Feather & Bone

营业中

休息中

屋企人生日，佢最鍾意食西餐，專登㨂左呢個海邊餐廳，貪佢靜靜地，又可以坐戶外，撞啱呢幾日轉涼少少，又唔會太凍又唔太熱，坐出面啱啱好。總括黎講十分失望，食物份量偏細，而且味道非常麻麻地，呢個價錢我可以喺酒店餐廳食得好好，唯一可以讚係佢服務，侍應團隊好nice好helpful。Chicken caesar salad 同Bone Marrow Starter 牛骨髓係頭盤，沙律比出面餐廳貴，但份量比出面更加細；牛骨髓我睇個名好似好得意，但食落口非常鹹，唔太好味。跟住上左客Iberico Pork，成舊肉好似白烚咁，又無味又好硬，中文好似叫豬腩肉，呢個認真搵笨，仲難食過食湯渣。因為人多，叫左兩客意粉，但份量未免太少，一碟意粉既數量加埋都無十條，兩個人share我諗每人兩啖就食哂。另外叫左個broccolini佢真係白烚無任何調味比我。我諗唯一我食得落口既係呢個薯條同焗薯，但其實佢地只係配菜，有乜可能好食過主菜？都係因為人多，叫左個斧頭扒，基本上舊肉係無牛味既，而且入面非常生，根本食唔倒落去。呢個價值千二蚊既牛扒令我大跌眼鏡。其實之前我有黎過食lunch，但味道無今次咁差，感覺貼錢買難受。