爵樂印度餐廳

营业中

休息中

晚上同老友聚餐，佢愛食濃味野，就選擇黎呢間在尖沙咀呢間#爵樂印度餐廳，食番餐正宗印度菜。餐廳裝修雅緻有異國風味，現場仲有人彈結他，個feel 好正！牛油果芒果伴脆麵餅，脆球係印度嘅小食，將炸好嘅脆球，在頂部界開小洞，再放入拌食材，很開胃的前菜。南印度烤帶子伴茄子菠蘿果醬，帶子烤得微焦，入口鮮嫩爽彈，極有質素嘅前菜。烤珍寶大蝦🍤，大蝦🍤烤得有微焦香味，肉質鮮彈爽口，醬汁用上印度香料食落好滋味。炭燒鮫魚，烤得熟度剛好，有炭香味，魚肉有質素，調味都唔錯。松露奶油咖喱雞柳，雞柳煮得入味，松露香加上咖喱奶油香，味道香濃，入口質感香滑，調味得很好。松露芝士烤餅🥞，烤餅入面有芝士，加上極香的松露味，配咖哩🍛超夾，烤餅口感柔軟煙靭，厚薄適中。咖哩羊肉，羊🐑的肉質柔嫰帶有羶味，咖喱味香濃，配搭埋烤餅食真的好惹味！香草洋蔥煮秋葵，秋葵煮得好軟淋，用上好多香料烹調，味道超正。飲番杯冰凍啤酒🍻，聽住音樂氣氛超正，過了一個愉快的晚上🌃。