반찬앤쿡 Banchan and Cook (東薈城名店倉)

营业中

休息中

東涌東薈城近期做緊BT21推廣，作為BTS同BT21老粉，梗係要去打下卡啦！呢間餐廳亦做緊主題推廣，唔止裝潢，連餐點都充滿BT21嘅身影！唔好以為得個樣，連味道都非常唔錯。 巴馬火腿卡邦尼年糕芝士味勁濃，年糕幾特別，係比較長條形而且腍身，但又夠煙韌。巴馬火腿薄片柔軟，溫泉蛋令年糕更creamy。 芝士炸豬排魔法蛋包飯炸豬排外脆內嫩，中間仲有流心芝士。RJ造型白飯勁得意，半熟蛋蛋香嫩滑，日式咖哩撈飯好開胃。 朱古力魔法甜點 Shooky朱古力卷蛋會唔會太cute！朱古力忌廉多得嚟唔會太滯同太甜，又夠滑。牛角包窩夫酥脆香口。 魔幻星空蝶豆花蘇打/溶化朱古力漸變色蝶豆花蘇打顏色好靚，冰凍非常消暑，爆汁珠珠好清爽。溶化朱古力香濃絲滑，朱古力味濃得不得了。 呢個BT21 Magic Recipe，餐點都係BT21造型，得意到都唔捨得食，係咪粉絲都可以嚟試吓。