日本橋海鮮丼 つじ半 TSUJIHAN

营业中

休息中

呢間係東京排名第一嘅海鮮丼暫時係香港得東涌有咋餐廳嘅鯛魚高湯用咗8小時熬製而成撈埋落丼飯食係另一種風味每款食材都非常新鮮非常值得去食‼️🔸刺身盛合御膳 $208呢個盛合御膳御膳非常豐富，有沙律、茶碗蒸、刺身盛合同埋日本鯛魚高湯漬飯。餐廳嘅鯛魚高湯非常出名，係用咗數十斤嘅鯛魚再以日本秘方熬製8小時而成，每一啖都鮮味十足，無論就咁飲或者用嚟撈飯都非常好味。刺身盛合有帶子、三文魚、油甘魚、吞拿魚蓉同埋三文魚子，每一樣都好新鮮。🔸特上海鮮丼 $298呢個海鮮丼份量感十足，嚴選咗多款新鮮食材，包括海膽、紅鱈蟹、鮭魚子、赤蝦、鲱魚子、象拔蚌、螺肉、魷魚、金槍魚同埋金槍魚蓉。鋪喺面嘅海膽色澤鮮艷亮麗，睇到都流哂口水，食落質感飽滿，非常滑溜，再配搭埋其他新鮮海鮮，真係濃濃嘅滿足感。🔸宇治抹茶布丁佐紅豆 $30依家只要惠顧刺身盛合御膳即可以$30優惠價追加宇治抹茶布丁佐紅豆一份，真係好抵食。抹茶布丁口感軟綿，抹茶味香濃，配埋紅豆真係好好味。