影片
更多
2025-04-29
137 浏览
久違嘅聚會！去咗銅鑼灣人氣居酒屋Akoya，bookmark咗呢間居酒屋一段時間，終於有機會試下！（記得book枱，平日都爆場！）呢間居酒屋有好多招牌菜式，款款都又打卡又好食！海膽汁燒蠔($118)記得曾經喺一間沖繩居酒屋食過，原來呢度都有得食！生蠔肥美creamy，表面煎至金黃微脆，配搭鮮香嘅海膽醬，令肉質及鮮味更加提升，下層墊住嘅菠菜都吸滿蠔汁同海膽汁，味道超濃郁。雞肝醬多士($98）雞肝醬表面燒香，令到肝香更加突出，口感亦非常幼滑細膩，份量慷慨，配搭脆卜卜嘅多士，雙重口感，值得一試！刺身拼盤($380）一共7款刺身，每款都日本直送，非常新鮮！特別係赤貝，口感爽彈！螢光魷魚($88)好鍾意食螢光魷魚，見到是日special有當然唔可以錯過！螢光魷魚爆膏，味道帶咸香，佐酒一流！炭火燒拼盤（6串$180)呢度係香港少數用炭火嘅居酒屋，所以串燒都一定要試！拼盤一共有6條串燒，款式由師傅發板。串燒火候控制唔錯，唔會燒得太乾，特別推薦雞翼，外皮金黃香脆，內裡保留肉汁，好食！免治雞肉棒都好出色，食到雞軟骨嘅咬口，好有嚼勁！三文魚三文魚子燒飯糰($78)呢個好打卡，飯糰都燒得好脆，加埋鮮甜嘅三文
呢間居酒屋有好多招牌菜式，款款都又打卡又好食！
海膽汁燒蠔($118)
記得曾經喺一間沖繩居酒屋食過，原來呢度都有得食！生蠔肥美creamy，表面煎至金黃微脆，配搭鮮香嘅海膽醬，令肉質及鮮味更加提升，下層墊住嘅菠菜都吸滿蠔汁同海膽汁，味道超濃郁。
雞肝醬多士($98）
雞肝醬表面燒香，令到肝香更加突出，口感亦非常幼滑細膩，份量慷慨，配搭脆卜卜嘅多士，雙重口感，值得一試！
刺身拼盤($380）
一共7款刺身，每款都日本直送，非常新鮮！特別係赤貝，口感爽彈！
螢光魷魚($88)
好鍾意食螢光魷魚，見到是日special有當然唔可以錯過！螢光魷魚爆膏，味道帶咸香，佐酒一流！
炭火燒拼盤（6串$180)
呢度係香港少數用炭火嘅居酒屋，所以串燒都一定要試！拼盤一共有6條串燒，款式由師傅發板。串燒火候控制唔錯，唔會燒得太乾，特別推薦雞翼，外皮金黃香脆，內裡保留肉汁，好食！免治雞肉棒都好出色，食到雞軟骨嘅咬口，好有嚼勁！
三文魚三文魚子燒飯糰($78)
呢個好打卡，飯糰都燒得好脆，加埋鮮甜嘅三文魚子，味道唔錯。
銀鱈魚西京燒($138)
本身好鍾意食銀鱈魚，呢度嘅西京燒都水準唔錯，肉質嫩滑！
雞湯卡邦尼烏冬($98)
餐廳招牌菜，開頭都有D擔心會好膩，但完全唔會！卡邦尼醬汁creamy，撈蛋黃及芝士碎更加惹味，煙肉條增添鹹香。烏冬都好滑身，咬落煙韌彈牙，食完反而會嫌唔夠喉，哈哈！
雞蛋布甸($38)
好高質，一定要留肚！雞蛋蛋香好濃，口感香滑，淋上焦糖醬甜而不膩。
當然唔少得酒啦，定價都合理！
张贴
