小明珠

去完 觀塘check咗openrice有咩好嘢食， 見到呢間小明珠叫 隱世食店， 所以好奇又去試下， 果然真係 好食， 而且又抵食。我哋兩個人叫咗 雞絲粉皮 ， 粉皮做得啱啱好， 有口感， 加埋啲 醬汁 海蜇頭同青瓜 ， 簡直係絕配。麻辣豬扒擔擔麵， 豬扒又淋又 多汁， 外脆內軟， 擔擔麵 滑，湯底非常之正， 好香嘅麻醬花生味， 絕對冇hea住做， 抵讚!柚子蝦球， 個汁酸酸甜甜， 炸蝦外脆 內彈牙， 好鬼嘢未！ 有人唔食蝦， 成碟 俾我ko咗， 好爽！上海炒年糕， 鑊氣夠， 真係好鍾意佢嗰年糕煙煙韌韌， 有菜有肉 ，好食！估唔到呢間隱世食店真係冇介紹錯！ 所以我都寫下食評讚下佢先!忘記咗佢兩杯大大杯自家製冬瓜茶， 消暑解渴， 又要推介下🤣