沃川自家料理

营业中

休息中

Happy hour飲完酒想搵野食，發現商場上面有間居酒屋，見到應該都有返咁上下歷史，牆上面有好多上一代嘅明星合照，不過我哋見到價錢合理，唔理咁多入去醫左個肚先。小食點左龍蝦沙律，細細碟，我覺得配埋玉子一齊食更加好味。去日本餐廳，冇理由唔食刺身，刺身拼盤乜都唔使諗，有齊晒三文魚腩，帶子，牡丹蝦，吞拿魚好多款刺身，味道鮮甜，而且好肥美。飲完酒特別想食串燒，燒雞翼同燒蘆筍都係每次一定要食嘅食物，燒蘆筍出邊包咗層豚肉，更加香而且蘆筍夠爽脆，好味，而燒白鱔係我老公最鍾意食嘅，呢間燒得個皮夠香脆，饍肉質彈牙爽口，冇腥味，好好味。炸物店員推介煎墨魚餅，彈牙鮮甜，不過最特別都係粟米天婦羅，好少食粟米可以咁方便，而且粟米超級香甜，咁樣食真係好過癮。最後男人點都要有澱粉質落肚，蟹肉蟹羔炒飯好香仲要好大碟，我哋最後都係食唔晒要打包返屋企食，誤打誤撞俾我哋發現到呢間老牌居酒屋，雖然見到咁有歷史，裝修唔係好新穎，不過有懷舊嘅感覺，而且服務員態度親切，最重要係真材實料，以後飲完酒可以多一間餐廳選擇慢慢坐喺度食飯。