爵樂印度餐廳

营业中

休息中

週末同BB喺屋企睇YouTube, 見到有KOL介紹印度街頭小食，睇睇下又覺得幾吸引，BB 心血來潮就即刻上網搵印度菜訂位，仲搵埋佢位印度同事一齊去食家鄉菜。平時好少機會吃印度菜，今次印度正宗介紹我哋食 GAYLORD SINCE 1972，餐廳開業 50年，尖沙咀數一數二正宗印度餐廳，整體食物高質，尤其環境充滿印度特色，駐場歌手獻唱印度歌增添氣氛，黑松露系列食品更加值得推介！鍾意食印度🇮🇳菜嘅朋友都可能認識 @gaylordhkg，裝修充滿印度特色，有戶外天台放工飲杯嘢 chill 住嘆世界，性價比高，坐得舒服，最緊要乾淨衛生。OpenRice 訂座仲有正價8折優惠添，好抵食！Masala Papad我哋一坐低印度服務員就好熱情咁送上餐前小食，印度薄餅鬆脆可口，dipping 醬汁又充滿香料味道，香濃好食。MOCKTAILSMANGO LASSI $65口感濃稠，香芒乳酪味清甜，唔可以錯過。GAYLORD SIGNATURE COCKTAILSMASALA MERRY $108坐低未食嘢之前一於嘆番杯Cocktail，因為第一次飲 MASALA，冇留意到原來係辣嘅，真係超級刺激味蕾。