CARAT Fine Indian and Mediterranean Cuisine (盈豐商業大廈)

营业中

休息中

呢間CARAT係五星級廚師主理嘅印度地中海餐廳，位於尖沙咀，由於我未食過印度菜，所以朋友提議，我哋就即刻嚟試吓。呢度環境好大，好舒服，有分室內同室外位置。頭盤係新德里懷舊三色小食拼盤，有乳酪扁豆蓉脆餅同脆炸小扁豆餅同印度特色鷹嘴豆空心餅，全部都係素食嚟嘅，原印度乳酪味係好濃嘅。主菜招牌天多里乳酪香料烤雞我哋叫咗半份，兩個人都食唔晒。呢一道菜主要都係食佢嘅調味，辣味之中帶有乳酪嘅甜酸。而印度果亞椰香咖喱龍脷魚柳就比較惹味，魚肉都算幾滑，整體嚟講都算係辣。最後有乳酪番紅花薄荷羊肉香飯，羊肉夠羶，最特別係番紅花，可以食得出花香味。