旺角海鮮菜館

营业中

休息中

前幾日幾個朋友約埋一齊去咗旺角食飯，大家聚下舊，大家都提議叫餸食飯，咁我地就去左旺角海鮮菜館，因為早排朋友媽媽生日係個度食過話幾好食我哋叫咗六小福其中兩小福，海蜇頭同埋鮮魷魚，海蜇頭爽口彈牙好得意鮮魷魚配辣椒豉油帶出魷魚嘅鮮甜更加好食杏汁豬肺湯，豬肺我好耐都冇食過啦湯清甜滋潤，據我所知豬肺要處理嘅程序好複雜，唔係咁多餐館有講到明海鮮菜館重頭戲梗係海鮮啦首先就係胡椒蜆湯，蜆嘅份量十足，粒粒都大大隻豉椒炒蟶子王隻隻都好鬼大隻啖啖肉，非常惹味我最鍾意避風塘炒辣蟹攞嚟送啤酒真係一流當然唔少得清蒸沙巴龍躉啦，條魚非常新鮮，而且蒸魚最緊要火後，師傅蒸得真係啱啱好，冇蒸壞到條魚大家都食得好開心，一路傾陳年往事一路飲啤酒，最後梗係飲飽食醉先走啦