甘棠燒鵝

营业中

休息中

同朋友去打保齡球，第一次幫襯呢間餐廳，平時都係落返銅鑼灣食。同朋友叫咗兩碗燒鵝瀨，食咗半個鐘左右，就走嚟至少三次問食完未幫我哋收咗啲碗。而當時我哋碗入邊仲有差唔多半碗未食完。眼見舖頭入面都有空枱又冇人等緊位，使唔使咁急收我哋啲碗？過咗嚟收幾次碗，已經覺得有啲煩，幾乎係滋擾嘅程度。食個飯傾吓計，你走來係咁收人啲碗，仲要我隻手仲攞住對筷子，真係好冇禮貌。講返食物質素，燒鵝係比出邊一般嘅燒味店好食少少，價錢貴過出邊都算合理，但未去到會專登去幫襯嘅水平。位置來講，對鍾意打保齡球嘅人嚟講係幾好，可以一路食一路睇人打保齡球，玩完即刻有得食叫做就腳。不過希望啲服務員能夠做到對所有客人都一視同仁。