陳儀興牛什粉麵 (鴻祥大廈)

营业中

休息中

陳儀興牛什粉麵（鴻祥大廈）旺角有間粉麵店可以食到少有牛雜中嘅牛脆骨,餐廳位於旺角煙廠街1號鴻祥大廈地下,餐廳裝修以橙色和木系為主,牆上有懷舊香港風情插畫,環境光猛,座位舒適,餐廳主打牛腩牛雜粉麵飯,以牛脆骨,崩沙腩和牛沙瓜最出色,餐廳提供套餐和淨供客人選擇,服務員招呼殷勤有禮。牛脆骨套餐選擇牛脆骨飯,牛脆骨係牛的肺部氣管連接喉嚨嘅軟組織,係極罕有部位,口感腍滑,牛脆骨與飯分碟上,配有生菜。崩沙腩套餐選擇崩沙腩米線,崩沙腩係餐廳招牌菜之一,崩沙腩係牛的橫隔膜部位,肥瘦均勻,口感爽滑香口,油菜係蠔油生菜,飲品咸檸七。小食我要晒有油炸章魚丸,炸蝦棗丸,炸雲吞,炸魚條和炸墨魚條,五種不同炸物一次過試晒,炸雲吞香脆,其他炸物食落甚香口。