影片
更多
2025-06-17
251 浏览
唔係講笑 真係正宗劣食 唔知食咗啲咩落肚 好後悔入咗去😵💫😵💫人生第一次 唔開心到要寫食評喺香港食飯冇期望呢個唔使講 唔係太難食 食物份量同質素唔係太離譜都算數當贏 今日夜晚大概六點同女朋友去太子附近搵嘢食 想食米線就入咗去 點咗佢哋個雞湯米線同埋雞髀飯 開始嚟負評 啲木筷子匙羹污糟邋遢 先唔講摸落去半濕而且油淋淋 真係最憎餐廳用呢類型唔會洗得乾淨餐具 人哋食完啲湯汁索晒入啲木度 跟住又用啲唔知過幾多次嘅鹼水去清潔 諗起都嘔心 問店員有冇即棄餐具 唔比只提供比外賣 唔緊要自己攞入廁所洗 感覺叫做好少少 但成件事都係核突🤢 跟住嚟到碗米線 湯夠熱嘅味道都可以 但係就係大陸食飯嗰啲科技味道 未必個個接受到 我第一次試唔抗拒 但啲餸嘅份量真係少得可憐$60有米線有嘢飲再加個小食(三粒鼻屎肉丸) 可能你會話都算合理 但米線我五啖食晒 啲雞粒我諗我食咗六嚿倒 冇錯我用「雞粒」 啲雞好似廚餘咁 全部細細嚿好似就係啲雞殼連皮 好後悔冇影到相 成餐飯都sad到核爆 女朋友碟雞髀飯就正常但就係一定唔會再返嚟食嗰種 我同女朋友成餐飯食緊嘅時候都好靜 完全係冇交流 因為大家都有個共識唔評論唔批評 唔想令
喺香港食飯冇期望呢個唔使講 唔係太難食 食物份量同質素唔係太離譜都算數當贏 今日夜晚大概六點同女朋友去太子附近搵嘢食 想食米線就入咗去 點咗佢哋個雞湯米線同埋雞髀飯 開始嚟負評 啲木筷子匙羹污糟邋遢 先唔講摸落去半濕而且油淋淋 真係最憎餐廳用呢類型唔會洗得乾淨餐具 人哋食完啲湯汁索晒入啲木度 跟住又用啲唔知過幾多次嘅鹼水去清潔 諗起都嘔心 問店員有冇即棄餐具 唔比只提供比外賣 唔緊要自己攞入廁所洗 感覺叫做好少少 但成件事都係核突🤢
跟住嚟到碗米線 湯夠熱嘅味道都可以 但係就係大陸食飯嗰啲科技味道 未必個個接受到 我第一次試唔抗拒 但啲餸嘅份量真係少得可憐$60有米線有嘢飲再加個小食(三粒鼻屎肉丸) 可能你會話都算合理 但米線我五啖食晒 啲雞粒我諗我食咗六嚿倒 冇錯我用「雞粒」 啲雞好似廚餘咁 全部細細嚿好似就係啲雞殼連皮 好後悔冇影到相 成餐飯都sad到核爆 女朋友碟雞髀飯就正常但就係一定唔會再返嚟食嗰種
我同女朋友成餐飯食緊嘅時候都好靜 完全係冇交流 因為大家都有個共識唔評論唔批評 唔想令呢餐飯更加sad落去 離開餐廳之後我女朋友喊咗出嚟 唔知食咗啲咩 嘥咗個quota 好似入咗啲落後山區食乞兒飯 我冇打錯係乞兒飯that’s how bad the overall experience
信我唔好入去 真係唔好入去🙏
张贴