影片
更多
2023-05-12
51 浏览
呢排見到好多朋友去咗新加坡旅行，見到佢哋狂食地道美食，真係流晒口水🤤 我最近就去咗 天天海南雞飯 開餐，原來佢結合咗四間新加坡經典品牌嘅米芝蓮街坊食店: 天天海南雞飯、老街坊、五十年代、超好麵，依家响香港都食到傳統正宗新加坡菜式！先食個 黑松露墨魚蝦多士，炸到脆卜卜嘅多士內有墨魚滑膠和墨魚粒做餡料，配埋黑松露沙律醬，咬落香脆。多士上層放上椰菜絲及日式鰹魚乾，食落滋味。期待咗好耐嘅 天天海南雞，知道佢係用海南文昌鎮正宗文昌雞、白羽雞，所以特別肉質嫰滑。而另一邊燒雞就係本地三黃雞製成，皮脆骨軟。配埋秘製辣椒醬、黑醬油及蒜醬，就更加惹味！鮮大蝦冬陰功湯 酸酸辣辣好開胃，上菜時先會將新鮮大蝦放入冬陰功湯內煮熟，大蝦口感爽口彈牙！迷迭香火焰黑金叉燒 選用西班牙豬腩肉，油脂分布均勻，秘製醬汁以多種香料製成，上碟時淋上玫瑰露加埋火焰效果，啱晒打卡👍🏻「老街坊」牛筋牛腩煲 加入新加坡秘製黑磨豉醬炆煮牛筋牛腩，肉質淋、入口即化，上面嘅炸牛蒡脆卜卜增加口感。古法肉骨茶的湯底呈奶白色，結合咗馬來西亞同新加坡肉骨茶嘅做法，藥材味唔太濃。豬肋骨做排骨，肉質軟腍，其他配料有豬肚、豆卜、枝竹等都好入味。新加坡辣椒炒
先食個 黑松露墨魚蝦多士，炸到脆卜卜嘅多士內有墨魚滑膠和墨魚粒做餡料，配埋黑松露沙律醬，咬落香脆。多士上層放上椰菜絲及日式鰹魚乾，食落滋味。
期待咗好耐嘅 天天海南雞，知道佢係用海南文昌鎮正宗文昌雞、白羽雞，所以特別肉質嫰滑。而另一邊燒雞就係本地三黃雞製成，皮脆骨軟。配埋秘製辣椒醬、黑醬油及蒜醬，就更加惹味！
鮮大蝦冬陰功湯 酸酸辣辣好開胃，上菜時先會將新鮮大蝦放入冬陰功湯內煮熟，大蝦口感爽口彈牙！
迷迭香火焰黑金叉燒 選用西班牙豬腩肉，油脂分布均勻，秘製醬汁以多種香料製成，上碟時淋上玫瑰露加埋火焰效果，啱晒打卡👍🏻
「老街坊」牛筋牛腩煲 加入新加坡秘製黑磨豉醬炆煮牛筋牛腩，肉質淋、入口即化，上面嘅炸牛蒡脆卜卜增加口感。
古法肉骨茶的湯底呈奶白色，結合咗馬來西亞同新加坡肉骨茶嘅做法，藥材味唔太濃。豬肋骨做排骨，肉質軟腍，其他配料有豬肚、豆卜、枝竹等都好入味。
新加坡辣椒炒肉蟹配鹹煎餅 係必食嘅菜式，肉蟹經油炸後再用辣椒醬汁炆熟，醬汁香甜帶辣，肉質結實仲啖啖肉、好多蟹膏添！配埋鹹煎餅一齊食，絶配！
食神魚子海鮮炒雞油飯 - 炒飯就用正宗新加坡海南雞飯嘅雞油飯，再响上面鋪上日本新鮮飛魚子，旁邊有乾菠蘿片，增加食慾。
食完主菜就梗係覆食甜品🤪 ，個 芒果三色糯米椰漿甜飯，色彩繽紛。特別嘅酒紅色糯米原來係紅龍果果肉打成汁上色，淺綠色糯米就係班蘭汁染色，味道清新，一定要夾埋新鮮芒果、香濃椰漿一齊食。仲有試埋 新加坡原味豆腐花，佢係用新加坡當地配方、採用黃豆粉處理，食落去特別滑溜嘅豆腐花口感。 最後飲返杯 “50 年代南洋咖啡”，加入煉奶、淡奶，好味。
张贴
