怡東軒 (已結業)

怡東軒-位於怡東酒店2樓，去年晉升成為米芝蓮一星嘅高級廣東菜餐廳。一直都想去試下佢哋的點心，週末book咗好幾次都full,今次終於book到位，一定要試試。今日點左四款點心，包括蝦餃，xo醬珍寶蝦煎腸粉， 潮果三弄( 潮州粉果菠菜素粉果甘筍蟹肉粉果)和脆皮燒鵝肉餐包，另加飄香鮮蝦荷葉飯。總括而言食物質素只屬一般，主要問題是幾款點心上枱都唔夠熱。潮果三弄：賣相ok,三個粉果味道一般，普普通通無驚喜；其實蝦餃係唔錯嘅，蝦味十足有鮮味，但上枱時唔係好熱。 最失望就係脆皮燒鵝肉餐包，見到名字好吸引，但味道就非常普通，完全冇乜特別，只是脆皮餐包而已，加上唔夠熱的關係，非常失望。 煎腸粉就是中規中舉，微辛，唔會太油膩；其中最好食嘅就只有荷葉飯。這飄香鮮蝦荷葉飯相對地熱辣辣，大大隻鮮蝦， 蝦肉爽彈，飯香十足，質感軟糯，味道濃郁，仲有荷葉嘅清新香味。相對於其他一星廣東菜餐廳，今次這間的點心水準比較普通，沒有驚喜，可能期望太大，有啲失望 (除荷葉飯外）