Feather & Bone

Feather & Bone一直以嚟都係賣高質靚牛扒同埋凍肉馳名，但其實佢哋嘅餐廳部分都絕對係臥虎藏龍。入去餐廳前，會經過賣澳洲特產的商品部，好復古、好有去左澳洲古商店的感覺。有我常在澳洲見到的自家品牌產品。餐廳無論室內或戶外都非常浪漫氣氛。還有熟食牛肉賣。逢星期二設有 T Bone 優惠。首先，重頭戲當然係個澳洲和牛肉眼扒啦！叫咗五成熟，塊扒一上枱，個賣相已經贏咗。外面煎到有條好靚嘅焦香烤痕，餐廳已好細心地幫我哋切開咗，裏面係啱啱好嘅粉紅色，肉汁多到鎖唔住，流咗出嚟。入口第一個感覺就係「嫩」！和牛嘅油脂分布真係好均勻，好似雪花咁，食落去油脂香係口腔裏面爆發，但完全唔會覺得膩口。個種濃郁嘅牛味，加上餐廳提供的三款醬，已經足夠帶出肉質嘅鮮甜。不過我個人就最鍾意就咁食，享受最原始嘅肉香。絕對係值回票價！食完牛，試埋佢哋嘅豬肋骨。豬肋骨甜甜哋又帶少少煙燻味，非常之惹味。烤嘅火候控制得好好，肉質輕易離骨，但又唔會話爛溶溶，仲保持到多少咬口。個種烤香同醬汁嘅結合，令人食到舔舔脷，係一種好滿足、好放縱嘅感覺。招牌冰桃茶絕對係必點之選！佢唔係普通嘅罐裝桃茶，飲得出係用咗真嘅桃肉去整，甜度適中，好清新解渴。食完濃味嘅牛扒同豬肋骨，啜返一大啖冰凍嘅桃茶，即刻可以中和返個油膩感，個感覺真係一流，令人可以繼續戰鬥落去。Bloody Mary 調得非常好，蕃茄味同伏特加嘅比例平衡，仲加入咗一啲獨特嘅香料，飲落去好順喉，帶少少辣勁，好刺激胃口。鍾意飲兩杯嘅朋友，叫返杯嚟配肉食，真係錦上添花。…查看更多

Feather & Bone 集餐廳及歐美食材雜貨店於一身，今次就來到荃灣西海之戀商場 分店，佔地廣闊，店內有售凍肉、芝士、紅酒等歐陸食材，各式新鮮或急凍食材種類應有盡有，備有偌大凍肉櫃，在零售位置親自挑選牛扒後，由Butcher磅出相應的價錢，可以選擇在家或於店內享用，另一邊設有露天及室內用餐區，內裡復古風情裝潢甚有格調，在昏黃柔和燈光的映照下，給人一種寫意放鬆的感覺，Pet-Friendly戶外座位環境更開揚，綠意盎然，可以飽覽荃灣海旁景色，逢星期二T-BONE TUESDAYS有T骨牛扒半價優惠，零售與餐廳堂食均有全線供應。辣肉腸薄餅 Pizza 即點即焗熱烘烘出爐，餅底的厚度是簡乎超薄和厚批之間，麵糰吃起來富有淡淡的麵粉香氣，邊緣烤得很焦脆，餅芯卻帶着韌性，澎湃的水牛芝士可以造出拉絲效果，配上薩拉米辣醬、辣肉腸和辣椒油微辣惹味。草飼牛肉漢堡 最傳統的基本款漢堡，夾著招牌草飼牛肉漢堡、自家製厚切煙燻煙肉、Comte芝士、羅馬生菜、洋蔥及蕃茄，層層疊起後確實是一口無法掌握，包身烘焙出外層輕脆的口感，內裡鬆軟有彈性，帶有微甜牛油香，漢堡扒口感扎實爽彈，保留著飽滿肉汁，伴以薯條及酸瓜。BBQ 嫩豬肋排伊比利亞豬肋排大件厚肉沾滿酸甜帶辣度的BBQ醬，令人胃口大開，附上涼拌椰菜沙律中和肉食膩感，肉質軟嫩多汁，一刀切開輕易便離骨，脂肪不多，經慢煮醃製後特別入味，厚切薯條炸得金黃酥脆，肉心軟綿細密。千層芝士焗薯 表面烤到金黃色，中心位佈滿份量澎湃的拉絲Gruyere芝士，芝味濃烈，薯蓉裡夾雜了薯粒，保持顆粒和綿軟兩種口感，結合芝士的乳香，層次感豐富。Traditional TiramisuTiramisu用上一個巨型圓碗盛載，再由專人即場席前舀起一大羹放在碟上，儀式感滿滿，做法正宗，融合了苦香可可和濃縮咖啡粉，浸滿咖啡香的手指餅有如海綿蛋糕般鬆軟，以碗裝盛載還有助保持細緻濕潤的質感，入口即化。Bundaberg Brewed Drinks澳洲原裝進口有汽果汁，芒果口味散發熱帶風情，冰爽透心涼。Latte入口綿柔，香濃咖啡與比利時LOTUS焦糖餅乾正是完美組合。…查看更多

成日都經過呢間餐廳，覺得幾特別～有陣時會喺佢個超市買嘢，但係就未入過去用餐～ 原來Indoor &outdoor都有位～Outdoor成個小花園咁～望住海邊黃昏景用餐真係好舒服，估唔到一啲都唔熱～🥩🦐 海陸組合盛宴穀飼澳洲牛扒、烤虎蝦、焗薯仔配阿根廷香草醬牛扒外焦內嫩，配上鮮甜彈牙的虎蝦，海陸交融，層次分明。焗薯仔有浸咸香，超好味～逢星期二仲會有T-Bone 半價優惠～🦞 法式龍蝦湯用龍蝦肉熬製的法式濃湯，淋上調味奶油，濃郁鮮香，入口滑順。仲有粒粒龍蝦肉，奶油的加入令口感更豐潤，帶出法式料理的典雅與層次～🎃 南瓜意大利飯配腰果、鼠尾草和藍芝士香甜南瓜融入米粒，軟硬適中，腰果增添口感層次，鼠尾草帶來草本清香，同藍芝士完美平衡。 真係好耐冇食過咁好食嘅意大利飯啦～🍷 Zephyr Organic Pinot Noir有機黑皮諾紅酒，帶櫻桃香與辛香氣息酒體輕盈，果香突出，櫻桃的甜美與香料的微辣交織～適合搭配牛扒或藍芝士，提升整體味覺層次～🍓 Homegrown Berry Smoothie自家種植漿果製成的果昔，天然無添加，酸甜平衡，口感濃郁，又清新解膩～…查看更多

想講星期二過黎呢度食T骨超值優惠，係半價️位於荃灣海之戀feather&bone門外望落好似去左外國式超市其實行入d 係餐廳，設有室內室外座位望住海景chill 住食西餐都幾浪漫,食到甘上下仲有live music 聽 星期二有T骨牛扒半價優惠，去肉櫃order 岩人數食ge size ,可加配唔同配菜醬汁，可以幫手切埋～半價 $46.5/100g 店員提議3-4成熟果然剛好粉嫩粉嫩，外層有炭烤焦香，入面軟嫩juicy配菜Mac and cheese $78 睇美劇成日見到芝士通心粉都會好想食！焗過芝士好香芝士味 金黃香脆西蘭花苗 $78很愛長柄西蘭花扒類配菜好搭草飼牛肉漢堡$198配粗薯 呢度食burger ge beef 都可以調節幾成熟，兔治就7成熟好了，咬落真係好juicy 重牛味蒜蓉蝦配烤麵包$148已剝殻，保留蝦頭蝦尾賣相靚仔，蒜香有風味Mocktail & smoothie🔸Strawberry & mint fizz $68 🔸Homegrown berry smoothie $68…查看更多

星期二＝ 吃肉正義日🍖🍖帶埋朋友衝去T‑Bone Tuesday半價唔去對唔住自己🤭🍖Grass‑fed T‑Bone 0.76kg｜原價$706.8 → 半價$353.4超大塊肉厚切到誇張，邊位油香包住骨邊肉，煎到微焦好香，刀一落肉汁係真流出嗰種，以為咁厚肉會咬唔開😂 原來入口肉質都幾軟腍！！超多塊肉肉一齊要分享比大家食！🍖Dry‑aged Grain‑fed Ribeye 200g $386（Do Not Slice）乾式熟成帶堅果香，牛味香濃🍖中間切開肉質有少少酒紅色，配搭Onion Gravy（$15）＝鹹甜平衡得好靚。Side Dishes🍄‍🟫Mushroom Fries $78 比想像中天好食！新鮮即炸香噴噴，菇菇炸脆到咔嚓聲，入口菇香濃郁🥦Broccolini $78 好大條西蘭花，配搭肉類一齊食可以解一解膩☕️Flat White $40 不搶戲🍰Tiramisu $78 傳統Tiramisu，店員喺一大桶刮一羹Tiramisu放上碟，仲問我哋添唔添！？由於太飽關係，我哋就無再要到。tiramisu 奶香輕盈，唔會過甜～Dine‑in T‑Bone Tuesday 折扣 −$706今晚荷包OK，肚仔撐住走出餐廳😂結論：想一次過滿足「肉味」「油香」「性價比」三個願望？記低星期二來。食肉獸的快樂，簡單直接🍖🍖…查看更多

平時經過會入嚟買食材、朱古力原來穿過雜貨店 行入少少就係餐廳可以直接喺扒櫃揀肉 然後讓餐廳為你烹調餐廳空間幾闊落 又有氣氛仲有outdoor位喺海皮chill住食🩷🔸炸魚薯條（$225）好好味！CoopersPale Ale手工啤酒粉漿炸黑線鱈，炸皮好鬆脆、魚肉keep到肉汁、食到魚香，配脆脆薯條及自家製他他醬。👍🏻🔸FAB燒烤拼盤（$498）勁豐富！有穀飼牛臀肉、香腸、燒春雞（半隻）、豬扒、牛骨髓和紅燒豬肋骨。牛及豬肋骨都好味，搭配臘汁、涼拌菜、薯條和烤酸種麵包。…查看更多

平時好鍾意去Feather & Bone買蔬果及牛肉，因為入面好好逛！一入門口，就見到售賣澳洲特產嘅商品部，仲提供唔同嘅pastry及即磨咖啡，行入少少，可以搵到凍肉及唔同嘅蔬果，價錢唔好以為好貴，其實分分鐘平過出面，例如呢日做特價，每塊肉眼都只係$80，立即掃咗3塊，勁抵食！蔬果亦都好新鮮，有D外國蔬菜出面比較難搵到，例如：澳洲彩色蘿蔔、broccolini等，都可以喺呢度搵到！Meat Counter就可以搵到新鮮肉類，值得留意嘅係呢到有熟食櫃，見到有威士忌熟食牛肉賣，好吸引，搵日試下先！平時雖然成日嚟買餸，但從來都無入過去用膳，呢日同朋友gathering，先發覺入面原來別有洞天，除咗室內位置，推開門仲有室外露天座位，悉逢星期三，更有live music表演，個vibe好chill！（每日都有唔同嘅活動，例如星期二就有T-Bone Tuesday，網上預先訂座可以半價食T-Bone添！）Steak Tartare ($178) 好出色嘅牛肉他他，肉味濃郁，色澤鮮紅，混上生蛋黃，口感香滑。French Onion Soup ($118)有驚喜嘅法式洋蔥湯！洋蔥湯以牛肉湯為base，配搭煮至焦糖化嘅洋蔥，又鮮又甜，蓋上面嘅sourdough鋪滿芝士，芝味香濃，鹹香十足。將Sourdough蘸湯，麵包吸收晒洋蔥湯嘅鮮甜，好好食！Surf & Turf($378)有穀飼澳洲牛扒、烤虎蝦及焗薯仔，牛扒不愧為F&B招牌，口感軟嫩，肉味細緻，配搭幾款mustard都能帶出肉香。Grilled Salmon Fillet ($238)三文魚燒至魚皮香脆，肉質細膩，入口即溶。…查看更多

喺呢到戶外西餐廳dinner，環境好chill，戶外有陣陣微風，坐得舒服。一入門口有個展示櫃，牛扒新鮮任揀，感覺好有誠意！😍今次試咗佢哋嘅海陸組合、白酒蜆肉扁意粉、番茄羅勒芝士薄餅同法式龍蝦湯，略貴但有驚喜😆海陸組合($378）有澳洲牛扒、烤虎蝦同焗薯仔，配阿根廷香草醬。5成熟牛扒偏硬，換7成熟後軟熟啲，牛味濃。烤虎蝦鮮彈，炭燒香，焗薯仔軟滑，醬汁有層次👍🏻白酒蜆肉扁意粉($228)係MVP！蜆肉肥美，白酒蒜好平衡，開胃，意粉al dente，掛汁一流，超值！🥰番茄羅勒芝士薄餅($138)皮脆，番茄酸甜，芝士拉絲，羅勒清香😁法式龍蝦湯($128)濃郁鮮甜，奶香足，配蒜蓉包好正，份量都多！好多龍蝦肉！服務貼心，waiter好有禮，幫換牛扒加分。整體質素高，環境加分不少！…查看更多

入去餐廳之前，先經過一個迷你超級市場，有外國入口肉類乾貨都好齊全。坐下見好多優惠，好似如想吃牛，星期二去最好不過，半價就可以吃， 😍先在店內撰給店員，然後再安排食用的。朋友就喜歡吃雞，一眼便看中巴馬臣芝士吉列雞胸😆酥炸雞胸外脆內嫩，配上香濃蕃茄肉醬及Mozzarella與Parmesan芝士，芝士香滑與酸甜肉醬完美包裹雞胸結合，感覺豐富滿足，沙律清爽平衡整體口感。風乾火腿布拉塔芝士薄餅火腿咸香配上濃郁柔滑嘅布拉塔芝士，再加上水牛芝士同新鮮櫻桃蕃茄，薄餅香脆，整體口味層次豐富，味道非常開胃。蜜糖烤日本南瓜角2大條南瓜甜潤軟糯，蜜糖與辣椒有微辣帶甜，整體口感甜辣交織，清新又特別。飲品Strawberry & MintPassionfruit paralise很適合夏天飲用清新爽甜，顏色美麗，非常解渴。英國菜都比較大份，我們二人吃完十分飽。 …查看更多

平時喺荃灣經過呢一間餐廳，都會俾佢面吸引，因為佢表面係一間雜貨鋪，其實行入去就係一間好有格調嘅西餐廳，今日就特登book咗枱嚟試吓佢哋嘅晚餐。Regular steam musselRegular份量都幾多，每一隻青口都好飽滿肥大，雖然煮法都係用左白酒煮，但係佢呢個汁同出邊有啲唔同，酸味比較重，汁都係比較稀，但係都幾特別同埋幾好食。Rigatoni bolognese最近都幾鍾意食呢一款粗管意粉，因為呢一款意粉表面嘅紋理同埋形狀都非常掛汁，今次配搭咗肉醬意粉，每一條都充滿醬汁，佢哋嘅肉醬意粉鹹度同酸度都適中，牛肉味好濃，勁正。Grain-fed rib eye牛扒係呢一間餐廳嘅重點，客人係可以自己出去佢哋嘅凍櫃，揀自己想要嘅嗰塊牛扒，跟住佢就會按重量計錢，你再同佢哋講想要幾成熟，乜嘢醬汁同配菜，跟住就可以等食。今次叫咗肉眼扒，因為同行嘅朋友唔鍾意太生，所以叫咗medium well，雖然係乾咗少少，但係都仲好有濃厚嘅牛味，最出色嘅係佢哋嘅醬汁，今次試咗佢哋F A B特製牛油，係佢哋自製嘅，配埋牛肉好幼滑，同埋增強咗肉嘅鮮味。仲有onion gravy，因為今次塊牛比較乾身，呢個醬汁點落去，甜甜地，好夾好好味。除咗加錢要咗呢兩個配料之外，佢哋仲有免費三款mustard，三款我都試咗，牛肉配芥末真係冇得輸。配菜方面我揀左mash potato，佢哋打得好幼滑，而且又好濃嘅牛油味，但係食落一啲都唔膩，食唔停口，好欣賞！…查看更多

Feather & Bone 係一間高級凍肉專賣店，同時設有西餐廳，亦可以喺零售處選購凍肉後於西餐廳烹調🥰最近每日都有特別優惠🥳例如逢星期二就設有 T Bone半價🤩🤩🤩💫 Surf & Turf $368組合包括穀飼澳洲牛扒、烤虎蝦、焗薯仔；牛扒揀左Medium，口感好軟嫩🤤兼具肉香🤗簡單海鹽已經帶出滋味😘💫 BBQ Chicken Pizza $168餅底鬆軟帶麵粉香氣；面層放滿雞肉、洋蔥、紅椒同芝士，加埋帶點甜味既燒烤醬🍖幾惹味🥰💫 （Side) Honey-Roasted Japanese Pumpkin Wedges $78造型好特別，食落口感綿密，底層係酸辣嘅薄荷乳酪醬汁🌶️比較開胃💫 (Side) Potato Au Gratin $78 千層芝士焗薯🥔一片片重疊既厚薯片面層鋪滿芝士同忌廉，烤焗後充滿芝士既咸香、仲有忌廉既奶香🤤💫 Traditional Tiramisu $78店員會拎一大盆Tiramisu出黎畢俾你，口感好軟滑而且濕潤🥰帶淡淡咖啡香📍 Feather & Bone (荃灣)荃灣大河道100號海之戀商場地下G09號舖…查看更多

之前去海之戀已經好想入 Feather & Bone 到買牛扒返屋企煎，今日同謙謙行完街我就直接入去食，呢到個雪櫃太正太多唔同國家嘅肉，高價位嘅經濟嘅任君選擇。✡️ 穀飼臀腰肉 ～ 選了 FAB 秘製牛油，加了薯條有黑松露醬，我叫左五成熟， 穀飼臀腰肉口感肉質柔嫩細膩，雪花分布均勻。✡️ 雞肉凱撒沙律 ～ 水煮雞胸肉配上羅馬生菜用鯷魚沙律醬拌勻食好滋味上層仲加左芝士添。✡️ 白酒蜆肉意粉 ～ 蜆肉大隻入口好香白酒味，意粉用蕃茜辣椒蒜頭炒過好入味。✡️ 烤雞薄餅 ～ pizza 上有雞肉、紅洋蔥、煙肉、巴馬臣芝士和水牛芝士， 仲搽上燒烤醬，件pizza 口感超豐富惹味。🍹 Homegrown berry smoothie…查看更多

Feather & Bone 除了是一間零售商店，售賣各樣的肉類、零食、飲品、水果等，內裡是別有洞天的餐廳。入座後如要食牛扒，先在這裡選擇，有多款部位選擇，而且有店員的專業介紹，如草飼的較少脂肪，想食肉質腍身可選穀飼等。選擇澳洲穀飼西冷，堂食 $90/100g，這個342g ，肉質鮮紅，脂肪分佈平均。點了礦泉水，其實也有tap water。餐廳送了2杯mocktail 給我們，分別是熱情果及士多啤梨特飲，色彩繽紛，打卡一流，清新開胃。蒜蓉蝦配烤麵包蒜蓉蝦新鮮彈牙，配上惹味的蒜蓉、辣椒相當美味，酸種麵包烤得香口帶點煙韌，點蒜蓉油一流。白酒蜆肉意粉蜆肉鮮甜無沙，意粉軟硬度適中，醬汁帶點檸檬味。澳洲穀飼西冷上檯香噴噴，牛扒輕易切開，要求的五成熟做到，顏色粉嫩，肉質好腍又有肉味，令人吃個不停。另加配菜薯條配松露蛋黃醬，厚切薯條炸得香脆無油，點充滿松露味的蛋黃醬相當惹味。除了室內，還有室外座位，適合有寵物的客人，晚上可以欣賞黃昏醉人景色。星期二有半價T骨扒優惠！！這裡的環境一流，靚牛扒簡單的煎已好出色，其他的特飲、海鮮、意粉也美味，值得推介給朋友及自己再來。…查看更多

非常奇怪打電話訂位夜晚滿曬座，所以只好晏晝 嚟呢度飲下午茶。地方都算幾大，可能時間三點幾唔算多人，差唔多任你坐， 都是舒服 感覺上都好有 澳洲 feel....天氣太熱呀，如果唔係坐戶外都幾好； 坐喺大梳化有啲 background music ，County songs, 唔錯呀。叫咗一杯 long back ， 飲落咖啡味唔錯 ，感覺上少少 nutty，body 都算係夠full，用配鬆餅 好好味 ! 😋 叫咗份 T-bone, 牛柳嗰邊 ok 都算唔錯 ，牛扒嗰邊就比較硬少少。甜品今日試咗個 麵包布甸 ，上枱嘅時候有雪糕， 真係少少地杯咖啡都係一種享受。有驚喜係沙律覺得好好味 😋…查看更多

系荃灣行完街之後，夜晚就想搵間西餐，行落海之戀商場，就見到呢間連鎖店#Feather&Bone 。餐廳入面好大，室內異國古典既氣氛，仲有個小酒吧🍹而室外環境都好舒適，職員態度幾nice。餐廳門口係賣雜貨，經過以為係雜貨店😂，設有肉櫃，有多種款式揀，可以係度直接落單🍖逢星期二提供T-Bone Tuesday 嚟食牛扒啱㗎喇，唔使諗！半價喎！GOGOGO！！🔥Caesar Salad Chicken SM蔬菜幾新鮮，食落爽脆。雞胸係慢煮，所以唔會好乾同柴。內有配料凱撒沙律醬、煙肉碎、麵包粒、芝士粉，口感豐富，醬汁份量適中，份量頗多適合幾個人share。🔥Proscuitto Pizza以風乾火腿，布拉塔芝士，櫻桃蕃茄，水牛芝士為主🧀滿滿芝士的濃味，有8件份量超夠，厚底薄餅，口感層次更上一層樓🤩🔥Salmon三文魚皮脆肉嫩，營養價值高，肉質嫩滑夠juicy。配以幼滑薯蓉， 十分美味。🔥Portobello Side(Mushroom)烤大啡菇，外層烤到帶些焦香，保留大啡菇嘅水份，呢個配菜都幾高質素👍🏻🔥Apple Juice🔥Classic Rum&Coke由可樂、Rum集於一身調酒，經典中經典。…查看更多