喜記避風塘炒辣蟹 (謝斐道)

营业中

休息中

呢排有啲exchange嘅同學仔嚟咗香港。要我推介香港嘅特色美食。咁就一定會諗起香港嘅避風塘口味，而避風塘口味就一定會諗起喜記灣仔元祖老店嘅避風塘炒蟹。佢個地址都好就腳，就係灣仔謝斐道379-389號特麗樓地面1-4號舖，係問月酒店對面。一去到梗係叫咗個招牌菜，避風塘炒辣蟹。新鮮嘅蟹真係唔同啲，同埋正宗嘅避風塘味，好難喺出面食到。椒鹽大瀨尿蝦，非常入味，佢啲蝦肉係唔黐蝦殼嘅非常新鮮。豉椒炒蜆基本上係入去港式小炒一定要食嘅嘢，嗰啲鑊氣係其他地方嘅菜式好少有👍蜜汁叉燒，一食落就知道係有水準嘅，個汁甜甜地帶出到個肉嘅鮮味。最後叫咗個避風塘炒牛河打底，之前都未試過食避風塘嘅炒牛河通常都係乾炒牛河。估唔到個未出奇地有幾夾，想試新嘢嘅一定要嗌嚟食👍喜記避風塘炒辣蟹（灣仔元祖老店）灣仔謝斐道379-389號特麗樓地面1-4號舖（問月酒店對面）營業時間：中午12:00-晚上12:00#喜記避風塘炒辣蟹 #避風塘 #炒辣蟹 #喜記 #海鮮 #扇貝 #瀨尿蝦 #蜆 #波士頓龍蝦 #黃金蝦 #避風塘炒河 #蟹 #避風塘美食 #銅鑼灣 #灣仔 #週年慶 #晚市優惠 #海鮮餐廳 #避風塘粉絲蒸聖子 #美味鷄