果您地有新年菜品想預訂，先資訊後，這家食店盡量可以滿足到大家，這就一家靈活變通，以客為先的好潮州菜館，我這一年內，單是光臨了4次啊！我最喜歡潮4式拼盤，潮州鹵水拼盤，菜膽雞燉翅(大力推薦)，半煎魚馬友連骨都食埋，好大事利盒(傳統新年應節菜)，鐵XO醬爆魚標魚扣（新式食法），黃金芝麻脆皮雞（好食到秒清），糖醋雙簧伊面（傳統食法加糖加醋勁正宗），金凡甜品特色拼盤（各有千秋）。飯要日日食，我推介金凡潮汕菜。快來預訂您們的菜啦🤤🤤🤤⭐️⭐️⭐️⭐️⭐️Mee Chan留言…查看更多